ام وزوجه تعالي انصحيني ام جديده

اب
والف مبرووك البيبي ..

//
والله ياعسل تنقصني خبره بالامومه
الي عليك
حاولي تفهمين زوجك تقولين له اعذرني ياعمري اذا شفت مني قصور تعرف الولد مشغلني وانا ماراح اقصر معك وانت لاتقصر معي ابي احس بوجودك جنبي
حاولي ترتبين نفسك وتكشخين لانام ولدك وتروحين تجلسين عند زوجك وتقولين له انا نومت الولد وجيت مشتاقه للجلسه معك <<عشان يحس انك ماتقدرين ع بعده
وبيتك لاتنسين تنظفينه وتهتمين فيه في وقت يكون ولدك ساكت او نايم
مو 24 س مقابله الولد
عطي نفسك فرصه تشوفين اشغالك
ولاتذمرين من الولد ولاالمسئوليه ترا اذا شاف زوجك تشتكين من الولد ومسئوليته راح تطيحين من عينه يبي يشوف منك الصبر والتحمل
وبعدين انتبهي ثم انتبهي تقارنين ولدك في بنت طليقته اكبر خطا راح تدخلين بمتاهات اكيد راح يعطي ولده مصروف ماراح يقصر
تخلينه يسوي شاي لا طبعا هذي الاشياء مو من طبايعه هالاشياء انتي قومي فيها لو قلتي له يمكن يزعل ويتضايق ويقول وش شايفتني
اذا بكى ولدك ليش تعصبين وتطفشين مالها داعي حركتك ذي حاولي تمسكين نفسك بكذا تنفرين زوجك منك يلقاها من الولد ولا الام الي تطفش وتعصب
شوفي ياعمري اذا منتي قد المسئوليه جيبي لك شغاله تساعدك ع ولدك

الف شكر حبيباتي الله يسعدكم
انتظر الباقيات

ادخلي على ناعمه الهاشمي
سوي سيرش في قوقل وشوفي نصايحها ماراح تندمي..

شوفي حبيبتي الثلاث شهور الاولى راح تتعبين فيها شوي من ناحية التأقلم عالوضع الجديد سواء من زوجك او منك انتي حتى ،، راح يحتاج منك وقت انك ترتبين امورك بين الطفل والزوج والبيت ،،حسسيه انك محتاجه مساعدته دايما ،، انتي يوم يصيح الطفل وتطلعين كانك تفهمينه ان هذا طفلك انتي لحالك ومسؤليته عليك بس طبعا انا اتكلم عن الاوقات اللي يكون فيه فاضي ومو مشغول بشي او راجع من الدوام ،، الطفل بهالعمر نومه كثير وحركته قليله يعني في وقت كثير يمديك تقضين فيها اشغالك وتجلسين فيها مع زوجك ،،
وترى مافيها شي لو ساعدك بالولد او بالبيت بس هالفترة ، وترى احتمال ينام برا الغرفه<< زوجي سواها شهرين ولكن بالتدريج رجع ينام فيها لاني كنت انوم بنتي واروح الزق له لين ينام ,,
والله ييسر لك امرك يارب ويحفظ لك النونو

انا توني طالعه من الاربعين ونفس حالتك
دوخه مع ولدي
بس ربنا يعين لما ترجعي بيتك راح تتأقلمي على الوضع اكثر من لما تكوني عند اهلك
حاولي ترتبي وقتك وخليه يمسك عنك الولد شويه
يعني يمسكه شويه على بال ما تسوي الحليب . يمسكه شويه وانتي تجهزي الغدا
يكون ساكت او نايم تقولي حبيبي هو نايم بس انتبهله على بال ما اتحمم
يعني كدا شويه هو يتعود وانت تتعودي ولدك يكبر شويه يبطل الزن حق هادي الفتره
الله يحفظهم لنا ويعيننا على تربيتهم
ترى كنت مع زوجي انواع المشاكل وانا عند اهلي
كل يوم طالع بهرجه على الي يسوى واللي ما يسوى
بس الحمد لله لما رجعت بيتي خفت المشاكل يمكن اكثرها كان بسبب البعد
يقولي مليت وانا رامي نفسي عند اهلي ما كأني متزوج /////////////////خ

lمبروك البيبي يا عسل وعقبال ما تشوفيه دكتور<<<ههه
ما عندي خبرة بتربيه الرضع ولكن في شغله حابه انبهك عليها
لاتقولي لزوجك يعطيه مصروف
لانه بيحط فباله انك تغارين من بنته
بنته مو معاه وكبيرة
اكيد يبغالها مصروف
بس ولدك توه رضيع وتحت جناحه
وش ناقصه بعد؟
الله يوفقك يارب ويسعدك

الف مبروك المولود ويتربى بعزكم يارب
بالبدايه الي تمرين فيه انتي وزوجج شي طبيعي جدآ
انتي ام جديده ولسه ماتعودتي على مسؤولية البيبي وزوجج برضو مثل كل رجال مايحبون الازعاج والصياح
الحين انتي عند الماما وهذي فرصتج تدربين عند اهلج وترتبين امور البيبي عالاقل
يعني حاولي تركزين متى ينام وكم ساعه يظل نايم وبعدها يقوم
طيب لما يقوم بالنهار كم ساعه يجلس وبعدين يرجع ينام ، غيري له كل اربع ساعات والرضعه عطيه اياها
كل ساعه ونص او ساعتين حتى لو مرت ساعتين وماصاح عطيه اياه ، طبعآ اكيد وصلتج معلومة بطن البيبي وانه يمغصه
ويمكن ولدج مره يتألم علشان كذا يبكي كثير شربيه يانسون يوميآ خليها رضعته قبل موعد نومته ( الي المفروض عارفتها) بساعه كذا
شربيه اليانسون وبعد ساعه نومه عالرضعه ، بعدين اهتمي بالترويش لازم يتروش البيبي يوميآ بالصيف وكل يومين بالشتا
وطبعآ اذا تروش لازم المكان الي حوله كله دافي الين يكمل لبسه بعدين طلعيه
طبعآ انا قاعده اعطيج هالمعلومات علشان تتلافين صياح البيبي لانه ابد مافي بيبي يصيح من غير سبب فأنتي خذي بالاسباب كلها وحطي لها حلول وان شالله وضعه بيستقر ، وبرضو بخصوص البطن في زي الباكيتات تنباع بالصيدليات اتوقع فيه صورة بيبي
هذا الشي عباره عن اعشاب مثل اليانسون والشمر وهالاشيا الي تهدي اعصاب الطفل وتخليه ينام بهدوء هذا ولدج وخلصنا منه
الحين نجي لج و لزوجج شوفي حبابه ترى زوجج شي طبيعي مثل ماقلتلج انه ينزعج ويعصب لان ماتعود عالوضع
زائد انه شايفج شلون محتاسه ومعصبه عالبيبي فهو يسوي مثلج لاشعوري وبعدين البيبي لسه صغير مابعد شاف حركاته لما يضحك ولما يناغي
ولما يتقلب والرجال ينبسطون على هالاشيا فانتي لاتحاتين نفور زوجج عن ولده ، انا زوجي كان كذا مع بنتي اذا جا يزورني وانا بالاربعين بس يشيلها شوي ويبوسها مره ويعطيني اياها واذا صاحت يقولي وديها داخل ( عند امي يعني) والحين مشالله تعالي شوفيهم مرات دموع تطلع من عيونه من الضحك عليها ، فأنتي طولي بالج شوي لما يصيح وزوجج نايم وعارفه انه تعبان ومحتاج للراحه خذي ولدج وطلعي معاه برا ،
اختاري الوقت المناسب الي تخلين زوجج يساعدج بولدج او الاوقات الضروريه مره مثلآ ولدج مرض فجئه بعيد الشر وكان الوقت متأخر هنا لازم زوجج يقوم ويتصرف لو مثل ماقلتلج الاوقات المناسبه ، يعني الوقت الي انتي عارفه ولدج راح يطول بنومته او بيكون شبعان ونظيف يعني ساكت
اطلبي من زوجج يجلس جنبه وانتي روحي شوفي شغلج ، لما تقومين من النوم مع البيبي اول شي تسوينه تغسلين وجهه البيبي
بعدين غيري البامبرز وجهزي له الرضعه لما يرضع ويشبع ابدي لبسيه واذا تبين روشيه يكون احسن بعد
وخليه جالس قدام التلفزيون وحطي له قناة براعم ترا مره حلوه وعلي الصوت علشان تلفت سمع ولدج
وهكذا خليج كل يوم على هالموال وبخصوص التلفزيون تراه شي ضروري لج وللطفل علشان يلهى عنج شوي وتقدرين تشوفين شغلج
وبتشوفين شلون بترتاحين
وشوي شوي راح يكون في نظام ماشي عليكم كلكم وبترتاحون منه ان شالله
والله يسهل اموركم

البنات ما قصرو
بس انا صراحه يوم ولدة بنتي بعد ما رجعت البيت
والله هو يهتم فيها لانو انا كانت نفسيتي تعبانه
والحمد لله الين دحين يساعدني فيها حتى بعض احيان يروشها
هذا لاني مو من النووع الي اول ما تبي بنتها او ولدهااطلع من الغرفه
وربي اقلو زي مهي بنتي بنتك يقولي هاتيها وينومها وانا انام
الين تعود خلاص بس بس الحمد لله بنتي مش من النوع الي يبكي كثير