امنى تساعدوني الله يجزاكم خير

حبيبتي انا حاكتب لك الي انا اقدر عليه
اول شيء انت لازم اتنسي المشاكل او مجرد تفكير في شيء يخصك او يخص غيرك
فكري في نفسك
احنا الحين في رمضان
باقيلك تقريبا نص شهر
صحيح هيا مده مو كبيره بس لو شديت حيلك بتسير احلى عروسه
اول شيء
لا زم تغيري نفسك من برا
يعني لا تنسي في العيد تقصي شعرك او تسويله صبغه
ثاني شيء الاهتمام في الجسم
انا راح انزل لك جدول
بس مو من خبيره
هدا الجدول هوا الي انا ماشيه عليه و مره مفيد بس يباله طولة بال
اول شيء نبدا من السبت
السبت : خديلك شور عادي بعدين انقعي جسمك كله في ماي حار يعني اكثر حراره تقدري عليها
طبعا مو مرره حاره لان الجسم يترهل من الحراره
اجلسي في الماي ساعه او ساعه الا و ادا كنت تقدري تجلسي اكثر ما يمانع
بعدين اخرجي من الماي و هاتي ليمون و ملح
غمسي الليمونه في الملح و افركي بها جسمك
انا عن نفسي افرك كل شيء في جسمي عدا المنطقه الحساسه
حتى منطقه الصدر
و بعدين اغسليها بماي دافي يعني مو حار بس ما يكون باره
بعدين ادهني جسمك كله بخلطة كريمات
الخلطه :
(( زيت زيتون + زيت خروع + زيت لوز // ما تفرق ادا حلو و لا مر // + كرم جليسوليد + كريم جلسرين + نيفيا + فازلين + جليسرين سايل + فكس )) ادا ما عنك هدي الكريمات تقدري تسوي خلطه بالكريمات الموجوده
بعدين لفي جسمك كله بورق النايلون
طبعا من اصابع الرجل لين الرقبه
انت حاولي تلفيه بطريقه انه جسمك مره ما يتنفس
و بعدين روحي نامي
و لا تنسي تلبسي ملابس برد عشان تحر جسمك و يلين مع الحراره
و لما تصحي باليوم الثاني >>>>>> خلص اليوم الاول
الاحد : لما تصحي خديلك دش و بعد ما ينزل الكريم كله افركي جسمك بملح الحليب :: يوكوسابا ::
و بعدين كدا تكوني خلصتي من جسمك
في الليل وقت ما تفضي جيبيلك كروانتين و مليهم بالماي الدافي و انقعي رجلينك في وحده و يداتك في وحده و خليهم على اكثر حراره تقدري عليهم
خليها ساعه و بعدين ادعكيها بالحجره
بالنسبه لليدات ادا عندك ليفة بودي شوب تقدري تستخدميها و ادا ما عندك تقدري تستخدمي حجره الرجل بس بالراحه عشان ما تنجرح يداتك
و نفس شيء الرجل
و بعد ما تدعكيها و تنزلي الجلد الميت غسليها و نشفيها
ادهنيها بكريم
ادا كانت نفس الخلطه الي فوق يكون افضل بس ادا خلصت تقدري تحطيلها اي كريم
بالنسبه لليدات اكتميها بجونتي المطبخ الشفاف و البسي فوقها جونتي قماش
و الرجلين نفس الشيء اكتميها و البسي شراب و نامي بها
و بكدا نكون خلصنا من اليوم الثاني
يللا انا اترخص بااروح افتر في المنتدى
و ان شاء الله اكمل الموضوع بعد شوي
بس آمانه ادعيلي ربي يتمم لي و تكون شبكتي في آآخر شوال و زواج في الحج
و يرزقني ربي بالدريه الصالحه

الله يجزاج كل خير يارب ويوفقج وتكون الملكه بشوال والعرس بالحج امين يارب العالمين .. ما عليك زود والله
ورح ابدا باليومين الي قلتيهم
ماقصرتي وانتظر التكمله ..
ويا بنات اذا فيه شي ثاني افيدووني الله يعافيكم

.................................

فديتك يا الغاليه
يا رب يحقق اماني الكل
المهم نكمل
الاثنين نخليهم راحه للجسم من الدعك و هدا الكللم كله
الاثنين راحه
ادا تعرفي رياضة التأمل ؟؟؟؟؟
الي تعرف بأسم اليوجا
انا مجربتها و الله تريح الجسم و تنور الوجه و تريح كل شيء فيك و في آخر المشاركه حنزل لك رابط لها
المهم يوم الاثنين ريحي
ما يمانع انك تنقعي جسمك في ماي دافي مايل للبروده
لان الماي البارد ينشط الدوره الدمويه
بس لاحظي ما يكون حار لان الحار يرهل الجسم
و هدي نصيحه للكل
يا بنات الماي الحار يرهل الجسم انتبهو
و الي تبي تتأكد تشوف اجسام الحريم الي يسو الحمام المغربي في الصولانات
المهم حبيبتي نرجع لموضوعنا
الثلاثاء : سويي هدي الوصفه
المكونات :
زيت زيتون ...
فازلين ...
ليمون ...
جلسرين ...
هرد >>> مو شرط الخاص بالجسم حتى لو تبع الطبخ بس اهم شيء يكون قبل العيد على الاقل ب إسبوع عشان يروح اللون الاصفر
المهم اخلطي المقادير كلها مع بعض و ادهني جسمك بها
و خليها بجسمك على الاقل ساعتين و ادا تقدري خليهم اكثر
و ادا ما يضايقك تخليهم في الليل بجسمك و ثاني يوم لما تصحي تغسليهم
طبعا تغسليهم عادي بدون دعك لين ما ينزل الي في جسمك
يعدين تبدأي تدعكي باليوكوسابا الي هو ملح الحليب
بس بيدك مو بالليفه
حتى المره الي قبلها باليد مو بالليفه
لان الملح شخن و الليفه خشنه راح يأثر على جلدك
و يكون جسمك مندي مو ناشف
و الدعك يكون بشكل دائري
و على فكره خلطه الهرد انا استخدمها حتى للمنطقة الحساسه
يعني لطخي جسمك تمام بها
المهم حبيبتي
بعد ما تخلصي من ملح الحليب غسلي جسمك بليفه ناعه لان كثرة الفرك في الجسم كمان تسبب الترهل
و لما تطلعي من الحمام نشفي جسمك و انتبهي تعرضيه لهوا لان اي هوا بسيط بيكون سبب لجفاف الجلد مبلول
بعد ما تنشفي جسمك تمام ادهني بنيفيا
ترا النيفيا تفتح و انا استخدمتها فتره و الله فتحت
اما يوم الاربعاء و الخميس و الجمعه افضل انكا ما تسوي شيء لجسمك
خليه يرتاح
بس شور او انك تنقعي جسمك بالماي الدافي المائل للبروده
و تقدري كل يوم تاخدي دش قبل ما تنامي و تدهني جسمك بالفازلين
و انا استخدمت قبل فترة الخيار مع الفازلين
مره مفيد للجلد
طريقته مره سهله :
تقشري خيارتين و لا حتى حبه على حسب كمية الفازلين
و تخلطيها مع الفازلين في خلاط العصير
و ان شاء الله المشاركة الجاية بنزل لك كم وصفه للجسم
انا بالنسبة للوجه
و الله مافي زي اللبن و الثلج
دلكي وجهك بقطع الثلج بشكل دائري لين ما يحمر بعدين نشفيه و حطيله لبن
و اللبن لا ينزل من وجهك طول الليووم
بمجرد ما ينشف امسحيه و حطي جديد
صح هيا شغله و يبالها طولة بال
بس الله النتايج حلوه
و على ظمانتي
يللا حياتي انا بوقف كتابه لاني تعبت من الكتابه
بس لا تنسيني من دعواتك لاني بجد محتاجه لدعوه من القلب
و انت الله يسعدك و يملي حياتك افراح و مسرات و يبقيك عروسه في عين زوجك طوول العمر و يرزقكم بالدريه الصالحه

يسلمو يا ملااك والله
الله يسعدج يارب ويوفقج ف دينج ودنيااج ويحميج ويحرسج ويبقيج لكل عين ترجيج امين يارب العالمين ويحقق الي في بالج

ماقصرت معك عروس مكه
الله يجزاها الخير
وحابه احط لك روابط
شفتها بالمنتدى ورائعه
وان شاء الله بجربها
بس زي ماقالت اختي عروس مكه
غيري شكلك الخارجي
من القص والصبغه
ومن الخلطات عندك
اول شي اذا تبغي بشرتك مضيئه
ادخلي على هالرابط
>> هنا <<
واذا عندك سواد بالأكواع والركبه واليدين
ادخلي على هالرابط
>>هنا <<
وعندك الخلطه الصابونيه للبياض والنظافه ولون الجسم يصير منور وبدقيقتين
ادخلي على هالرابط
>> هنا <<
خلطه لبياض البشره وصفائها وتخليه مورد خلال يومين واذا داومتي عليه لين قبل العيد رح تتغيري بسرعه
ادخلي على هالرابط
>> هنا <<
كريم تعطي للبشره التألق والحيويه وبدون تجاعيد
ادخلي على هالرابط
>> هنا <<
اذا تبغي بشرتك وخدودك ورديه ونضره كأنها طبيعيه
ادخلي على هالرابط
>> هنا <<
خلطة السدر لتوحيد البشره وتنظيفها
ادخلي على هالرابط
>> هنا <<
للعنايه بشعرك
ادخلي على هالرابط
>> هنا <<
وصفه تخلي جسمك مفتح وناعم مع الاستمرار
ادخلي على هالرابط
>> هنا <<
بالتوفيق يالغاليه وربي يسهلها لك وان شاء الله
ماتروحين عند زوجك الا وانتي عسل
والله يحفظك مع زوجك ويبعد عنكم المشاكل وتكون حياتكم كلها سعاد
دعواتك لتسهيل شبكتي وو تسهيل الزواج بالسنه الجايه ان شاء الله
^_^
كل الود