امي سبب عنوستي

1. صرت اسال امي اقول لها صدق فلان الفلاني تقدم لي؟

السلام عليكم ورحمة الله وبركاته
.
.
.
يسعد صباحكن / مسائكن /اوقاتكن
.
.
.
نورتوا موضوعي او بالاصح مشكلتي
.
.
.
لاني حبتكم بحطه لكم هنا

• --- ------- المطلوب من الفراشات - - ---- --

بنات بطرح لكم سبب تاخري عن الزواج ...والمطلوب من كل فراشه
1- الدعاء لي
2-تبحث لي عن حل وتطرحة رد هنا لعل وعسى ربي يفكني من اللي صاير نبذه عني ------------------------------
بنات انا على قدر كبير من الجمال والعلم ( وهذا من فضل ربي ) كل من جلس معي ينذهل مني ...بنات انا بنت اطور نفسي و شخصيتي وطريقة تفكيري << الموهم ... خلصي
الكثيير يجهل سبب بقائي من غير زواج الى الان .....انا بعد كنت في مرحلة ما اجهل ولكن الايام كانت كفيلة لي بتوضيح الاسباب ...... لية كل اللي قدي تزوجوا بدي وانا لا ؟ ------------------------------
بنات كنت اسال عندما كان عمري من 18 الى 21 عن سبب بقائي من غير زواج ...وكانت امي ترد عي ما جاك احد .....مع العلم انا اجمل من البنات اللي حولي وبسني وتزوجوا .... انتباه ------------------------------
قبل لا اكمل من قصتي احب انوه كل اللي جوني متعلمين وعلى دين وخلق اهلي مالهم حق يردون عرفت سبب البنات لية تزوجوا وانا لا والفضل للزمن ------------------------------
وبعدين بدوا بعض البنات( صديقات + قريبات ) يتغيرون علي ....او يتعاملون معاي بطريقة مو حلوه .....وكنت اتفاجئ عن سبب الانقلاب ...لاحظت الناس بدات تكش عننا ...ما ترغبنا مثل اول
وبعدين منهم من جاني وقال لي اخوي تقدم لك واهلك قابلوا ابوي واخوي بطريقة مو حلوه ....
امك قالت لامي كذا...( لا حلول ولا قوه الا بالله ) ...تبوك ما رد وراح ابوي واخوي لعملة وابوك قال لهم كذا ...امك سكرت جوالها بعد امي ما طلبت يدك 2 شهر ....فهمت بعدين امي اذا ما اعجبوها تطفشهم وتزعج ابوي وتبتكر الطرق لتطفيش( الرجال ) وتطلب من ابوي التطبيق ...وانا الى الان يدهشني قدره امي على اقناع ابوي ...ويذهلني اكثر تصديق ابوي لها
تكرر الموقف اكثر من مره بناس مختلفين لحظه المواجهه ------------------------------

صرت اسال امي اقول لها صدق فلان الفلاني تقدم لي؟

صارت تسكت وتقول امي لي البنت تكذب عليك ...وبعدين صرت احجر لها بالحقائق اللي اسمعها حولي ....واللي البنات يفدوني بها (هم يقولونها لي على سبيل العتب )...صارت تقول لي امي نعم .... طيب لية رديتوه ما تجاوبني امي( تلتزم الصمت) .....متى ناوين تقوليون لي ...قالت لي امي مو لازم تعرفين ....
طبعا يتكرر هذا الموال الموال في كل خطبه بعمر 23 ------------------------------
المهم يوم صار عمري 23 صرحت لاهلي برغبتي بالزواج ....نكدت عليهم ....تكلمت معاهم ....ولكن لا حياه لمن لا تنادي .... طبعا بهذه الفتره امي صارت تتضايق من حضوري للاجتماعات .. لان كل البنات اللي كبري امهات وانا لا ...واحس انه يانبها ضميرها وتحس فعلا اني بنت مسكينه ... صاروا الناس يحسسونها انو اللي تسويه غلط ...فمارست علي العزله الاجتماعية ممنوع اروح للعزايم ...والزوجات الا اللي بالمره يقربون لنا ...يعني لا اطلع ( اجلس بالشهور قد يصل الى 5 شهور ) ولا عيشه زي الناس ...بنات ابسط شيئ التعامل مو مثل الناس ...ابيهم يتعاملون معا ي بانسانية ما فيه امي جافه معاي اقصى درجه طريقة امي التي جعلتني بعزله اجتماعية ------------------------------
لما ارجع من عزيمة لابوي بنتك لازم ما تروح لاحد ...افضل لنا كسمعة اسره << اسمعوا بس الاسباب
صارت يا بنات تقول لابوي بنتك فشلتني صبت قهوه لمرت عمها وعماتها انا بنتي صبابه؟<< يعني بصب لي فنجال عيب اصب لنفسي وغيري لا وهم اكبر مني ...ومرت عمي وعماتي تراهم والله يناظرون فنجالي وهم اكبر مني لحظات يفزون يصبون لي
بنتك تسولف مع الناس ..سواليف سواليف تراهم بيقلون عن بنتك خبله وانا علمتك << طيب انا ما حشيت ولا نشيت طالعة اسولف واضحك واستانس والسولافه اقولها بموضعها ومع الشخص المناسب
بنتك اذا شافت الناس تبتسم وتفرح يالله لك الحمد على ايش مين هي قابلت << انا من زمان ما شفت الناس طبيعي افرح
بنتك سولفت مع بنت اختك اللي بسادس بنتك خريجة كيف تسولف مع بزر << طيب انا سالتها عن المدرسة عادي صح يا فراشات ؟
بصراحة لا تعليق
لما احد يولد تقول لابوي البنت ما تروح معانا ....مشاعرها اذا راحت وزارت احد والد تشتعل للزواج << غباء
لما تصير عزيمة تقول لابوي ممنوع البنت تجي معانا الناس يحسبون اني اعرض بنتي للزواج<< لا اله الا الله طيب يمكن يقلون البنت جايه تنبسط
امي نجحت بممارسة العزله معاي هي معاها سلطه علي انا تلك الفتره والى الان ------------------------------
انا صرت اتعب واتحسس ...انا بنت جميلة ..مثقفة غيري راح مع رزقه وانا لا ...لما يتعاملون اهلي معاي بعنف جسدي ونفسي ..واتذكر البنات اللي بسني كيف عايشين فعلا احزن على نفسي اقول انا عمري كذا وابوي او اخوي يمد يده علي وغيري بنات بسني واصغر مني عند زوجها يخاف عليها ...لما اشوف اهلي بالماديات معاي مو حلوين ...واشوف اللي مع غيري سواء متزوجة او لا يحز بخاطري ....امي تقول انا ما اقدم لك رفاهية الحياه انا بس اقدم لك اساسياته ...ماكل ومشرب ...وملابس تستر عورتك السبب الفعلي لرغبتي للزواج ------------------------------
بنات الحقيقة وانا اكتب الموضوع سبب رغبتي بالزواج الخروج من سيطره امي ... ابشركم فاتحوني بواحد ولا عاد عملوها ------------------------------
وبهذا العمر اول مره اهلي يفاتحوني بواحد .....ولد خالتي امي تبيه وابوي يسمع كلام امي ( فاقع قلبي )
مع العلم انه اسوا شخص تقدم لي بالحياه كاملة ( مدخن + غير متدين + معاه دبلوم )....واللي ردوهم اهلي افضل منه 10000000000000000 مره<< مقهووره
.انا بس ابوي قال اسمة قلت لا....ا مي قالت ليه ما تبين تتزوجين !!
قلت لها ايه بس تقدم لي من هو افضل منه .....لا معاليش انتظر اكثر لا اقبله !!....ما ادري لية امي كانت حريصة علية لا تقولون لي ولد اخته تراني انا بنتها بعد ....
ابوي سكت وفرح بقراري اصلا كان بفور ما طرحوا لي اسمه ....ولا قال شيئ عند امي يوم قامت قال لي
والله يا بنتي انك فرحتيني ... ابدا ابدا ما يناسبكي ...بس امك كانت مصره ...وانا كنت واثق من رده فعلك ...والله عجبتيني !! .... في عمر 24 ------------------------------
يوم صار عمري 24 تقدم لي فية شخصين وبنات اهلي تحسنوا ( افضل من اول ) صاروا يقولون لي بعد ما يردون الشخص يقولون لي شخص تقدم لك ورديناه ...من غير ذكر سبب الرد ولا اسم الشخص وجهة نظر امي بالزواج ------------------------------
تكلمت مع امي مرارا وتكرارا ....عن سبب رفضهم لتزويجي ....كانت الصاعقة ...قالت لي امي انا افضل انك تتزوجين وعمرك 30 ( لان عندها وجه نظر تقول كذا الي تتزوج بهذا العمر يكون حضها اكبر )....قلت لها طيب انا مو من حقي اختار الوقت اللي اشوفه مناسب لي ؟
مو من حقي اختار الشخص المناسب؟
قالت لي امي لا.....انا وابوك كفيلين باختيار الشخص المناسب لك ...
قلت لها طيب فرضا ما ارتحت بعد ما صليت الاستخاره قالت لي ....مو على كيفك انتي مالك راي ...من متى البنات يعرفون مصلحة انفسهم
بنات حسيت نفسي شيئ مو مهم ولا ضروري بزواجي انا ...حسيت نفسي اني اداه لاتمام الزواج مو شخص ...بيدخلوني على الرجال اللي هم يشفونه مناسب وانا ما راح يكون لي راي
وهذاك اليوم انفجرت على امي وابوي جلست فتره مقرفتهم بتعاملي معاهم ...قالت لي امي اسمعي تبيني ازوجك اي زيجه؟
قلت لها ايه ما عليكم مني ( لاني لو قلت لهم لا والله اطق ال40 ما شفت العرس )
قالت انا بزوجك واحد على مزاجي ( فراشات اللي فاهمة على امي الله يخليكم لا تبخل علي لاني ما ادري وش العريس اللي بمزاجها )
قلت لها بعد فتره ماما ....انا مخبية او ناوية لي شخص ما ؟...قولي لي ( طبعا ماردت) واله لاوريكم الشغل <<خ------------------------------
هذاك اليوم قررت وقلت كفايه ما راح اصرف على نفسي ....قلت لاهلي اسمعوا انا بنتكم وما تزوجت انتم تصرفون علي راتبي بدخلة بصناديق استثمار ريال واحد ما راح اصرف على نفسي الا بحالة واحده ....اني افتح لي شقة واعيش لوحدي مثل الامريكيات ....انا بنت والشرع يلزمكم تصرفون علي
صرت اطلب وصرت اضياقهم ...صاروا يحسون اني عبئ عليهم <<والله يا بنات لا تلوموني بس من اللي احس سويت كذا
ودي استقعد عليها بالطلعات ...كل عزيمة اروح معاها بالطيب او بالقوه << الهدف التطفيش السوال المسدوح ------------------------------
انا الان عمري فوق ال 25 الحين بنات الناس اذا شافتني او سالت عني قالوا هاتي رقم اهلك واعطيهم رقم امي ( يعني انا بكر وهذا المفترض يصير ) بس امي تطيرهم لي السوال المطروح والمسدوح ....امي جالسة تطير العرسان علي وش اسوي !!
اذا الناس كلموني وقالوا نبي رقم احد من اهلك ....اعطيهم رقم من؟<<امي وتصرف ..وابوي ماشي خلف امي .....
ما هي افضل طريقة لاقناع اهلي بتحسين تعاملهم مع الناس اللي تجي وقت الخطبه << ما ادري فاهمين علي
كيف اقنع اهلي انهم يزوجوني ؟....والله مليت
يعني جالسة ادفع ضريبة العنوسه بسبة امي .... كلمت شيخ قال لي اسمعي اذا الله كتب لك الزواج راح تتزوجين غصب عنهم وسكر السماعة بوجهي ......يعني انا ما ودي اكون سلبية فعلا ابي حل لمشكلتي ...
ودي احاول احل المشكلة ذي ...حتى لو بائت بالفشل ...ولكن ما اجلس كذ
وتكفون ارفعوا موضوعي لو بدعوه