ان حكيت حكيت عيبي وان شقيت شقيت جيبي

1. انا متزوجه من 14 سنه وعندي ولدين


2. قلت : ليه وش السبب....؟؟؟


3. قالي: بس انا اروح وهذا يكفي


4. قالي وتريقين بعد ؟؟؟

صباح الخير يبنات
عندي مشكله وربي تعبت تعبت مالقيت لها حل استغفر الله احيان ادعي على نفسي بلموت واللعن الساعه اللي انولدت فيها بسبب هذي المشكله

انا متزوجه من 14 سنه وعندي ولدين

مشكلتي مع زوجي ابتدت من 11سنه كان عنده صديق الروح بروح زوجته تقرب لي او بلاحرى تكون بنت خالتي
حصل خلاف بين زوجي وصديقه هذا ومن يومها حكم علي زوجي مااتصل في بنت خالتي ولا ازورها وحتى لو شفتها في مكان مااسلم عليها قلت له مايصير انا وبنت خالتي وش دخلنا في مشاكلكم...؟؟؟ انتو ر جال وتهاوشو وش دخل الحريم في الموضوع ؟؟قالي كلام ووصلك كنت وقتها صغيره تحت العشرين وماكنت اعي تصرفاتي وخضعت لأمر زوجي لكن ما تكلمت مع احد في هذا الموضوع ولما تصير عند اهلي مناسبه اجلس افكر لو بتقابل مع بنت خالتي وشبسوي ؟؟
احاول لمااروح اخفي نفسي او اذا رحت ادخل دقايق واطلع ولماارجع البيت احصل مشاكل وينقلب البيت جحيم يقولي لا تكذبين انتي شفتيها وسلمتي عليها احلفله اني ولله ماشفتها ويقولي كذابه ...!! تعبت ذقت اللوان القهر والعذاب واجلس اعاتب نفسي مايجوز حرام ماارمي السلام عليها ليه يعمل زوجي فيني كذا ولا هو بيتحمل ذمبي يعني ؟؟بدا على اقل مشكله تصير في البيت يطردني ويوديني بيت اهلي والسبب تافه على تأخير طباخ او كناس او غسيل يعني مشكله تصير في كل بيت ونااعارفه ان هو جالس يدور الغلط علي وعارفه وش اللي في خاطره السالفه مو سالفه طبخ او كنس المهم يوديني بيت اهلي ووبعد كم يوم يتراجع ويجي ياخذني ويكلمه ابوي ويسمع كلامه وبعد كم شهر يرجع الوضع كما كان اقل سبب طردني
أي مناسبه تصير في الاهل وربي اكره حياتي والسبب زوجي ادري بتقلب بعدها خناق وحياه جحيم
ظليت افكر انا وش مستفيده من اوامر زوجي اناسنين ماالكلمها وعلى ذالك مايصدقني ويقلب حياتي جحيم وهم وغم قلت في نفسي اكيد
السبب لاني عصيت كلام ربي وطعت كلام زوجي وقطعت صلت الرحم بييني وبين بنت خالتي ظلت هواجيس توديني وتجيبني ليه زوجي عمل فيني كذا الله قال في محكم كتابه وافشو السلام بينكم ,,,,,,, واذا حييتم بتحيه فردو بأحسن منها,,,,,,,
وربي وجهي اصفر لونه وصحتي الى الأسواء من مشكله تافه ليه طعت كلام ليه...؟؟
بديت لمااشوفها اسلم عليها فقط.... اسوي الواجب من يم رب العالمين هي فرحت كثير لاني كنت اشوفها في المناسبات السابقه عيونها دايم علي وتنظر لي بنظره حزينه وكأنها فهمت اني مغصوبه مااسلم عليها
قبل شهر توفى جدي تلقيت الخبر وزوجي بجمبي بديت ابكي على جدي وطلبت منه يوديني
قال :لا

قلت : ليه وش السبب....؟؟؟

قالي: بس انا اروح وهذا يكفي

قلت: هذا جدي واجب احظر العزء ليه انت تعملي فيني كذا حرام عليك حتى في موت جدي منغص علي عيشتي ياولك من عذاب الله ولله ثم ولله ان ماوديتني لاتصل في اخوي الحين يجي ياخذني المهم وداني وحظرت العزاء 3ايام بعدها جا لي يوم وقالي شوفي يبنت الناس اختاري يانا او بنت خالتك في حياتك
قلت : حلوه هذي بعد...!! تخيرني بينك وبين بنت خالتي وش قالو لك بنت خالتي رجال عشان تغارعلي منها ؟؟بديت اضحك وربي على كلامه لكن شفت جاد قلت: خليني اضيع السالفه
قلتله: اليوم خواتي مجتمعين بيت اهلي ودني قالي حاظر على امرك وداني ولما وصلت بيت اهلي رفض ينزلون عيالي معاي نزلت لوحدي لكن دخلت بيت اهلي وما بينت لحد وشفيني بعد ساعتين دخل ولدي قالي: يمه ابوي يبغاك برا طلعت له قالي يلله وش قلتي ..؟؟ قلت: له على ايش اقول ..؟
قالي: انا ولا بنت خالتك..؟؟
قلت :شوف انا عندي لك اقتراح اشرايك الشيخ اللي بيطلقني منك اخليه يزوجني على بنت خالتي وانت تكون الشاهده على زواجنا ..؟؟؟

قالي وتريقين بعد ؟؟؟

طلع وخذ العيال والان لي 3اسابيع بيت اهلي حاولت اتصل فيه مايرد دزيته له مسجات اعاتبه واذكره بكلام الله واحديث عن صلت الرحم المهم اتصل فيني قالي: شوفي اذا تبين ترجعين تحلفين لي على المصحف انك ماتسلمين على بنت خالتك ولا مافي حل الا الطلاق ابوي يقولي مارح تروحين معه الا لمااتفاهم معه وش ذا الشرط الوسخ اللي هو حاطه الشرط مرفوض
اتصلت في اخوه الكبيره وقلت له السالفه قالي اتركيه عنك ماعنده سالفه اهو قالي السبب وانا خانقته وقلت له مالك حق تمنعها من السلام لكن زوجك عنيد ومايحشم احد ونا حاولت بقدر المستطاع معه
جلست افكر وش الحل وش الدبره اللي فهمت ان الكل ضده في هذا الموضوع لكن اهو منشف دماغه
اتصلت في شيخ وهو امام مسجد وسألته وش الحكم على حلفي على القران قالي مايجوز تحلفين على قطيعت الرحم هذا الشي حرام قلت له يشيخ اهو مصر قالي سايريه في أي شي الا الحلف على القران
جلست افكر ليه اهويتحكم فيني بهذا الشكل اليوم يقولي لا تسلمين على بنت خالتك بكرا بيقولي لا تسلمين على اختك وبعدها اخوك وبعدها امك بعدها ابوك انااعرفه يحب التمادي لو افسح له المجال اهو يحب يفرض سيطرته حتى لو كان قراره خطاء وغير منطقي واكبرها دليل كان يبي يحرمني من روحتي على عزاجدي وش ذا التحكمات الي مالها معنى
انا ماابي ادل طريق المحاكم والمشايخ على سبب تافه انا ماابي طلاق اهو رافض حتى يجي يتفاهم مع ابوي لكن ولدي لما يتصل فيني يقولي يمه اذا كان ابوي موجود بلبيت وشافني اكلمك يقولي حول الصوت على السبيكر يعني على الميكرفون علشان يسمع صوتك وش قصده من هذاالشي ؟؟
الان لي كم يوم مااتصل على عيالي
لا تقولن لي استخيري لاني ماافكر في الطلاق ولا تقولون ارجعي اكتبي لها مسجات لانى كبر راسه علي وعاملني بطريقه حسيت وكأني راميه نفسي عليه
ابي خطه او مقلب عشان اخلي يطيح اللي براسه اويجي يتواجه مع ابوي