انا باموت من القهر ساعدوني بمشكلتي

1. صباح الخير

صباح الخير

بدون مقدمات انا مظلومه واللي ظلمني مديرتي راح اقول لكم معاناتي انا كنت ادرس اول ثانوي بالشرقيه قريب من الكويت المهم تزوجت بالعطله ورحت للرياض ووقفت سنه لاني كنت عروس ومستحيه بعدين جات السنه الثانيه درست واول يوم انحشت من المدرسه لاني كنت خايفه مع اني طبعي اجتماعيه وجريئه وذاك اليوم اللي انحشت فيه صاروا صديقاتي 8بنات وكانوا يسألون عني بنت خالتي كانت معاي المهم هي قلدتني وهربت ثاني يوم شكلنا متعودين لاوالله مارتحت للمدرسه زوجي زعل وقال مدرسه ماكو وبعد محاولات سجلني منازل عند اهله بالشرقيه قريب من قطر وهنيه جات المعاناه اول شي المدرسه بهجره والبنات ادبي بس والعيال علمي غصب مادري ايش شايفين يعني العيال اذكى من البنات جبت في ثاني ثانوي النص الاول 85 والنص الثاني 83 بعدين وقفت سنه لان يوم جت الامتحانات وانا نفاس جايبه ولد قولوا ماشاء الله وبعد سنه كملت منازل يعني انتساب للي مايعرف المهم الاختبارات كانت مع الشتاء وانا عادتي ما اذاكر الماده الا بيوم الامتحان المهم تعبت باسبوع الامتحان الاول ماكنت اقدر اذاكر الا بشويش وولدي تعب الاسبوع الثاني وجبت 72عاد انقهرت وقلت لازم ارفع نسبتي لان ولا مره جبت زي كذا النص الثاني اجتهدت وتوقعت اجيب في الثمانين المهم جاتني مثل الصدمه 77وشلون وكيف المهم قالت لي حماتي مره اخو زوجي اذا ترفعينها ترفعينها شي بسيط لانها مدرسه عاد قلنا ماعليه المهم طلعت النتيجه والا الصدمه الثانيه كاتبين اني جايبه في ثاني 73 انا كنت عند اهلي دقيت على المدرسه وتطلع لي وحده من المساعدات قلت ابي المديره وقالت شتبين فيها اهي مشغوله المهم قلتلها عن كل اللي صار وراحت تبي تتأكد عن الشهادات قالت بالكمبيوتر مكتوب 73 وقلت الشهاده الورقه قالت الورقه مادري مو مكتوب شي وراحت تبي تعطيني المديره وانا اسمع المديره يوم قالت لها اني فلانه بنت فلان قالت واهي تسمعني حتى ماامسكت التلفون ايش ذنبي اذا كانت هاذي نسبتها عاد انقهرت وادور على شهاداتي اللي عندي ومالقيت حقت ثاني النص الثاني والله قهر لمين اشتكي والله طلع مجموعي 77 والمفروض تراكمي وانا 83 على 77وين اقدر اشتكي وهل فيه احد راح يصدقني بدون ادله والله اني صادقه وربي يشهد بكل كلمه قلتها ادري طولت عليكم لان المشكله ماتخليني انام من كثر التفكير خربت مستقبلي مااقدر ادخل ولا جامعه