انا بحاجة ماسة لنصائحكم زوجي يبحث عن الخيانة

السلام عليكم ورحمة الله وبركاته
انا متزوجة منذ ثلاث سنوات وحسيت ع زوجي عبدردش عالنت
وسمعته يحاكي وحدة بس فهمت انها ما بتعرفه وتسالو من وين جبت الرقم
وبالامس دقيت للرقم يلي اخدته من موباايلو
وطلعتلي بنت سالتها مين انتي وماقالت فهددتها ومن عصبيتي حلفت بالله اني رح اخلي ابوها يدبحها
واتصلت باهل زوجي و اجو
وزوجي ما حكى شي وصار يكذب كتير ويقول هي يلي عبتدق وهو ماعبيرد عليها
ويحلف ايمان كاذبة كتير
واليوم وانا عبكتب هالموضوع بعد اول سطرين دقيت للبنت وقلتلها احكي عشان مصلحتك
سالتني مين انت وليش تبهدليني
قلتلها انتي عبتحكي مع زوجي
قالتلي مين زوجك
قلتلها اسمو
حلفت بصلاتها وقرآنها انها مابتعرفو
انا صدقتها واعتذرت منها على ليلة الامس
وقلتلها احكيلي القصة كلها
فقالت انا عبيتصل فيني رقم غريب (رقم زوجي نفسه)
وهي ردت عليه وسالتو مين انت ومن وين جبت رقمي
فقلها من النت
وقلها انا مهندس وبس تشوفيني بتعرفي من وين جبت رقمك !!
وهي حلفت انو مابتعرفو ابدا
المهم انا صدقتها وطلبت تسامحني على عجلتي وقلتلها لو كنتي مكاني كنتي عملتي هيك واكتر
هلق زوجي ماعبيحاكيني وهو عنيد كتير
وانا مستحيل اصالحو بالاول لانو عبحاول يخونني بس الله لطف وطلعت البنت بنت حلال وانا كشفته قبل فوات الاوان
والمشكلة انو انا وزوجي منحب بعض كتير وانا والله شاهد بحاول ما انقص عليه شي ابدا وبضل ببحث بالمنتديات وهون عن كل شيء بيسعد الرجال
بس ليش الرجال بيدوروا عالحرام ؟
وكيف بدي اخليه يبطل عادة الدردشة عالنت (بس هو نسبيا احسن من قبل )
وكيف بدي افهمو انو يقتنع بالحلال ولايبحث عن غيرو ؟
بدي نصائحكم لاني تعبت من مراقبة تصرفاته الغلط