انا وصديقتي بنتزوج في نفس اليوم وتوهقت صعبه اختار شي هي اختارته ماودي اخرب عليها

دفء الثلج

31-10-2022 - 06:36 am

اهلين يا صبايا ,,,,ان شاء الله تكونون بأتم الصحه والعافيه... الزبده,,,,انا بتزوج في شهر 7 في آخره ومااعرف شي بالرياض لا كوفيره ولا مصوره وكنت ابحث مع زمليه لي بتتزوج معي في نفس اليوم واحترت في الكوفيره وبحثت وانتهى بي المطاف عند سما المغربيه جبتها وسوت بروفه وعجبتني بس مدري يوم الزواج وش يصير واما المصوره احترت الى الان مالقيت زميلتي حجزت ام اكرم اللي سمعتها واصله السماء ولكن صعبه احجزها لانو صديقتي سبقتني وكلنا في نفس اليوم بنتزوج يعني صعبه واتصلت على وحده اسمها ام اروى مصريه وقالت اجيك واوريك تصويري وماادري وش يطلع معها
المطلوب لا هنتم ,,,,, الله يوفقكم دنيا وآآآآخره سواء ساعدتوني والا ماساعدتوني نظل حبايب ويجمعنا منتدى واحد
س/ سما المغربيه كوفيره قد سمعتوا عنها؟
س/المصوره ام اروى قد سمعتوا عنها؟
مع العلم اني ابحث ابغى شي حلو ومو غالي
يعني ما عندي استعداد ادفع خمس الالاف عشان مكياج وساعتين ثلاث وامسحه لا والله حرام
وشكرا لا هنتم

التعليقات (9)

حلم 111

31-10-2022 - 08:55 am

الف مبروك والله يوفقك وتطلعى احلى عروس والله ماعندى خبر ان شاء الله البنات مايقصرون

زهرة الوادي*

31-10-2022 - 09:56 am

حبيبتي انا من الامارات وما اعرف شي عن السعودية
ان شاء الله الفراشات يساعدونج
ومبروك يا الغالية (منه المال ومنج العيال)
الله يوفقكم يا رب دنيا وآخرة ويسعدج يا رب العالمين آمين

دفء الثلج

31-10-2022 - 10:57 am

مناير و زهرة الوادي
الله يوفقكم يارب ويسهل امركم ويكتبلكم في كل خطوة سلامه
شكرا حبيبات قلبي

اغلى خفوقي

31-10-2022 - 11:58 am

الله يوفقك يارب
بس نصيحه مصوره مصريه ماانصحك
ابدا
شووفي الموضوع هذا وراح تدعين لي
وادعي لصاحبه الموضوع
ولاتنسيني من دعواتك
http://alfrasha.maktoob.com/showthread.php?t=666071
دمتي بود

وحده مشهوره

31-10-2022 - 12:59 pm

حبيبتي انا سوت لي مشغل معالي استر مره جنان اللي بالقاعه كلهم انهبلوا علي سعرها صح غالي لكن والله انك ماتشيلي هم ابد تطلع نجمة الحفل انا مجربتها شخصيا" خلتني شخص ثاني وتعرف وش يناسب لك وش مايناسب لك سعرها كان برى المشغل 3000 وداخل المشغل 2000انتي دقي عليهم واسأليهم اما المصوره عندي كثير المشكله حقت زواجي نسيت اسمها وكان تصويرها مره حلو وسمعت بنت عماتي يمدحون مصوره جتهم في زواجهم يقولون تصويرها حلو بس ماشفته بسأل وارد لك خبر بس ياليت ترسلين لي عالخاص عشان ما انسى الله يوفقك

ديمـ111

31-10-2022 - 02:00 pm

استديو أضواء للتصويرر
خطير لاتتعدينهم ..
وحقت المكياج اليي اعرفها غالية يعني مو على طلبك ..
والله يووفقك

دفء الثلج

31-10-2022 - 03:01 pm

الله يسعدكم ويوفقكم دنيا وآآآآآآآآآآخره
ويسهل امركم شكرا جزيلا

ترحال الحب

31-10-2022 - 04:02 pm

بالتوفيق حبيبتي لوكنت من الرياض افدتك إن شاء الله البنات مايقصرو يفيونك

أميرة الوروود

31-10-2022 - 05:03 pm

حبيبتي الله ماكثر المصورات والكوافيرات
اختاري اللي تشوفينه مناسب وصدقني انتي اللي تحلين الشي مو اللي تسويه
والله يوفقكم انتي وصديقتج
انا ماعرف عن شغلاتكم لاني من الكويت والا من عيوني اساعدج

حابه تهدين خطيبك شي مميز تعالي هنا←
محلات الكوش والتوزيعات في الرياض→