اناانذلييت من سلفتي واهل زوجي

بداية ماادري وش اقول انا صار لي متزوجة 6 سنين وخلال هالست سنين الحمدلله انا وزوجي نحب بعض ومتفاهمين واكيد كل بيت فيه مشاكل لكن هذي مو سالفتي اليوم انا صار لي شي مااتوقع انه صار لاي وحدة فييكم اللي صار اني ابدا من تزوجت وانا متعودة على تربيتي عند اهلي ولله الحمد دايما اخدم اهل زوجي ولما اقول دايما معناته دايما ابتداء من امه وحتى ابوه وحتى اخوانه وخواته وحتى سلفتي حسبي الله عليها والله يابنات اني كنت لها اكثر من اخت وصرت لها انا وزوجي مثل السواقين نوديها ونجيب لها وبعمري مادخلت عليها ويدي فاضية ودايما معاها اواسيها اذا زعلانة او اذا تخاصمت مع زوجها انا ادري انها تغار مني وانا والله ماتعمدت اثيير غيرتها وتصير حركات بيننا يعني مثل مانتو عارفين حركات حريم لكن ماتوقعت انها تسوي اللي سوته خلتني مااسوى فلس حتى انا صرت اقيّم نفسي اني مااسوى بسببها انا مثل ماقلت لكم كنت لها اكثر من اخت اخذها معاي دائما واذكرها بالمناسبات واعاونها وحتى ام زوجي اللي حتى بناتها مايخدمونها مثل ماخدمتها المهم جايوم واتصلو على زوجي اللي هما اهله وقالوله تعال انت وزوجتك وكانومعصبين ورحنا لهم والله اني ماكنت ادري عن شي رايحة على عماي ودخلنا عليهم وجلسنا وبدو يسبوني وانتي وانتي وانتي وانتي وسلفتي موجودة وتبكي وانا ماادري وش السالفة مصدومة اقول هم طيب قولو لي وش سويت يقولون لي انتي اهنتي سلفتك قدام الناس ايش؟متى وكيف واحلف لهم اني مااهنتها وانهامثل اختي وتقول لي وهي تبكي الا اهنتيني يوم اسالهم وش هي الاهانة انه هي طلبتني طلب مرةقدام مجموعة بنات وانا رفضت بس الخبيثة زادت عليه كلام من عندها تخيلو تقول اني تلفظت عليها طبعا اهله تكلمو علي في بيتهم اليين خلوني مااسوى لدرجة انهم قالو لي لاتخلينا نمد يدنا عليك ؟؟؟؟؟ تعبت طبعا ام زوجي ماصدقت خبر هي اصلا ماتواطني في عيشة الله بتسالوني عن زوجي لا الحمدلله زوجي واقف معاي بس وش تبونه يسوي هو بين نارين نار اهله ونار زوجته المهم قاطعتهم شهور وبعد ماقعد يلح علي زوجي خلاص وعشاني خلينا نزورهم ومن هالكلام زرتهم وانامالي نفس وبينت لهم من طريقة سلامي وتعابير وجهي انه زوجي اجبرني اجي اسلم وبعدها بفترة صارت مناسبة وحضرت المناسبة وسلفتي كانت موجودة تعرفون الفن في الاهانة هذا اللي كانت تسويه تبي تقهرني لانها انتصرت علي واهانتني قدام الناس بحركات وحتى اطفالي تستحقرهم ياناس انا وقفت معاها وكل ماتذكر اني وقفت معاها انقهر وابكي لاني في يوم من الايام وفيت لاهله ولها ولقيت الاهانة ادري انها تحس بالنقص والغيرة وهي على فكرة اكبر مني بس محرومة من اشيااء كثييرة انا ابي ارجع كرامتي لان كرامتي انداست ياناس لما اشوفهم اتذكر الجرح ماعاد صرت اعرف انام بسببهم افكر في كرامتي اللي راحت لانهم سمعوني كلام ماينقال انا طفشت من هالحالة ابي ارجع كرامتي تكفون اللي عندها طرييقة تدلني عليها لاني ببساطة تعبت ابي ارتاح وانا ماذكرت لكم تفاصييل كثيرة لاني من التفكيير