انت فائقه الجمال الموضوع يصلح لك

1. اهلين بالفراشات

السلام عليكم ورحمه الله وبركاته

اهلين بالفراشات

اكيد بتقولون وش معنى يصلح الموضوع لفائقات الجمال هذي مزحه حتى الشينات مافي مانع والاانا وشلون اكتب الموضوع خ
الموضوع ومافيه اني ملاحظه شي في هالمنتديات خاصه المتعلقه بالمتزوجات ومشاكلهن وخاصه اذا كان الزوج مطين عيشتها او صاد عنها ومايعطيها وجه او متزوج عليها وطاير بزوجته ومخليها ومو سائل عنها وعن عيالها وينتقدها بكل شي الى اخره وجايه تفضفض وتطلب حل
اللي دائم اقرئه عند عرض المشكله ان كل الشاكيات فائقه الجمال ورشيقه وتهتم بنفسها وتجدد بكل شي وتربي عيالها احسن تربيه ومدلعته ومومخليته محتاج شي كامله والكامل وجهه يعني لاتقولون فيني شي مع ان هذا موصحيح ماهي حدود الجمال عندها ايش الرشاقه اللي تتكلم عنها ايش التجديد اللي تسويه ماهي التربيه الصحيحه وشلون مو مخليه عليه قاصر كل وحده تشوف انها كامله من وجهه نضرها
ماعمري قريت وحده تقول انا موحلوه او عاديه او متو سطه الجمال لاتقولو لي كل النساءجميلات اقول ايه كل النساء مقبولات لكن مو كلهن جميلات
بعد كلهن مهتمات باجسامهن ورشيقات ولا وحده قالت ان جسمي لك عليه او ان تقول من ضمن وصفها للنفسها ان لي كرشه او جسمي مترهل مع ان اي وحده متزوجه ومخلفه لازم يكون فيه تغييرات على جسمها
وهذ شي طبيعي ولازم الزوج والزوجه يعرفون هالشي ومو شي يفشل هذا قدرنا والا يقعدون بدون اطفال احسن
انا اللي ابي اقوله خاص فقط للي يعرضون مشاكلهم الزوجيه لازم تقول هالشي تقول انا كامله بس الغلط من الزوج المفروض تقول عيوبها صدق وتعرفها لانه نصف الحل وليس الشكل هو المهم
الخلاصه ان كل وحده تبي حل لمشكلتها تعرف نفسها زين وبالنسبه للجمال مو اهم شي عشان مايصير مشاكل وترضي زوجها والجمال شي نسبي يختلف من شخص لشخص وحسب الخبرات السابقه والصوره اللي حاطها كل واحد في نفسه عن الجمال
اهم شي التوفيق التوفيق التوفيق والطلب من الله عزوجل السداد في كل امر
مادري احس فيه اشياء كثيره ودي اقولها بهالخصوص بس احس اني طولتها وهي قصيره
ياليت تشاركوني بارائكم واتقبل اي نقد بالنسبه لوجهه نظري في الموضوع
اسال الله الكريم وباسمه العظيم ان يوفق كل زوجين ويصلح مابينهم امين