انتبهوا من أدوية التنحيف

مرحبا فراشات..
بدي أحكيلكم قصة حقيقية حكتلي عنها صديقتي عن بنت قريبتها كان حلمها تنحف، وبتمنى الكل يستفيد من هالقصة.
القصة انه هالبنت كانت كتير سمينة وكل أمنيتها بالحياة انها تنحف وما خلت ريجيم الا وعملته ولا دوا الا وجربته وبالآخر شافت اعلان على محطة فضائية عن دوا مكون من كبسولة وحدة بس بنحف كتير. وطبعآ لأنها متل الغريق اللي بتعلق بقشة طلبت هالدوا وفعلآ وصلتها الكبسولة وشربتها..
والمفاجأة انه البنت بلشت تنحف بسرعة وبشكل مو طبيعي، طبعآ في البداية كتير انبسطت خصوصآ انه أقاربها وصديقاتها صارو يمدحو في قدرتها على خسارة وزنها بهالسرعة لكن بعد فترة حست انها صارت أنحف من المطلوب وحاولت تزيد وزنها وتاكل زيادة لكن ما في فايدة وبعدين صارت تحس بالضعف والكسل ووجهها صار أصفر فأهلها ودوها للطبيب حتى يشوف علتها والمفاجأة كانت انه طلع عندها فقر دم والمفاجأة الاكبر كانت بعد ما عملت التحاليل...
اكتشفو انه في بأمعائها دودة شريطية وطبعآ هالدودة كانت هي الكبسولة اللي أخدتها حتى تنحف. لكن الحمد لله بلشت البنت تاخد علاجات والحمد لله تحسنت كتير...
أنا حبيت أنقللكم هالقصة حتى تتأكدو من مكونات ادوية التنحيف قبل ما تاخدوها وان شاء الله انه الكل يستفيد..