انحفي بدون رجيم او اعشاب او كريمات ما اكذب

حابه احكيلكم عن تجربتي كنت اعاني من سمنه كان وزني 65 والحين بعد شهر واسبوع صار 60 وانا مره فرحانه ماسويت لا رجيم ولا شربت اعشاب ولا دهنت كريمات كل اللي عملتو اكلت بشويه عقل راح تقولو كيف....؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ممكن تسمعو للأخر وبعدين احكمو كلامي صح او غلط ولا تخافو من طول الكلام ترى في مصلحتكم.............
اول شي نحنا بشر وما نقدر نحرم نفسنا من شي ................ولازم نذوق كل شي لان هذي فطره فينا عشان كذا لازم نعلم نفسنا القله وناكل اشياء مفيد لان الاكل المفيد ما يؤدي الى سمنه يعني مانقول فلان دب او سمين لا لا نقول فلان مستصح ..................وعشان نكون مستصحين لازم نبعد عن النشاء راح تقولون كيف؟؟؟؟؟؟؟؟؟؟؟؟؟ماراح اقولكم لاتاكلو رز او مكرونه لان نحنا من عادتنا لازم الرز اول شي في السفره .......بس لازم نطهى الرز بطريقه صحيحه وهيا نسلق الرزمع الهيل في قدر كبير فيه ماء ونخلي كل النشاء يطلع منو ونصفيه بعدين نأكلو وإذا حابه تسوي كشنه كشني الكشنه بملعقة زيت زيتون وبعدين حطي الرز الذي سبق سلقه................وكذا حلينا موضوع النشاء اللي في الرز حتى المكرونه نفس الشي .........وكمان لازم نبعد عن الدهن وهذي كمان حلها عندي ...............كمان الحم او الدجاج قبل ما تبدي في اي طبخه اسلقيه ربع سلقه عشان يخرج ربع الدهن وعلى راحتك تقدري تخليه نص ساعه وبعدين صفيه وسوي اكلك عادي زي كل يوم بأستخدام اللحم والدجاج المسلوق ..............وكذا راح ترتاحون من وجبة الغدا ..............................
اما الفطور اول شي افطرو بدري عشان الاكل ينهظم واهم شي تعرفي إش تفطري البيضه شي رئيسي مسلوقه او مقلي بزيت زيتون والعيش استخدمي عيش توست حب بر لانه ثقيل ويحسس بالشبع ويحتوي على الياف تساعد في عمليه الهظم خذي شرحتين حطي فيها اللي تبغي جبنه افضل شي الجبنه المثلثه قليله الدسم ومعاها ملعقه صغيره عسل او مربى اللي تحبيه ممكن فول بس وانت تطبخيه حاولي تقللي الزيت ملعقة زيت زيتون كفايه اهم شي كلي اللي نفسك فيه بس بعقل يعني اذا حبيتي تاكلي شابوره استغني عن شريحة توست .......
والشاي حاولي تقللي السكر شويه او استخدمي سكر الرجيم...........................
نرجع لموضوع الغداء لانه اهم شي في اكلات تحتوي على دهون كثيره زي المصقعة نحنا دايم نستخدم الباذنجان المقلي ويحتوي على دهون مشبعه بس لو قطعنا الباذنجان وحطيناه في صينيه وحمرناه في الفرن الى ان يستوي ................راح يعطينا نفس النتيجه كل شي ينقلي حطيه في الفرن الجزر والبطاطس سلق حتى الزهره او القرنبيط نحنا دايم نقليه بس لو اخذناه وحطينا معاه بيض وبقصمات ودخلناه الفرن يطلع جنان انا بنفسي مجربه.........اهم شي طولي بالك عليه وهو في الفرن صحيح راح تروح شويه من لذة الطعام بس هذي الذة هي سبب سمنتنا
اهم شي السلطه وترى الملفوف يساعد على حرق الدهون ..................................وكثري من الخس والطماطم .بس اهم شي السلطه واي شي تستخدميه يكون قليل الدسم البن والقشطه .............مثلا ............................. حتى سلطة الخضار الباذنجان في الفرن والعيش كمان مو نحنا نقليه لا من اليوم ورايح مافي قلي خذي عيش حب وقطعيه مربعات ودخليه الفرن...................والبطاطس سلق نجي للبرجر هذا عذاب طول الشهر وانا اكول منو بس كيف اخذ عيش توست او شامي واحط فيه خس كثير لانو يساعد على حرق الدهن واحط طماطم ومايونيز قليل الدسم شويه اما الدجاج او اللحم لا تقليه جيبي الصاج التيفال وحطي شويه زيت زيتون ملعقه بس وحطي الدجاج وخليه لما يستوي وقلبيه ..............
نجي للعشاء حليب قليل الدسم نوع فاكهه احسن شي التفاح .................... وكمان اتعشي بدري حاولي ماتجي الساعه 9 الا وانت مقفله باب الثلاجه
واهم شي الحركه ثم الحركه ......................اقل شي نص ساعه من اي رياضه انت ت حبيها واحلى شي المشي ..........
وكذا راح ترتاحون ..............يصر ما تأكلو دهون ونشاء الا خارج البيت مره او مرتين في الاسبوع ..........................وطولو بالكم على نفسكم لان لما تخسي بسرعه راح تزيدي وترجعي بسرعه .............................اسمعوها مني .........هذا كل اللي عندي والله يوفقكم ...........دعواتكم .........الاكل يحتاج الى عقل وتفكير...........