انصحوني يا مطلقات سأندم

السلام عليكم
الموضوع يعتمد عليك
في البداية راح تتعبين ومع الايام تنسين
اوتتنسين بس اقولك خذي وقتك في اخذ قرار الطلاق

ويعتمد كمان على المجتمع اللي عايشه فيه ,
هل هم متخلفين ونظرتهم للمطلقه نظرة عار ,
أو أنهم متفتحين ومتفهمين للأسباب ..!!
الله يكتب لك اللي فيه الخير والصالح , لاتنسين الأستغفار والدعاء ..

مشكوريين على الردود..
بس حبيبتي احبه حيل أنا مجتمعي مثلكم يعني أكيد المطلقة امرأة فشلت في إكمال مسيرة زواجها...ما صبرت...ما طولت بالها...وغيرها من كلام الناس..
والله ما أدري شنو الحل،للي برأيه نصيحة لوجه الله يقدما لي وما يتأخر

الله يختار لك مافيه الخير

الله يسخركم لبعض واذا تعبتي ومو متحمله استخيري وشوفي ايش كاتبلك ربك

ياعمري انتي
الله يصبرك يارب استخيري

انا اصلا مو متزوجه <<<< ليه اللقافه اجل
بس دورت بمواضيعك الي فهمته مشكلتك بالحمل
اذا كانت هاي المشكله فانا اقول اصبري
مرت خالي عشر سنين صبرت ومن سنه ونص ربها رزقها بولد مره يجنن ربي يحفظه لهم طبعا مع علاج
واطفال انابيب وعشر سنين مو قليله واكي الحمدلله جابت
والاحلى من هذا اكي بعد حامل الحين والله يتمم عليها
يعني لو هاي المشكله فاصبري اكثر والي مكتوب لش بتاخذيه
وانتي قلتي تحبين زوجك وانا واثقه ماحبيته الا لانه يستاهل فلا تضيعيه من يدك عشان اولاد وحاولي انتي تملي دنيته عليك
وانا وحده دايم اقول صح الاولاد حلوين بس ماتضمني تطلقين وبعدها تتزوجي من واحد يمكن مايكون مره بس تحملي منه ويجوك اولاد وتنبسطين وبيوم من الايام كلهم بحادث يروحون او حريق يشب ويموتون وياما سمعنا عن هالقصص
قولي وقتها شتستفيدي اذا ضيعتي الي تحبيه والاولاد بعد راحوا ويمكن وقتها يكون تقدم فيش العمر وماتقدري تجيبي غيرهم
وفي الاخر بس رايي اهتمين بزوجك ودللي نفسك ولا تشغلين بالك كثير والي فيه خير لك ربك بيعطيك اياه
ترا ربك ارحم بحالك وماختار لك كذا الا لحكمه هو يعرفها وهي تناسبك
وكثري من قراءه القران بذات قبل ماتنامين حاولي قد ماتقدري كل يوم قبل ماتنامي تخلصين جزء بحيث كل شهر تختمينه مره واذا مداش اكثر من جزء لا تقصري بترتاحين معه نفسيا ومشاكلش بتنحل وبتتيسر امورك
والطلاق مو حل لها المشاكل الطلاق فراق بين اثنين اذا كانوا مو قادرين يعيشون مع بعض
بس انتي وهو قاعدين تدخلون عنصر ثالث مامفروض يكون له دخل بحياتكم الزوجيه مش العائليه يعني كازواج خلو الحب هو الي يملي دنيتكم املي دنيته انتي وكوني له مثل مايحب لفلوس الي بتصرفينها على جهال ومصارفيهم
سافري ابها معه بالصيف روحون مكان يكون رومنسي فيه طبيعه تنبسطين معه
والله يكتب الي فيه خير تكلمت واجد وبتقولي صغيره مو فاهمه لا فاهمه ماحد يحب الجهال قدي لكن مثل ماقلت
ماتضمني تجيبيهم ويروحون بيوم
والله الموفق

اصبري اختي
انا تطلقت لي سنه الحين تعبت نفسيتي بلحيل واي كلمه تنقالي على طول افهمها غلط
بس مع الاياام احس اني نسيت على شوي شوي على اني احبه بلحيل ولا افكر يوم من الاياام اني انساه او عيش مع غيره
بس الحمد لله على كل شي
اصبري واكثري من الاستغفاار
يجعل الله لكي من كل هم فرجاا ومن كل ضيق مخرجا
واستخيري الله قبل كل شي
الله يوفقك ويريحك ياارب .......ز

ربي يهوون عليك هذا اللي اقدر اقووله