معالي الوزيره
23-04-2022 - 07:52 pm
اليوم موضوعي مختلف تماما ً عما سبق طرحه ..
ومخصص للبنات أكثر .. ويمكن للشباب بشكل عام .. لأنه مصدر الرزق ايي من الأيدي العامله الا وهم الشباب
مكياج ماك او ماركة ماك .. أغلب البنات يتشرون من عنده .. ليش بحكم الجوده والماركه المعروفه والفاونديشن اللي يبيعونه من النوع الجيد
لكن .. مافي حد منكم وهو هناك جرب انه يأخذ من الكتيبات الموجوده في المحل .. !!
أختي مره من المرات وكانت المره الأخيره ..
خذت لها نشرة من عندهم .. ورقة لونها أحمر .. فيها كلام وايد ..
خذتها ويوم قرتها أنصعقت .. قالت لو قلت لهم في البيت محد بيصدقني .. يابت الورقه وياها وما عقتها في الزباله سيده
الورقه انتقلت من فرد الى آخر في العيله .. وكنا في حالة صعقة من اللي نقراه
نحن في غفله .. يسلبونا اموالنا من دون ما نحس .. ويستغلونا بطريقة غير مباشره
تتسألون شوه اللي مكتوب في الورقة
طبعا ً النشره ما تخلص الا ع الأجانب .. تراهم يصرطون الكتب والقرايه صراط .. لكن نحن يالعرب ما نقرأ الا إذا طلبوا منا
ما بمدح عمري .. انا نادر لو قريت بس لو كنت في محل ولا شي أحب آخذ النشرات .. حب استطلاع فقط وكنوع من الهوايه <-- مب موضوعنا هذا
المهم .. المكتوب في هالورقه ..
تدرون فلوسكن يالبنات وين اتسير
شركة ماك تتبرع بكل درهم و ع قولتهم بكل بيني لمعالجة المصابين بالإيدز عافنا الله وإياكم منه ..
و على لسان احدى المصابات .. أنا أحب ممارسة ..... وأستمتع به واتمنى انكم تتبرعون لنا لنشفى ونرجع لممارسة ال .... ونحن نفضل بقائنا ..... على إرتداءا لملابس ..
تخيلوا كل درهم ... يااه كم بيمعون .. إذا علبة و فيها 3 أنواع الآيشدو ب 900 درهم
احسبوها انتوا عاد .. وماك معروف انه غالي
وين المسؤولين عن هالشي ؟
و وين حقوق المسلم هنا ؟؟
نحن دولة إسلامية قبل ما نكون عربية
لكن لا حسيب ولا رقيب
من يهتم بكل هذا ؟
بعد ان ترك الخيط والمخيط وغرق الحابل بالنابل..
وبعد صرخات استغاثه من المتحدث العربي
قد غرقت آمالنا بتكوين أمه عربيه .. قد غفت ..
ربما تصحو وربما لا تصحو
في النهاية .. إذا كنتم من أصحاب الشأن ماذا ستفعلون ؟
لا يسعني الا الدعاء .. فقد تاهت كلماتي .. وتمحورت في عبراتي
اللهم أنصرنا على القوم الكافرين
اللهم ألهم أمتنا الصواب من الخطأ
اللهم احمنا من الغزو الفكري و السلب الغير مباشر
اللهم آمين
منقول