اه زوجي يعاكس

الله يكون في عونك ,, وخيانته لك معاكسات بالتلفون او شيء ثاني !
اذا معاكسات بالتلفون امرها اخف واهون من خيانة الفراش ,, تاكدي من هالشيء , وخافي ع نفسك ولاتمكنينه منك
لين تعرفين طبيعة خيانته ,,
اذا بس يعاكس فمالك الا اتجيبين ورقه وقلم وتكتبين ايجابياته وسلبياته يعني اذا هو كرجل مريحك وطيب معك ومحافظ ع
دينه وعلاقته بربه وقايم بواجباته تجاهك وتجاه اولاده فنصيحه / التجأي الى الله بالدعاء له فهذا ابتلاء وغضي الطرف عن
موضوع معاكساته نهائي ولاتعلمينه انك اكتشفتيه ولاتعلمين احد من اهلك ولا اهله..
حافظي ع صلاتك وعباداتك وطاعاتك وخلي وضعك جدا طبيعي معاه يعني سوي كل مايطلب وسولفي كنه ماسوى شيء..
وقبل ماتنامون اقرأو قران مع بعض وحاولي تقربيه من الله اكثر وشاوريه بالفكره قبل ,,
والله مع الصابرين ..................

اللي اعرفه خيانة تليفونات بس ما ادري ممكن انها تطورت للفراش المهم انها خيانه والله ماني قادره اصبر ....والف شكر على ردك يالغلا..

هاذا مرض نفسي الله يشفيه !!!!!!!!!!!!!!!
ادعي ربك انه يتشافى من هالبلوى الي فيه والله يصلح بينكم

لا حبيبتي انا لو منك و الله لاتطلق و انا ضميري و نفسي صافية و مرتاحة قدام ربي ، هو يخون و هو فضل بنات الشوارع عليكي و حاولتي كتير معاه و هو رفض
ماني قادرة اتحمل رايحة انزل موضوع دحين !!!

يا الله انا زوجي كذا وجنيت وقلت لاهله
وجبت حلول ياما وماخليت شي ماسويته
وصرت اراقب جواله و طنشته ولا عمري فتحت الموضوع
وعادي واجباتي اصلحها
الين الحين والله العضيم له فتره تاركهم
بس قبل فتره بسيطه حصل بينانا خلاف ورجع لهم
واللحين ما عاد لقيت داق على ولا رقم
الحمدلله
اصلن كل الرجال كذه
انا اكثر واحد انصدمت فيه اخوي
والله انه محترم واخلاق ومافيه احد زيه
زوجته تدرس واهم شي دراستها
يعني ايام الدراسه تهمل اخوي يشوي
وهويحب يطلع ويحب يتمشى كثير
وبعدين اكتشفت والا هو يكلم بنات
والله اني انصدمت ماتوقعتها ابد ابد ابد
هم الرجال بس ماخذين البنات هذولا لتسله
واللي تبيع نفسها كذا وتخرب بيوت الناس الله يزدها
انا صار الموضوع عندي جدا عادي
معليش طولت عليكم

لو انا منك اصير دلوعة وغنوجة واحلى من القمر بس احرمة مني ومن متعتة الين يتادب بمعنى عيشي لنفس وعيالك وهو لاتقصرين بواجباتة بس متى مابغى ينام معك قوليلة ان ربي بيعاقبك لو نمت معي وانت تفكر بغيري وانا خايفة عليك من الذنوب وانت تركت اللي حبتك وصانتك وفضلت عليها اللي تقفل منك وتكلم غيرك وقولي انك عايشة معك عشان عيالك وبنفس الوقت ادعي لة من كل قلبك بالهداية والله يهدية ان شاء الله ويسخرة لك ويوفقك ويسعدك ويريح قلبك وبالك

ياعمري ربي يفرج همك مدري وش اقولك

الصبر
ثم الصبر
ثم الصبر
مفتاح الفرج
والإكثار من الاستغفار هذا إبتلاء من الله على معاصينا عشان نلجاء له سبحانه وتعالي
وموضوع إنك تتطلقي فالطلاق أخر أخر أخر شي ممكن تفكري فيه لو عرفتي فعلاً وشفتي بعينك إنه إرتكب الكبائر وانتي عارفه قصدي بالكبائر الي هي الفواحش ساعتها انتي وقلبك إذا تقدري تصبري اكثر ولا لا ,,,, لكن نصيحتي الطلاق اخر شي ويفترض انك ماتفكري فيه دام ربي رازقكم بأطفال ,,,,
واللي تقول لك امنعيه منك مع احترامي لها ,,,,,, فلا يجوز للمرأة أن تمتنع عن زوجها، عقابا له على تقصيره في حق الله تعالى، فإن الذي يحاسب العباد هو الله تعالى، ولأن الجماع من الحقوق المشتركة، فلا ينبغي التفريط فيه، فلا تمتنع المرأة عن زوجها، ولا يمتنع الرجل عن زوجته، وربما ترتب على هذا الامتناع ما هو أفدح من ترك صلاة الفجر.
وقد جاءت الأحاديث النبوية مشددة على أن تعطي المرأةزوجها حقه في الجماع، فعن أبي هريرة قال : قال النبي صلى الله عليه وسلم : { إذا دعا الرجل امرأته إلى فراشه فأبت أن تجيء فبات غضبان عليها , لعنتها الملائكة حتى تصبح}متفق عليه) .
قال الإمام الشوكاني :وفي الحديث دليل على أن الملائكة تدعو على المغاضبة لزوجها الممتنعة من إجابته إلى فراشه . انتهى
ومن حديث عبد الله بن أبي أوفى قال: ( ....والذي نفس محمد بيده لا تؤدي المرأة حق ربها حتى تؤدي حق زوجها , ولوسألها نفسها وهي على قتب لم تمنعه } رواه أحمد وابن ماجه) .
(( على قتب : يعني وهي في المخاض أي الطلق طلق الولاده ,,,, سبحان الله
وفي الأول والأخير لا يغير الله ما بقوم حتى يغيرو ما بأنفسهم
والله يهديه ويهديك ويسخر قلوبكم لبعض ويبعد عنكم بنات الحرام وأولاد الحرام يارب
نصيحه أخيره : لا تفاتحيه في الموضوع ولا تحسسيه انك بتموتين من اللي يسويه لأنه بيتعود على دموعك وزعلك ويسير كمان يقول في وجهك عن أعماله السيئه ولا حتى يخبي عنك ,,, يعني على بلاطه بيسير يسوي كل اللي في راسه من غير مايهتز منه ولا شعره ,,, لأن اللي مايخاف الله مايخاف من خلقه ,,,
واسفه عالإطاله ,,, والله يسخره لك ويسخر زوجي لي يارب .
تحياتي

ياعمري عليك والله
مالك الا صبر فديتك
والله هذا حال رجال الا من رحم ربي
الله يعين