اه طلب مني زوجي هالطلب وماأقدر عليه

السلام عليكم
كيفكم حبيباتي
والله اني ف موقف محرج للغايه
وابي مساعدتكم
المشكله باختصاار اننا نبي نسوي تمايم لبنتي
والعزيمه مختصره
لكن المشكله
ان زوجي له اخت راعية مشاكل
ومااحد سلم منها
حتى المدرسه يشتكون منها يوم كانت تدرس
هي كبيره ف الجامعه الان
والله العظيم اني دايم اتجنبها وما اسولف كثير معها لانها شرانيه
الله يهديها
ومره من المرات حصلت بيننا مشكله طويله جدا يصعب دكرها
طبعا هي اللي بدت بالغلط
وفي يوم من الايام جيت عند حمولتي(طبعا ماحنا ساكنين عندهم)
شافتني وناظرت فيني من فوق لتحت
وقالت,الحشرات طلعو من البياره!!!!!!
طبعا سكتت وبلعتها
ومرت الايام وصرت ما اجيهم الا قليل لاني ما ابيها تاخد راحتها ف نطل الحكي
والان زوجي بينادي اهله (طبعا على عيني وراسي)
بس طلب مني اني استقبلها احسن استقباال وانسى الماضي ومدري ايش!!!!!
طيب كيف تدخل بيتي وهي واصفته بالبياره؟؟؟؟؟
زوجي طيب جدا معي ولا ودي اعصيه
بس ما ابيها تجي وهي اهانتني
انا قلت اهللك اهلاا وسهلا مع انهم كانو معها ضدي
بس شي اهون من شي
لكن هي اعدرني لاتجي وما ابي اشوفها
هل معي حق؟؟؟
ووش الحل في نظركم
افيدوني يا اصحاب الخبره وبانتظاركن