اهل الزوج

طيب انتي ساكنه معهم
اذا كنتي ساكنه الله يعينك وش ذولا
واذا ماكنتي ساكنه طنشيهم وماعليك منهم
اهم شي زوجك الي انتي ملزومه فيه والباقي بسلامتهم
واحس كل الي يسونه غيره منك
اهم شي احترميهم وبس
ولاتحاولين تناقرين زوجك فيهم لانه اكيد عارف طبع اهله مايحتاج تقولين له شئ
واهم شئ انه يقدرك
وبعدين اطفالك لاتحرمينهم منهم ولاشي بالعكس زوريهم مره وبعيالك ولاتطولين
خليك احسن منهم وربي عارف وشايف وان شاء الله تاخذين احرهم انك قابلتي الكره بمحبه
واذا رحتي صدقيني بتكبرين في عين زوجك مهما كان ذولا اهله
والله يعينك عليهم

لاتحرمينهم من عيالك مهما كانت العداوه علشان عيالك مايبكرهونهم
وما عليك من احد الا زوجك ارضيه وهذا هو الاهم انتي ماتزوجتي العيله كلها
هذا الي عندي
الفالحيه

لا ياقلبي انا مو ساكنه معهم
وزجي اكثر من مره يسمع اخواته وهم يتامرون علي المصيبه في الام حسبي الله عليها شوهة سمعتي
بين الناس واهلي من عائله محترمه واخواني كثرين ماشاء الله بس كلهم مستانسين الحمدلله ولا عمر صارت مشاكل اصلا ماندخل في احد كل واحد عايش في حياته وكل حريم اخواني محترمين
هم طمعنين في راتبه ومايهم مستقبل ولدهم .

الله يهديهم

والله لاتزعلين ولايجي في خاطرك
صح انها اكبر موصيبه اذا شفتي اوم زوجك تكرهك
بس ياختي ولا يهمك يابخت الي ينام مظلوم ولا ينام ظالم
عموما زوجك اكيد داري عن اهله بس وش يقول هذي امه ان شاء الله بتعرف قيمتك وتعض اصابعها ندم انها فرطت في وحده زيك
بس شوفي خواته لاتسكتين لهم زي اذا قالو قهوتك موب زينه قولي على الاقل احسن من الي تسوينها وان شاء الله تفتكين منهم ومن شرهم
واكثري الدعاء وان شاء الله بتنحل

انتي تصرفك حكيم والله يعينك على هالعائله بس من جد شكلك قاهرتهم

تااه يعينك نفس الحالات اللي عندنا كثير كذا
بس دايمن لارحتي لهم خذي اكل معاكي ان سويتي حلا او مالح او اختي لبسه لواحد من الاطفال يعني كل مره خذي شي
يقولك تهادو تحابو
ولاتكونين مقصره بعين زوجك خلي الغلط كله راكب اهله لكن انتي قدامه لاتبينين سوي انك مومقصره وانك سويتي كل شي هم اللي ظالمينك وهم الغلطانين عشان مايسمعلهم بيوم وتخرب حياتك
ولاتقولين لهم اي شي بحياتك الخاصه عشان لاتعطينهم فرصه يتدخلون
خليكي باارده وماعليكي باي شي يسوونه عشان ينحرقون ويروح كل شي هباء منثوورا يندمون ويعرفون ان حركاتهم ماتأثر زيطلونها يستحقرون انفسهم
ماعليكي ودايمن قولي اللهم من اراد بنا سوءا رد كيده في نحره
وقولي حسبي الله عليهم كرريها
وقولي اللهم رد كيدهم في نحرهم
وحصني نفسك انتي ويعالك وزوجك كل يوم عشان لايمسونكم بضرر
والله يهديهم وييريح باالك ياارب

يالبى قلوبكم انا اسوي الي كل الي قلتوا عليه انا الحمدلله انسانه بلمه بكل شي جمال وطبخ ونظافه والصدق
احسهم ينقهرون مني مره مهم سويت وقدمت لهم يقولون هذا من راتب اخونا ترهم مره فيهم وقاحه
ومايستحون ومايملاء عينهم الى التراب حتى لمى نبغى نروح السوق اترجى زوجي ناخذهم معنا يقول صدق انك على نياتك ماتدرين امس وش قاعدين يخططون عليك وربي يابنات ماسويت لهم شي
اذا دخلت المطبخ انديهم اعلمهم الطبخات لما اروح مكان امر عليهم اقول تامرون على شي زوجة اخوهم الثاني جابت بنتين تخيلوا الى الحين اهله ماشفوا عياله قال والله ماتشفونهم هو ساكن في مدينه وكان قريب من اخواته يسولفون له عن الخطط الي بسونه فيني يوم تزوج قال والله ماتشوفون زوجتي وعيالي
تبغون تسون فيها زي ماسويتم في زوجة اخوي وزوجتة انا شفتها مره طيبه تخيلوا حتى مايخليهم يكلمونها بس ربكم مايضرب بعصى
انا ماعمري شفت ام تغار من حريم عيالها زي ام زوجي تخيلوافي مره من المراة قالت لشغالتي والله لو ماعندها عيال لاطلقها من ولدي
ومره زوجي سمع امه وهي تكلم بنت خالته الي ماتتسمى الله يرد كيدها في نحرها هي كانت تعطي ام زوجي دروس خصوصيه وش تسوي وش ماتسوي وهي مبسوطه مع زوجه وماعليها قاصر زوجها مره مدلعه ودايم يطيح طق في اخواته الايتام
حسبي الله عليها
نسيت اقولكم هم عندهم غرفه جاي شباكها على الحوش لما يجون يكلمون ياخذون التلفون ويدخلون
الغرفه لمانكون في الحوش نسمع كل سواليفهم تكون واضحه والله موتجسس بس مستحيل الواحد يسمع طاريه مايوقف يسمع باقي الكلام
وهذا غير السرقات الي يسرقونها مني المشكله ماعليهم قاصر تخيلو مره عطيتهم الاستشوار حقي ولما جيت اخذه قالوا رجعنه وشلون رجعتوه قالوا عطينه ولدك
اسال ولدي يقول محد عطاني شي بالله ناس زي كذا وش تقولين عنهم .

الله يعينك ويهديهم