اهل زوجي جننوني بموت من القهر وتعبت من البكي

السلام عليكم
انا طبعا متزوجه من 3 سنوات ونص وعندي بنوته وحده الله يخليها لي وعمرها 3 شهور
وساكنه بشقه بالدور الثاني واهل زوجي ساكنين تحت
السالفه ومافيها اني بموت من القهر اهل زوجي حقين قيل وقال يعني امه وخواته الثنتين
يعني تخيلو ان من قبل شهر كانت اخت زوجي عندي بالشقه طبعا هي متزوجه وعندها بنت نفس عمر بنتي بينهم شهر
وانا اعاملها مثل اختي
تخيلو حتى دولابي تفتحه وتاخذ اللي تبي
ولا ترجع شي
وبعد مو مبين بعينها الموهم يوم كانت عندي كنت اسولف معها
واقول لها اني طفشت من الشقه وودي نشتري ملك وكلام من ذا
يعني سوالف عاديه
بعدين قالت لي اصلا انا ابي شقتكم
قلت لها لا لا انا مستحيل اطلع الا ع الملك هذا اللي يبيه زوجي
المهم نسينا الموضوع الا اليوم
وانا عند اهلي يدق علي زوجي وهو معصب ويقولي ليش تقولين لأهلي ان احنا بنطلع من الشقه
تخيلو شهر كامل وتو يفتحون الموضوع
قلت لها لا وفهمته السالفه
وفهم ونزل حق اخته وهاوشها قل لها ليش تحرفين كلام زوجتي عشان مصلحتك وكذا
ويوم سألت زوجي وش دراك قال دقو علي خوالي يقولون لي لا تطلع من حلال ابوك ولاتصير غبي تمشي ورا كلام زوجتك
تخيلو كيف الكلاام قوي
اثاري العله اخت زوجي قايله لأمها وامها من زود كرهها لي كللمت خوانها تخيلو النذاله
انا طبعا دقيت على اخته وهاوشتها وسفلت فيها
واسكرت الموضوع بعدها وزوجي بعد
ولا تجي اختي اللي هي مرت حماي وتقول ان امه قالت لزوجها انا ماقلت حق خوالك شي مرت اخوك هي اللي سولفت لبنات خالك وهم قالو لبوهم وعمهم
الحين انا ميته قهر من هالعجوز الكذابه مدري وش اسوي
اقول حق زوجي ولا اسكت وكيف اتصررف معهم
الله يخلليكم ساعدووني