اي عضوة متضايقة من حذف موضوعها تناقشني هنا

1. عزيزاتي

السلام عليكم ورحمة الله وبركاته
راح ابدا بالموضوع على طول واتمنى يكون نقاشنا هادي وعقلاني الله يجزاكم خير
كثير عضوات يزعلون اذا حذفنا لهم مواضيع دعائية واحيانا يتهجمون علينا بالخاص الله يهديهم او يتهمونا بأشياء يعلم الله اننا بعيدات كل البعد عنها انا وزميلتي المشرفة بيوتي

عزيزاتي

• اي موضوع دعائي لمشغل وخالي من صور ميك اب او دروس راح يحذف مباشرة لأن هذا ما يفيد الزائرات ولا العضوات بشكل عام انما يخص صاحبة الموضوع غالبا.
• المنتدى ما قصر معانا واعطانا مساحة كريمة جداا من الدعاية في قسم المول ويفترض ان المواضيع (الصماء) تتنزل فيه ولا ننسى ان فيه كثير من المنتديات ما تعطيك مساحة اعلانية الا بمقابل مادي ومانبي نذكر اسماء لكن ياريت نقدر هالشي لموقع الفراشة
• يشهد الله علي اني ما افرق بين المواضيع من حيث مخالفاتها بغض النظر عن صاحبة الموضوع لكن انا مثل اي عضوة هنا لي اوقات ادخل فيها واوقات انشغل وكلنا نمر بظروف ما تخلينا نطلع بشكل دائم على المنتدى لذلك اول ما ادخل احذف او انقل اي موضوع مخالف ولو تم طرح موضوع مخالف بغيابي ولا بغياب بيوتي فصدقوني مصيره الحذف اول ما نشوفه
• كتبت موضوع من شهور وثبته ونبهت على هالكلام هذا كله ومع كذا الله يهديهم بعض البنات ما تكلف على نفسها تطلع عليه او تقرأة وتتجاهله وهذي مو مشكلتنا
• اذا تشوفين انتي كصاحبة مشغل غيرك يسوي دعاية وموضوعك ينحذف فما عليك الا نسخ الرابط وارساله للمشرفات من باب التعاون والعدل وليس الحسد ان شاءالله
• لو سمحنا لصاحبات المشاغل بعمل دعايات بهالقسم فصدقوني انا اول وحده بسوي مواضيع تخص مشغلي ومع كذا والله العظيم انزل كل مواضيعي الصماء بالمول او بالموارد ولا تنسون ان الزائرات يطفشون من المواضيع اللي كلها دعاية وكلام ويهتمون للاشياء اللي تفيد سواء دروس ولا تجارب ولا لوكات جديدة .. المهم ان يكون قسمنا قسم مميز بتوفيق الله ثم تعاونكم معنا
• احاول قد ما اقدر اشجع البنات على الدروس وعلى عمل الدورات والمواضيع المييزة وانا من ضمن الزائرات اللي خلوني بعض العضوات اسجل برغم مشغلي ومع كذا صارت زيارة القسم عندي شبه يوميه الا اذا صار لي ظروف خارجة عن ارادتي.

اعذروني تكلمت بالعامي لكن بخلي الموضوع للفضفضه واي شي بخواطركم قولوه وان كنت انا وبيوتي مقصرين ابشرو بسعدكم لآنه لولا الله ثم انتم ما استمر المكان ولا نجح .
لقلوبكم وكل عام وانتم بخير ..