بأي لحظه ننتظر

1. ما اقدر اطول اكثر..........لان معدن الرجال مو واحد مثلنا حنا

صباحكم طاعه للرحمن
حبيباتي....غالياتي
مدري موضوعي ينفع هنا او لا بس بفضفض شوي
امس الساعه 11 مساء بالظبط دق واحد على زوجي وكان على علاقه معاه اتفق هو وياه انهم يتلاقون اليوم العصر
المهم...............هيهات........... .
الساعه 3 فجرا اليوم وصل خبر لزوجي انه صار له حادث وتوفى الله يرحمه ويغفر له يارب وكان على علاقه مع اهلي وكان من اهل الخير ولكن يعرفه
وزوجي الان بالغرفة مو جايه النوم قاعد يرسل رسائل لخبر وفاته رحمة الله عليه والعالم كلها الان بالمستشفى
راح وكان اخر افطار له امس مع اهله كان جالس بينهم مبسوط والله العالم مايخفي الصدرو
المهم انا تأثرت كثير لاني اعرف هالانسان بس مو مره بس تأثرت من زوجي
وجلست افكر ان الدنيا صغيره مره
ليه الوحده تشتكي من زوجها دايم متذمره ندمانه انه تزوجته
هذا يخون
هذا جاف
هذا ماعنده قلب
ليه حنا يا اخوات مانكون احسن ونعامل السيئه بالحسنه ونخفيها بالعمل الصالح لوجه الله
ليه مانمسك اعصابنا ونحطها بمويه بارده والله الدنيا ماتسوى
تخيلن يروح زوجك بدقيقه بلمح البصر
وش مصيرك
راح يأنبك ضميرك ومتى تصحين.........؟
وش يضر لو نخلي يومنا كله ابتسامه والله راح تغسل نفوسنا
ليه لو نطلب شي بهواش ونكد مانبدله بكلمات حلوه اللع يعطيك العافيه حبيبي....ليه نستكثرها على حبايبنا
ليه لو جرحنا نزعل وتتعب النفسيه ونعصب على اتفه سبب مانبدلها بتسامح وكلمة اسفه..راح تقولين كرامتي ياشيخه امسحيها من قاموس الازواج وبدليها بالحب والموده
والله يابنات الزوج مايبي غير قلب حنون كلمه طيبه تعامل حسن ويطير معك ماراح يرفض لك اي طلب
والله قلبه قلب طفل
ليه نستكثر على انفسنا ليله رومنسيه
ليه نستكثر على انفسنا سعة الصدر مع حبايبنا ازواجنا
هو مايبي شي يبيك راضيه عليه وانتي راضيه منه
لاتعايرينه بأقل شي يملكه..صدقيني راح يتألم بس بدون ماتحسين
انتي اللي قبلتي فيه وعافه حالته اصبري والله يجيب الفرج والاستغفار سلاحنا
اللي يخونها بأفلام اباحيه لا تزعلينه ابتسمي دايم وادعي ربك وحطي ايات قرانيه ع سطح المكتب او ارسيليله ايميلات لحد مايتعب صدقيني احسن من الهواش والزعل والى اخره
واللي دايم هاجرها وكلامه جاف سويله مساج
اسلوبك خليه دايم جميل وصوتك هادء

ما اقدر اطول اكثر..........لان معدن الرجال مو واحد مثلنا حنا

بس مايمنع ان قلوبنا نخليها صافيه بلا نكد ووجع قلب واغث روحي برسايل او اشكي لاشخاص
وبعدين راح تتعبين وتملين والناس تاخذ عن زوجك فكره انه انسان بطبع قبيح وش تستفيدين من هاللسان اللي تكلم عنه انه كذا وكذا وهو يمكن اخطأ معك بهاليوم بس كبيتي على الناس مشكلتك وجبتي اللي وراه ودونه وهو مسكين ......يا غافل لك الله
المهم حبايبي طولت كثر
بس بقول كلمات
زوجك....لاتبخلين عليه بشي
زوجك.... ابتسمي بوجهه دايما
زوجك...عامليه معامله حسنه تلقينه اجره وثوابه عند علام الغيوب سبحانه
حطي الموت قدام عيونك بلحظه يمكن ينسرق منك اعز ماتملكين............
ولكم نبض حبي