بخورها وريحتها خلتني ماانساها وطيرت عقلي وروحي معاها وش السر ولايهمكم تعالوا

1. لاني احبه واعشقه عشقا شديدا


2. طبعا اول شي بتلاحظيه :


3. تعرفين هذا رديي مرة واذا عادي اوكي

السلام عليكم ورحمة الله وبركاته
مرحبا عسلات
كيفكم ان شاء الله بخير
ياحيا الله من جانا
تفضلوا
اليوم حابة افيدكم بشوية معلومات حلوة عن البخور الممتاز حسب تجربتي
تعرفي عليه عن قرب واذا عندك معلومات لاتبخلي علينا

لاني احبه واعشقه عشقا شديدا

طبعا اول شي بتلاحظيه :

• - بصراحة وبدون ابخاس حق احد افضل انواع البخور هو البخور الدوسري بلا منازع ومافيه اي شك والدليل ريحتهم دايم بخور تجنن .
• - ثاني شي من اول ماتفتحين علبة البخور وتشميه بتحسين بجودته اذا فتحتيه وحسيتي معدتك صالت

تعرفين هذا رديي مرة واذا عادي اوكي

• - فيه نوعيات من البخور منها الممتاز الدرجة الاولى ..ومنها الدرجة 2 وبرضو ريحته حلوة وانتي عادي ممكن تستخدمي الدرجة 1 لضيوفك والمناسبات والدرجة 2 للبيت لانك بستهلكينه ان كنتي زي كل يوم زي الماء عندي
• - حركة حلوة تخلي البخور جنان مرة خذي عطرك اللي تحبيه سواء كان سائل او بخاخ المهم اللي تحبيه وبخيه بطرحتك اولبسك بعدين على طول تبخري تطلع ريحتك شي
• - فيه حاجة تخلي البخور يطول وهو يبخر لاتكسرينه وانتي تحطينه على الجمر لا خليه زي ماهو راح يطول لك
• - بيجونك ضيوف وتبين ريحة بيتك وحلوة ماعليك الا تمسحين السيراميك وانتي تمسحين حطي مع موية المسح الشطفة الاخيرة شوي رشوش بس زين وتكونين بنفس الوقت شابه بخورك وخليه يجلس ربع ساعة يبخر قبل حظور ضيوفك ب نص ساعة عشان بس ماينكتمون لان بعض الناس مايحبه
• - --(فاصل) خالي مرة جاي بيتي ودخل علي يهاوش قال ريحة بيتك تحت واصلةالباب وانا بالدور 2 حرام عليك لااحد يصكك بعين ولاشي خخنجي لغرفة النوم السر الخفي لثبات الخور بغرفة النوم حتى لوكانت سيراميك تعالي اقولك وشو

طبعا تكونين حاطه المبخرة جاهزة وتاخذين الرشوش وتبخينه كثير بالستارة من داخل وتحطين المبخرة تحته طبعا تمسكينها تعالي شوفي ريحة غرفتك ريحة عرايس يازينهم بس

• - طبعا افضل شي توقفين على البخور اذا بغيتيه قوي وثابت فيك اذا كنتي بتعطرين ملابسك
• - اما الملابس اللي بالدولاب حطي علبه بخاخ فيها كمفورت شوي وموية ورد وزيديها موية ولوحابة اي عطر مركز وحطي المبخرة تحت الملابس وبخي عليها من بعيد بالبخاخ
• - اذا تبغين البخور يمسك بجلال الصلاة وتتشرفين عند ضيوفك خذي سلة ملابس وحطي المبخرة تحتها وحطي الجلال وبخي عليه رشوش واذا خلصتي طبقيها على طول بيمسك فيها
• - مرة يابنات سويت عرض للمجلس حق الرجال حقي ووالله مااكذب عليكم جتني وحدة تبي تشوفه وشافته وخته وراحت لاني ماقابلتها دخلت هي وزوجها ولاجيتهم تخيلوا اول ماوصلت البيت قالت بسالك اختي انا شي مجنني عندك ؟؟

قلت وشو ؟ قالت تكفين انتي وش حاطة بمجلسك وش ريحته ؟
عاد انا بس مطيبه البيت ومريت مرور ع المجلس المسكينة داخت هي وزوجها وشكلهم خذوا المجلس مو عشانه عشان الريحة خقبل لاتشترين البخور الافضل تشترين عينات منه جربيه ان اعجبك ولا حتى ماتخسرين فلوسك
وبصراحة بعض البنات يجون يبون بخور زيين ورخيص هذا صراحة تلقاه في ابوريالين متوفر واجد
البخور الممتاز واللي يبيض وجهك عند ضيوفك بصراحة هو الغالي صح مش السعر المبالغ فيه نفس بعض الناس مايخاف الله خذي سعر السوق والسوق دايما بقولك الاسعار خاصة عند اللي شغلهم بالبيت مو مصانع وخرابيط يخلطونها بكيماويات ومثبتتات
علبه عصير التانج : من 200 الى 300 هذا الزين
زي هذي
علبه النيدو : اللي كبيرة مو الكبيرة مرة مقاسها 1800جرام هذي سعرها من 800الى الف
هذي حجمها
فيه العينات اللي زي كذا : على 25
اتمنى اني اكون افدتكم واي استفسار انا حاضرة
الموضوع متعوب عليه
الله الله بالردود الزينة
ام رائد
نسائم الود