بدانة الزوجات هل تعتبر سببا كافي لهروب الازواج

هلا بعزيزتي الليمونة الحلوة
أنا راح أرد على أسئلتج بالدور ..
أحيانا البدانة المفرطة ممكن تسبب هروب الزوج فعلاً ، لأنه راح يقول في باله هذي خدعتني وهي أصلها بدينة وألحين بين كل شي ، هني الريال ممكن يكون من النوع اللي فعلا ما يحب البدانة ولا يحب إن هالمشكلة تكون في زوجته اللي هي شريكة حياته ، فيبدأ يحذرها ويلمح لها لكنها ما تبالي في كلامه إلين يجي اليوم اللي ما يخطر ببالها (لما زوجها يهددها بزوجة ثانية)
والأسباب كثيرة ،، شوفي أجسام العارضات اللي مالية هالقنوات ، وشوفي البرامج اللي تتكلم عن الرشاقة ، ولاحظي المقاسات العالمية اللي موجودة في المحلات والماركات العاالمية ، للأسف مقاساتها محدودة ، هالسبب يؤثر عالزوج سلبياً ، خاصة لما يروح مع زوجته السوق مثلا ، الزوجة تدور المحلات كلها بس علشان تلاقي شي يناسبها والزوج وراها من محل للثاني ، ثاني يوم تدور في مكان ثاني وما تلاقي .. إلخ هني الزوج يتضايق ويقول لروحه ، ألحين كل هالطلعات للسوق والتعب والوقت اللي هدرته بس علشان زوجتي العزيزة تلاقيلها المقاس اللي يناسبها ، فطبعا راح يحطها في باله من غير ما تدري الزوجة المسكينة
وفي أسباب أخرى ، مثلا إذا الزوجة فعلا تحب الأكل وهي وسط أخواته النحيفات ، راح يقارن بالأجسام ويشوف الفرق واضح ما بينهم ، يعاتبها ويحبطها بس علشان ترد وتنتبه لنفسها
وأكيد الريال اللي ما عنده حجة علشان يتزوج غيرها ، يتحجج بحجم زوجته ووزنها خاصة لما يشوفها مالها حيلة من إنقاص الوزن الزايد ، فممكن جداً إنها تكون حجة ، (بس آنا ما أعتبرها حجة مقنعة إطلاقاً) ، لأن الزوجة في هالحالة تقدر تتحكم في نفسها وراح تضحي بس علشان تحافظ على بيتها وزوجها
ممكن تكون البدانة مرفوضة نوعاً ما ، عند البعض .. يعتمد هذا الرفض على الإختلاف في الأطباع والآراء ، والأسباب السابقة ممكن تكون دافع لكلامي
وما أقدر أقول إن النحافة بعد مطلوبة ، لأن كل واحد وله ذوقه ... في وايد ريايل ما يحبون النحافة ويفضلون الزوجة المليانة والبدينة ويشوفون معاها راحتهم ، يعني المسألة نسبية بعض الشيء
نصيحتي تجسين نبض الريال قبل الزواج ، وتشوفين شنو نوعه .. و أحسن شي إذا قال أنا أحب المرا المربربة ، حتى لو كانت وقتها نحيفة فما راح يأثر عليها الموضوع لأنه للأسف الشديد (((( سهل نمتن لكن صعب ننحف)))) ..
تحياتي
..

مهما قال الرجل لزوجته البدينه انك تعجبنى بوزنك فلا تصدقه لانه داخله العكس صحيح وما يريد يجرحها واذا ما حاولت المراه تخف من وزنه قد تجد الرجل تزوج عليها هذا بالااضافه ان الرجل محاصر من الفضائيات من الاسواق ودوم يحط مقارنه يوم يشوف بنت رشيقه وزوجته متينه ويتمنى تكون هذيك البنت زوجته حتى ولو ما افصح وبعدين الوحده يوم تخف وزنها يساعدها ع الثقه بنفس وايضا تقدر تلبس وما تترك لزوجه فرصه يطالع غيرها لذلك بعض الاحيان البدانه تلعب دور فى هروب الزوج

انا احس ان فعلا البدانه اتخلي الريال يشرد منها .........

أنا لدي رأي مختلف
ان مش الزوج اللي يبدأ يتضايق من بدانة زوجته
بل الزوجة هي التي تتضايق من جسدها وتعكس هذا الرفض لجسدها على زوجها حتى تنقل اليه هذا الشعور
انت شوفتي لبس وعجبك وكل شوي زوجك قالك شوفي كيف اللون مو حلو أو موديله وكل شوي يطلع عيوب باللبس قسما بالله مهما عجبك بتنسد نفسك عنه
نفس الشي
لما الزوجة كل شوي تقول والله اني فيله والله رجلي صايرة رجلين برجل وحده وبطني تقولي حامل
الزوج لا شعوريا حتى لو كان مانتبه انه زوجته متينه بينتبه وبتبدأ التخيلات مثل أخت من المنتدى قالت ان التخيل ينتقل للزوج من كلامك ويبدأ بالاحساس بسوئك وسوء منظرك
لكن أنا أقلك فيه كثير حريم لا متنت نسيت نفسها
و فيه حريم غير تلاقي الزوجة متينة وما شاء الله اش اللبس وايش الدلع واش المكياج ولا كأنها ملكة جمال الأناقة وواثقة بنفسها بالتالي زوجها حينعكس له انها جميلة وانها ما ينقصها شي ولا فيها عيب
أختي يامن تعانين من البدانة
البسي الضيق والقصير ولا تبدي أي حياء منهما بسبب جسدك أمام زوجك ضعي المكياج تغنجي حتى لا يلتفت لجسدك ويتأمل بجمالك
وآسفة عالاطالة

انا اشوف انه يختلف الوضع من رجل للثاني
فهناك من يحب النحيفة وهناك من يفضل السمينة لكن طبعا ليست السمنة المفرطة لان السمنة المفرطة بالاضافة الى انها غير مرغوبة وسط ما يشاهده الرجل من اغراءات واجساد جميلة ولكن كمان هي سبب للعديد من الامراض وممكن تتسبب في تاخر الحمل و00000
يعني المفروش الزووجة تعتني برشاقتها مو فقط عشان الزوج لكن ايضا عشان صحتها وعشان نفسيتها مثل ما قالت الاخت مرسام مجتمع لانه البدينة اذا ساءت نفسيتها وكانت غير راضية عن نفسها هذا الشعور سيصل الى الزوج ايضا

مرسام مجتمع
هالنقطة اللي ذكرتيها مهمة وراحت عن بالي فعلا ( يعطيج العافية)
إن إحنا بروحنا نحسس أزواجنا بأي نقص أو عيب موجود فينا فعلا ، ويمكن ما يكون عيب بس إحنا الحريم نهول بالأمور دايما
..

انا ارى ان البدانة سبب لهروب الزوج من زوجته وبصراحة المفروض قبل ماترضي المراة زوجها لازم ترضي نفسها بجسمها الحلو والمتناسق وبعدين ترضي زوجها
يعني انا بعرف اكتر من واحدة وبتكون سمينة كتير ولما اسالها ليش هيك تاركة حالك ومهملة في نفسك ؟ ليش ماتعملي ريجيم؟ بتحكيلي انو زوجها عاجبو هالجسم ومبسوط ........... تخيلوا؟؟؟؟؟؟؟؟؟؟؟
والرجال بيقارنوا بين زوجاتهم وبين البنات اللي بشوفوهم على التلفزيون من جميع النواحي ومعروف ان النحافة هي الجسم المطلوب ونصيحتي يابنات انو اول ماتحسي نفسك امتليت شوي على طول ارجعي انحفي ولا تخلي الدهون تتراكم ابدا

هناك اصناف من الرجال منهم من يحب النحيفه ومنهم من يحب الممتلئه
وعندنا مثل مصرى قديم يقول
كل فوله ولها كيال

السلام عليكم خواتي ...مشكورة أختي اليمونة الحلوة على طرحج لهذا الموضوع المهم
عن البدانة.. الحين خلينا من الزوج..نبتدي بالزوجة نفسها اذا هي متينة هي الي ماراح ترتاح و ما بتكون عندها ثقة في نفسها لما تبغي تلبس و أصلا ماراح تقدر تلبس كل الي في خاطرها وهي ملابس ممكن تغري الزوج بس هي ماعندها مقومات الجسم الحلو و بتحس بالكابة و بتتوتر.. و أنا الصراحة مش مع الخوات الي يقولون البسي الي تبينه والبسي كل شي و لا تخلين زوجك يركز على متنج..أصلا الوحدة مش لازم تلبس الملابس الي ماتناسبها سواء كانت متينة أو ضعيفة..كل وحدة لازم تعرف شتلبس عشان تخش عيوبها...
والرجال أي رجال يحب الجسم الحلو المتناسق سواء كانت الوحدة نحيفة أو متينة...و على قولتكم هاقنوات محاصرة الرجال من كل ناحية و حتى البنات في الأسواق و الأماكن العامة قاموا يسوون العجايب و الواحد مسكين يشوق هاذل و يبتدي يقارن و يقول خسارة ليش مب جسم زوجتي جذي..و معظم الرجال يقولون جمال الجسم أهم من جمال الوجه...
والله البدانة ممكن تشرد الزوج والله يعينا احنا الحريم الي كل الضغط علينا.. أقول الله يهدي ازواجنا لأنهم لو يبون يتزوجون أو يعصوون ربهم بيسونها لو المرة متينة أو عندها جسم عارضات الأزياء ....
الله يجمل الحريم في عيون أزواجهم .. و يعطي الآرادة حق الزوجات عشان يخففون أوزانهم عشان خاطر أزواجهم الي يحبونهم و مستحملين متنهم لين الله يفرجها عليهم