بديت انتكس وش اسوي حسبي الله ونعم الوكيل

السلام عليكم ورحمة الله
كيفكم يابنات ان شاء الله بخير
تصدقون من زمان عنكم
بس احب ارجع لهالقسم اذا ضاقت فيني الدنيا
ابي احس بتفائل شوي
ياحبني لكم
في خاطري ضيقه وابي افجرها هنا لأني مو لاقيه احد يعطيني وجه برا المنتدى
انا قبل سنتين يوم كان عمري 24 بديت اخاف على نفسي من العنوسه
خصوصا انه بالفعل مافيه احد خطبني ولا احد يذكرني نهائي
استمريت على سورة البقرة برمضان قبل اللي فات
وتركت كثير من المعاصي
وقلت اكيد ربي بيعوضني خير
مرت ذيك السنه ولا شي صار
بداية السنة اللي بعدها صارت تجيني وظايف بس ماتتم
اما اهلي يرفضونها او ارفضها انا عشان الراتب قليل او مدير العمل قليل ادب
بس العرس ماصار له طاري ابدا ابدا ابدا ليومكم
وانا الحين شوي بدخل 27
للأسف في الفترة الاخيره اخوي خطب وحده وملك عليها
فرحت له بس كنت اتوقع اني راح انخطب بملكته خصوصا ان كل اللي شافوني حسوا اني تغيرت لأن كان عندي مشكله بوزني ونزلت حبتين والكل لاحظ
بس للاسف ماجاني نصيب حتى بالكلام
وبعدها بفتره اهلي انقلبوا علي خصوصا امي
احسها صارت ماتبيني في البيت
وكل ماقلت كلمه تقول اووص فضحتينا بكره مافيه احد بيزوج اخوانك اذا دروا عنك وعرفوك
كنت اطنش بس صرت احس من جد امي ماتطيقني
( لاتجي وحده تقول هذي امك وعادي كل الامهات كذا )
اعرف الأم وعلاقتها ببنتها كيف
امي تكرهني بزياده هالفتره
طول عمري اتهاوش معها بس ماحسيت بكرهها لي مثل الحين
المهم
انا ماقهرني الا انها تبي الفكه مني
ومع هذا ترفض اني اطلع واروح واجي مع زميلاتي او حتى حضور زواجات
يعني شلون الناس بيدرون عني
اللي يقهر اكثر اني وصلت لمرحلة يأس فضيع وبدأت اقتنع بأن دنيتي خربانه خربانه
لدرجة اني بديت انتكس وبقوه سواء بالمعاصي او بالعصبيه الزايده لدرجة الجنون
او حتى بأفكاري
وهذا اللي قاهرني
اخاف بيوم افكاري تنحرف 180 درجة
مدري لأني انظلمت كثير فصرت اكره كل شي له علاقة بالدين والمطاوعه
تصدقون اكره الهيئة مع انه ماعمري شفت رجال هيئه بحياتي بس اسمع عنهم
اكره المحاضرات
القران احب اسمعه من شيخ معين مو اي شيخ
اكره العادات اللي حرمتني حقوقي
احيان اصير ضد الدوله بكبرها
يمه يمه افكاري خربت مدري وشفيني
مع ان كل اللي ادخله بالنت صحيفة سبق وتويتر والمنتدى :(
والله صرت ادعي ربي لاينكسني في ديني لأني بديت احسني اتغير وكل ماواجهتني مشكلة بسبب المجتمع كرهته وكرهت الناس وكرهت كل شي سبب لي مشاكل في حياتي
خصوصا بالعرس
احيان تروادني افكار واقول بنفسي
لو انا فاكه غطاء وجهي كان اعرست من مبطي
فجأة كذا اصحصح واقول بنت حجابك اوص ولا حرف ( ودي اكفخني ) :(
بنات احد صار له مثلي كذا
تغيرت مبادئه نهائي عشان الضغوط اللي حوله؟
ولا بس انا