برنامج متكامل للشعر طول كثافه نعومه واتحدى فيه كل صاحبات الخلطات

السلام عليكم ورحمة الله وبركاته
بدون مقدمات
انا من الناس اللي عانوا وركضوا ورا الخلطات وكل مره يطلعون لنا بخلطه للشعر
فحبيت اعطيكم هالبرنامج عشان لاتتعبون بالبحث مثل ماكنت اتعب وجبت لكم شي مضمون بإذن الله
عندي لكم شي عجيب للي وراها زواج او حابه تهتم بشعراتها
طبعآ مو تجينا وحده من طلعت من بطن امها ماعنده الاشعرتين نتكلم عن اللي شعورهم خربت من الصبغات او تساقط من الولاده وهيك تقدر ترجعهم
طبعآ هو برنامج ولاوحده تجي قبل 6 شهور وتقول مانفع معي << حتى خبير زين الاتات يقول الشعر بالذات لازم 6 شهور
جيبوا
زيت نارجيل العلبه الخضراء
زيت جرجير
زيت خروع
خذي الاصليات اللي من وادي النحل او جيبيهم من معصره
وجيبي نص كاس حلبه مطحونه
وفنجان حبه سوداء
وفلفله وحده خضراء قصيها نصين او ملعقتين فلفل اسود
وجيبي نص بصله و2 فص ثوم وخليهم ياخذون غلوه ع النار مع زيت النارجيل واتركيه يبرد وصفيه واخلطيه مع باقي الزيوت
وخليه بالشمس 10 ايام
ثم بلشي استخدميه بالليل واغسليه بالنهار واذا ماقدرتي حطيه 4 ساعات مع تغطية الشعر
استخدمي هالخلطه يومين بالاسبوع مثلآ السبت والثلاثاء
وجيبي امبولات الصبار ولوسيون الصبار
الامبولات حطيها بعد كل حمام للشعر اذا غسلتي من الزيت اكسري امبوله وحطيها في علبة بخاخ
ليش؟!!!!!!
لانك لو حطيتيها بيدك عشان تدلكينها ع فروة راسك بتكبب نصها بيروح بالارض ونصها بيدك
بالبخاخ بتضمنين ان كل شعرك وصله السائل طبعآ دلكيه ع شعرك واتركيه عادي بدون غسل مايزيت الشعر هو عادي
بخصوص اللوسيون يستخدم مره او مرتين يوميآ نفس الحاله حطيه بالبخاخ لانهم غاليين بالبخاخ بتوفرين فلوسك ويستفيد شعرك اكثر
دلكيه شوي ع شعرك بعد
بتقولون متعبه الشغله بالعكس بنات مسليه وانتي جالسه ع التلفزيون او قدام كمبيوترك
وبتكون بعد مسليه اذا كنتي مقتنعه بالنتيجه
بإختصار اللي مو مقتنعه لاتجرب
ولاتتعب نفسها
واذا حبيتي خصصي يوم بالاسبوع حطي بيض هذا للتنعيم وللتغذيه
قبل كل شي روحي للصيدليه وجيبي هالفيتامينات << للشعر طبعآ
عشان تضمنين ان شعرك تغذى من داخل ومن برى
حبوب الخميره + حبوب الزنك + فيتامين الحديد + حبوب هيردل للشعر
الخميره خذيها قبل الاكل لانها تسمن لو اخذتيها بعده خذي 3 حبات يوميآ
الزنك حبتين يوميآ مع الاكل
الحديد 3 حبات
وفي حبوب تتاخذ مع هذولي بس اللي تخاف تسمن لاتاخذها لانها تسمن<< حبوب زيت كبد الحوت
اللي تاخذها تاكل من 3 الى 6 يوميآ
طبعآ بتقولون اكيد مضره
بقولكم كلها فيتامينات تعوض نقص الفيتامينات اللي بأكلنا حتى الحوامل ياخذونها
بس بشرط ماتتجاوز مدة اخذك لهالفيتامينات اكثر من شهرين
اذا وصلتي شهرين وقفيها شهر
وارجعي شهرين استخدام وشهر توقفين
هذا برنامج متكامل للشعر من داخل ومن برى
وخلال اسبوعين الى 3 مارح ينزل منك ولاشعره
واتحدى اتحدى اتحدى وحده يمر ع استخدامها 3 شهور ع الاقل وتقول شعري ماتحسن
لانكم بتلاحظون الشعر الصغير بدأ يطلع ووقف التساقط
نسيت اقولكم اللوسيون للي تبي شعرها يطول
ادري بتقولون كل وحده تحط خلطه اكيد بتمدحها بس لو لاحظتوا كل البنات يهتمون بالشعر من برى زيت وخلطات وهيك وينسون التغذيه
والله والله والله اللي بتجرب مارح تندم اهم شي القناعه يابنات عشان لاتكون ثقيله عليك وتحسين كأنها واجب تسوينه
ابيكم بس تدعون لأمي بالرحمه وان الله يجمعني بها في مستقر رحمته