برود فتره الملكه

1. طيب كيف اكسر الملل لى بينا

السلام عليكم ورحمه الله
حابه اتكلم عن مشكله فيني وفيه جميع المملكات فتره طويله
انا مااقدر اقدم الزوج لضروف ماديه يعني زواجي فى العطله شهر 7
وانا مملكه ليا تقريبا 6شهور
مليكي يكلمني كل يوم تقريبا مرتين وماياخذ معاي الا نص او ربع ساعه باليوم وفى نهايه الاسبوع اجازته يكلمني طول النهار والليل
المشكله انا طفشت واحس بملل رهيب بينا كمان لما اتمشى معا احسه مو متشوق ليا كانه بس يخرجني وبس لان اوقات اقوله طفشانه نفسي اطلع بس مومتشوق ابدا
طيب انا لو قلت اثقل يعني اقفل جوالي راح يعمل الدنيا حريقه عليا ولا ماارد عليه برضو راح يزعل

طيب كيف اكسر الملل لى بينا

كمان فى مشكله انه كل كلمه اقولها يفهمها غلط يعني مااتكلم معا زي العالم الا دقق فى كلامي احس اني مالي خلق اكلمه من كثر طبعه هذه الشين
بعدين هو راتبه قليل يعني 4000 ويبغاني اشتغل عشان اساعده وهو مره اتكلم اني محتاج تتعاوني معايا وزي كداا بس اوقات احسه مره طمعان ع الراتب يعني يقولي لو طلبتك البطاقه تعطيني هيا ولا لا مدري هو يختبرني ولا من جده ولا يمزح
وماما تقولي اختبريه اكثر بعد الزواج راح يوضح اكثر
يابنات المشكله اني اموت فيه بس خايفه انه طمااع ويجنني ويخلي كل شي عليا بعد الزواج
خايفه ومرعوبه من الزوااج واستخرت اكثر من مره والله
ولو اتركه راح قلبي يتعب لانه اول واخر حب فى حياتي
قولو ليا ايش الحل
ايش اسوي
الله يسعد كل وحده ترد عليا ويفرجها ربي عليها