بعض القلوب معفسه الله يبيح فردهاا رواية كيووت حييل لاتفوتكم

التعريف بالشخصيات ...
عائلة الجدة شريفة :
الجده شريفة : عجوزن كبيرة وكانت ريحة شعرها كريمات وتحب تناقر ليلين ومقهوره منهاا لانها احلا بنت في العيلة
نوار : خالة ليلين الي تحبها موت وماتحب بنتها مريوم لانها شريرة .. عمرها 43
بدور : خالة ليلين الحلوة والجميلة احلا خالتها وام نضال الجذاب اجذب ولد في العيلة
ليلين : بطلة القصة بنت مره حلووة جمالها يخقق خشمها كنه سلة سيف وعيونها زي عيون الدكتورات بالضبط وطولها يجنن وكل من شافها خطبها وحسب انها امريكيه لان شكلها كان مره خيال , عندها مكياج مايروح بالماي والدموع
وسن:بنت خال ليلين طيبه بس انها تحب مريوم الشريرة لكنها دايم توقفها عند حدها شعرها دايم تسشوره وطويله مرره مو حلو طولها
لمار : اعبد بنت في العيله وخشمها كبيير مخفنر مرره وشعرها مو حلو وصابغته اسود ومن الاطراف اخضر ودايم تتلزق في ليلين وفي كل العيلة بس محد معطيها وجه غير مريوم الي تستغلها داي
مريوم الشريرة : بنت كل الشر اجتمع فيها ماتحب الناس ماتحب شي واحسن هواياتها صنع الخطط ومضايقه ليلين كانت انوثتها مشوهه وشكلها بشع مووت وشعرها كله صبغات وقصير ومحرق يفشل
الوليد : اشرس ولد في العيلة اخو ليلين جذاب موت وجسمه رياضي كان يلعب ملاكمه بس يخاف من خاله تركي
بندر :شخصية فيها توحد واخر شي يموت مع مريوم في حرريقه شكله مو حلو بس بنتقبله عشان ليلين كانت تحبه وترأف في حاله من زمان
نضال : بطل القصة .. ثاني اشرس ولد في العيله اسنانه طويله موت وسماره ذباح سداح يشبه قااسر طوله حلوو طول اللمبه او اقصر شوي يلبس نظارات شاريها من كوكو شانيل ضد الماي وشفايفه توت
عناد : ولد دب بس رومانسي موت يحب الدباديب ويعشقها ومتجنن عليهاا مره يحب ليلين ويفكر فيها في كل يوم في الليل قبل ماينام .. طبعا كل شباب العيله يحبون ليلين
نزلت من الدرج بسرعة مو بخفة كانت لابسه اسكيني تفاحي وبلوفر شتوي بعز الصيف
كان شكلها مره كيوت زي الدكتورات لانها تنام بدري وتقوم بدري مثل الدكتورات بالضبط
وكانت لامه شعرها لفوق طبعا ما ننسى ان شعرها اسود غامق مره مثل الليل و كيرلي ( مقرمط لغير الناطقين بالعربية )
زي ميريام فارس اما الشباشب الله يكرمنا واياكم كانت لابسة شبشب بفيونكه فوشيا
كان بيت اخولها كشخه سيراميك احلا من بيت صديقة وسن حنين نزلت من الدرج اللولبي الي بنص الفيلا
ودخلت لغرفة الجلوس .. وكانت جدتها الغالية شريفة جالسه هناك
الجده دايم تناقر ليلين لانها محتره منها ..
وكانوا اخوالها وخالاتها يحبون خفة الدم الي فيها ..
وكل ماقالت نكته .. قالوا تبارك الرحمن
يخافون عليها من العين والحسد دايم ويخبوها عن الناس لأنها مجننه ثلاث ارباع شباب العيلة ..
دخلت ولقت الكل جالس في غرفة الجلوس ..
ليلين : السلام عليكم ورحمة الله وبركاته
الجميع : وعليكم السلام ورحمة الله وبركاته .. شرفتينا ونورتينا ياليلين
ليلين : حجيتم في مكة ان شاء الله .. جميعكم يارب
ليلين اسدركت : صباح الخير
الجميع : صباح النور و السرور والورد المنثور ههه
سلمت ليلين على راس امها كالعادة ومن ثمن راس جدتها شريفة الغالية
ليلين : الله ماتلاحظون ان خالتي بدور محلوه موت .. وه وه ياخالتي العسل الجذابة
نوار : هي هي ترا اغار
ليلين : خالتي حبيبتي داريه اني اشبه خالي سعود بس تراه مو هنا
الجميع : ههه الله يرج سوالفك ياليلين والله ان كنا ناقصين بدونك .. تبارك الرحمن
ليلين كحت لانها غصت بمويه كانت في يدها
الجميع شهقن بصوت واحد : بسم الله عليك ياليلين .. روحي افطري تراك نحفتي كثير
ليلين كانت نحيفه ولوشفتيها جنب شجره مافرقتي .. وكانت بشرتها خيال مرره بيضا زي القشطة
و كان جسمها مرسووم موت , وكانت احلا بنات العيله والكل زي ماقلنا متجنن عليهاا ..
وضحكتها ضحكة غنج ودلع تجنن مو زي بنت خالتها مريوم الي كانت تغاار منها موت وكانت تتصنع الدلع بس
دلعها ماصخ زي الزيتون بدون ملح ههه امزح
راحت ليلين للمطبخ تسوي الفطور لها ولخالتها الي تعزها موت بدور
و تكربست عند المطبخ وقامت تسولف مع الجزمه وتقول لها : هييه انتي ماتشوفين وش جابك هناا
ومسكتها بقوة ورمتها وهي تسبها
لكن الجزمه طارت على خشم نضال الغالي ..
ليلين صار وجهها احمر وقالت : العفوو اخووي
نضال زعل عشان ليلين قالت اخووي وهو كان يحبها موت ومتعلق فيهاا مره
قامت ليلين قالت له : يوه لف نضاال ماني متلثمه
نضال : طيب خذي شماغي
ورما عليها شماغه
ليلين بعد برهه : خلاص نضال لف تلثمت
نضال : الطباخ مو بالمطبخ !!! كيف انتي تدخلين للمطبخ ؟!
ليلين : اي طبااخ الله يهداك يانضال
نضال : الطباخ الي جابه جدي من يوم جيتم
ليلين بضحكة تذوب : الله يهداك يانضال .. انا الي اطبخ من يوم جينا للشرقية
شهق نضال وصارخ باعلا صووته : عناد الوليد لايفوتكم .. تعالوا بسسرعة
الوليد الي كان جالس في المجلس فز وقام بسرعة متجه لصوت نضال : هاه وش فيك
وعناد لانه دب شويه لحقهم بعدين : نضال الوليد شوو صاير ؟؟
نضال وهو يصفق : ليلين هي الي تطبخ من جات للشرقية
الوليد وعناد ونضال قاموا يصفرون ويصفقون و يحيون ليلين باعلا صوتهم
مريوم كانت نازله من الدرج بثقل لانها اصلا دوبه ماتقدر تمشي : ايش هذا الازعاج
الشباب بس سمعوا صوت مريوم قالوا : وع صوت مين هذا ؟؟
ليلين بضحكة وغنج : هذي مريوم
نضال سكت لانه كان يكره مريوم ..بس ابتسم بعد ماسمع الصوت الي وراها
كانت ورا مريوم تمشي وسن .. راحت له وقالت : وش فيك يا اخو زوجي المستقبلي ههه
نضال وهو يشوف وسن طاقه اللثمه ..: على وين ؟ يامرة اخووي
مريوم قالت لنضال وهي كاشفه لانها اصلا قليلة ادب : بتروح توديني المستشفى
نضال بقلبه (عساك ماتردين)
ليلين : وه وه سلامتك مريوم وش فيك !!
وسن بضحكة : تبي تخفف قبل زواج امنيه
الجميع ضحك على مريوم لانها حيل دبه ومستحيل تنحف
الوليد : مين بيوديكم ؟!
وسن : نضال
نضال شهق : اناا ؟؟!!
نضال كان يطالع بليلين وعيونه ذابت فيها وماكان يبي يودي مريوم الغثه لانها تطفش الي مايطفش
ودمها ثقيل بس انها اهون شوي من لمار اللزقه لانها كانت تتلزق في ليلين
وسن للوليد : رخ صوتك لاتسمعنا لمار اللزقه وتروح معنا
الوليد : والله ان انتي صادقه
وسن : هاا نضال مابتودينا ؟؟
نضال : بوديكم اذا قالت ليلين
ليلين حمر وجهها وكانت داريه ان نضال ما قال كذا الا عشان مريوم تغار عليه ما كانت تدري
ان نضال يحبها ويموت فيها ويعشق دباديبها ..
ليلين : ام ..طيب بسس افكر ....!!!
××××××××××××××××××××
انتهى البارت الاول
ابغى التوقعات بليز ولاتنسوني من التقييم
هل ليلين بتوافق يويديهم نضال المستشفى ؟؟؟؟
هل بيعترف بحبه لليلين ؟؟
هل بيموت بندر مع مريوم بحريقة ؟؟؟
كل هذا بتعرفونه في البارت الجاي
مع تحياتي ..