بغيت اساعدها بس خربت حياتها

1. اتمنى من كل واحده تدخل تدعي لاختي لانها في كرب عظيم


2. السالفه وما فيها

السلام عليكم ورحمة الله وبركاته
اخواتي مبارك عليكم الشهر اللي يجعلنا من صوامه ومن قوامه ومن عتقائه

اتمنى من كل واحده تدخل تدعي لاختي لانها في كرب عظيم

السالفه وما فيها

اختي متزوجه وعندها ولد وبنت حياتها مع زوجها مو مستقره ابدا لازم كل سنه تجلس عند اهلي شهر وشهرين وثلاثه وترجع بس لاحظت في الفتره الاخيره قبل ثلاثه شهور ان حالتها هي وزوجها مره صعبه عايشين مع بعض ما يربطهم ببعض اي شي ما تشوفه ما يكلمها مالهم علاقه بالسرير لمده خمس اشهر اختي حركاتها مو طبيعيه كلامها مو مترابط تستعمل حبوب نفسيه دمرتها اكثر وخلتها كسلانه مره وتنام كثير لدرحجه ان بنتها تبكي طول اليل مودن الجوع ماتصحى الا في الظهر زوجها دائما يشم منها رائحه كريهه شبههالا بالمجاري واحنا وكل الناس ما تشمها بس زوجها يشم هالريحه انا توقعت ان بينهم سحر تفريق يابنات والله حياتها كانت مره تعبانه وكل يوم تتصل تصيح ما ابي اجلس عنده اكرهه كلمت امي وقلت احس اختي تعبانه وشكي ان بينها هي وزوجها سحر روحو خذوها من بيتها وعالجوها عند شيخ ورجعوها قالت امي طيب راحو اهلي خذوها بس زوجها مارضي انها تاخذ ولدها معاها ما ادري وش قصده مره يقول اهلك يضربونه ومره يقول ابيك تجربي البعد عنه مثل ما جربيتني وسكتت وقالت بروح اتعالج وكلها شهر وارجع اهم شي العافيه من وقت جات عند اهلي وزوجها ما يرد عليها ومايخليها تكلم ولدها يقول لاتخليه يحس انك مو موجوده لا تكلمينه اختي راحت الشيخ وصدق ضني طلعت مسحوره ومحسوده بس كلمت زوجها قال لاعاد تكلميني ما بيننا حياه حياتنا صارت صعبه واهلك لا يرجعونك وياويلكم لو جيتو البيت واخته كلمتها امي وسبت اختي وقفلت التلفون بوجه امي اختي كانت تعبانه وباقي تعبانه مو متحمله بعد تفارق ولدها والحين يقول ما بجيب الولد الا في العيد يارب رحمتك قلبي محروق على اختي ياليتني ماقلت لاهلي يجبوها ياليتني ما قلت تعالي تعالجي مره مأنبني ضميري ولدها بعيد عنها وعمره 4سنوات بس ما تبي تطلبه بالمحكمه تخاف تتطلق وماندري ايش الحل الله يرزقكم ادعولها ربي يشفيها ويرجع لها بيتها وولدها تكفون
يا ارب عليك بزوجها الظالم فأنه لا يعجزك يا ارب كل واحده تشمتت فيها تذوقها من حر ماتذوق اختي يا ارب تشفيها وتلم شملها مع ولدها يارب
الله يرزقكم الجنه ويعطي كل وحده ترد وترفع الموضوع بدعوه لاختي ماتتمنى يارب ما تحس وحده منكم النار اللي بقلوبنا الله يخليكم وحدو الدعاء لها حتى تفرج ازمتها وابشركم باءذن المولى القدير والله انها في حاله ما يعلم بها الا خالق السموات والارض مرض وسحر وزوج مايبيها وولد محرومه منه تكفون ادعو لها