بق الفراش ساعدوني

السلام عليكم ورحمة الله وبركاته
كيفكم يافراشات ان شاء الله طيبات وبخير وبصحه وسلامه
حبيباتي الله يسعدكم ساعدوني
من 4 اسابيع كنت اتقرص في جسمي قرصات تشبه قرصه الناموس بس كانت كتيرة مو وحده ولا اتنين لا ممكن في المرة الوحده 7 او 8 قرصات غير المرات التانيه
كنت زي كل الناس احسبها ناموس بس طلعت ( بق الفراش) حشرة تتكاثر بشكل رهيب وتطلع في الليل وتقرصني انا وبس لكن زوجي لا والله مرة تعبت
جبنا شركة ورشت وقالوا لازم كل 14 يوم يجوا يرشوا تاني لأنه (بيض الحشرة) يفقس ويطلعولنا جيل تاني
انا مرة تعبت من كتر ما انضف واتعب وما اشوفها تختفي
الله لا يجعلكم تشوفوها او تجربوا اللي جربتوا
الشركة جات اليوم ورشت غرفة نومي من كل ناحيه
بس ابغا اعمل اي شي يقتلها ويبيدها نهائي
اللي لها خبرة وحلول تانيه تفيدني الله يجزاكم الف خير
انا سمعت البخار الحار يقتلها واشعة الشمس وفي اشياء كتيرة بس ياريت تردلي وحده مجربه ولها خبرة
ايش استخدمتي من منضفات او مواد من عند العطار عشان تدمر الشرر هذا
انا بصراحه حبيت الناموس من بعد اللي شفته من( بق الفراش)
ومن اليوم فصاعدا راح اقدر الناموسه واحترمها لأنها مو زي الشرسه دي تقرص مليون قرصه وتشفط دمي كله الله يبيدها ويفكني منهها ادعولي بليز