بليز بنات أنا توني طاله لأول ثانوي لاتخلوني لحالي أحس إني متوترة جميع الفراشات

والله يا قلبي..
اهو على حسب المدرسه حقتك
يمكن يعطونكم كلمه او حفله
بعدها اتوقع يصفونكم طوابير وينادو على اسمائكم كل وحده على صفها
هذا اللي سووه معي بمدرستنا عاد مدري عنكم
اتمنى اني افدتك...
اختك:
صقيقة وضحى

مشكورة وما قصرتي ..
وين باقي الفراشة ..معقولة العضوات تغيروا ..
أنا غبت عن المنتدى 3 شهور لأني ماقدرت أدخل على النت معقولة مافي أحد يساعدني وقت الحاجه ؟؟

ما ادري عن نظام مدرستكم ..
بالنسبة لمدرستنا كانوا..
يسون لنا حفل يعلمونا الانظمة والمواد اللي ندرسها ومعلمات الماده
والاسامي كانت مرتبه بالهجائي مثلا الفصل الاول من أ-ر وهكذا وكل فصل ملزقه عليه اسماء طالباته

هلا خيتو
اناا اللي اعرفه وصاار معاي
مدرساات يكونوا واقفين ومعااهم ورقه اسماء
وتقولي لها اسمك وتقولك على فصلك
وبعدين اقولك اول مدخلت الثاانوي مره مره مااكنت متقبلتهاا
وبعدين بصرااحه صرت اموت بشي اسمه مدرسه
ووالله احلى مرحله مرت علي هي الثاانوي
بنات وفله واستعبااط على كيف كيفك
فعشاان كذاآآ لا يدخل بقلبك الخوف
هو صح اول اسبوع وبعدين تتعودي
ونصيحه مني لكِ اجتهدي وذاكري واتركي عنك اللعب
والله نصيحه مني لأن صااير التقديم زفت زفت زفت
وانتي اكيد تراكمي يعني انسي اللعب واجتهدي
والله يوفقك
:
:
وبالتوفيق لكِ

حنا مدرستنا الاسامي على الابواب
عموما اول ما تدخلين لا ترتكبين الوضع جدا عادي وما فيه شي يخوف
واذا دخلتي صفطي عباتك >> احلفي
وبعدها روحي الساحة واجلسي على اي كرسي وشوفي الاوضاع من بعيد وتعرفي على المدرسة او ادخلي المبنى ودوري وشوفي الفصول
واذا صفرت لا تروحين بسرعة شوفي اول بنتا 2 و3 وش يسوون اذا طلعوا خلاص اطلعي وبس واذا ما فيه احد راح المبنى خليك بالساحة لانهم بينادون عليكم >> وهذا اسلوب اكثر المدارس
والحصة الثانية او الثالثة حفل بسيط تعريفي للمدرسة ولكم وبالمعلمات
ونصيحة مني اعتبريها من اختك الكبيرة لا تخافيين وجمدي قلبك ترى الوضع جدا عادي بالعكس ايام الثانوي احلى بكثير من المتوسط لان البنات عاقلات >> انا ما اقول المتوسط مو عاقلات بس يعني كبرو اوتفكيرهم صار صح مو استهبالي يعني كل وحدة بحالها
واستمتعي قد ما تقدرين لانها ايام ما تنسي ولا تخافين ابد
واذا معك صديقاتك لاتروحين اول يوم مو لازم وخلي صديقاتك يعلمونك عن الاوضاع وش صار عشان تتطمنين
اتمنى اكون افدتك واي سؤال انا بالخدمة

مشكورات ..
الله يوفقكم .. والله طمنتوني ..
أنا أكثر شيء مخوفني ما أكون مع صديقاتي بنفس الفصل ..

شوفي يا قلبي مو بالضرورة يكونون معكم بالفصل
يعني انا من دخلت الثانوي ما كانوا معي بالفصل وانا هادية ومو اجتماعية ابد بس بسرعة دخلت مع اللي جنبي واللي وراي وصارت الاستاذة متاذية منا ودايم مطرودين يعني على طول بتنسجمين حتى لو ما كانوا معك بالفصل
لان المتوسط طالعين من مرحلة طفولة وافكار الطفولة مسيطرة عليهم انهم صديقات ومحد يدخل معهم ومن هالكلام
بس صدقيني وربي بتنسجمين بالكثير بثاني اسبوع وقولي ما قلته هو بس خوف ماله داعي
بس الثانوي كل الفصل همهم واحد انهم يستانسون وما يحبون الشلل والحركات هذي العام كلنا نتجمع مع بعض وحنا كل وحدة من مدرسة وعلى طول انسجمنا
فلا يخوفك ابد ان صديقاتك مو معك
بس ادعي ربك من قلب واستغفري من تركبين السيارة الين توصلين وبتشوفين اذا نزلتي بيصير اسمك معهم
وطمنيني عليك ياقلبي ووش سويتي بالتفصيل >> ابي اعرف اخبارك

هلآ والله اكسجين
اول يوم انا بااقول لك تجربتي في طبعا دخلت المدرسه وانا اتنفض من الخوف
بس لقيت كل بنات سنه اولى بما فيهم صحباتي جالسين عند الباب بعدها دق الجرس
ونادوا ع اسمائنا وطلعنا الفصول وبعدها يدورا المعلمات واليوم الثاني او الثالث يسوا
حفله تعارف لكم ,,,
لازم الرهبه والخوف واذا ع صاحباتك عادي لو ماكانوا معاك انا صحباتي كلهم كانوا بفصل
وانا بفصل لوحدي ووحده ثانيه بفصل لوحدها وعشت احلى ايام بدونهم ..
الله يوفقك بدراستك ويعدي اول يوم معاك ع خير وسهوله..

أهلين أختي
انا مثلك رايحه لأول ثآنوي وخآيفه انه ما اكون مع صديقاتي بفصل واحد
بس الله يعين يقولون ان المواد كثيره اووف
ونظام الاختبارات زفت الي كل شهر اختبار
وطمنينا عنك أول يوم
أختك
انثى