بليز صبايا جدة داخله على الله ثم عليكم

السلام عليكم
مساء الفل و الكادي
كيفكم بنات جدة ان شاء الله تكونوا بخير بعد السيول و السوايا اللي استوت الله لا يسامح اللي كان اسبب و الله يرحم موتى المسلمين و يجبر بخاطر أهاليهم يارب
نخيتكم بنات جدة :ق1:وكل من يعرف في جدة و اسواقها
عندي مناسبه زواج اخت صديقتي وأبغى فستان سهرة نعوم وفي نفس الوقت شيك و أنا ما أعرف كثير في جدة و أسواقها يليت اللي تعرف تقول وين ممكن ألاقي فساتين ناعمه كذا مو مره مبهرجه حقت زواج وايش افضل مجمع انزله لأني ما أحب افرفر من مجمع لثاني ويليت لو تخبروني عن أسماء محلات أروح لها حتى ولو ماركات ألاقي فيها فساتين زي كذا واسم المول وكيف اسعارهم واسعارهم وهل صحيح انه مو ممكن ألاقي شي حلو الحين بالأسواق لأنه موسم تخفيضات كثير قالوا لي ان البضاعه الحلوه خلصت بس أنا ما أقدر انتظر لأن زواج البنت قرب ولس ما جهزت
أدري ثقلت عليكم بس جعل اللي ترد على ما يخيب ربي رجاها ووعد لها دعوه مني في ظهر الغيب