بموت من القهر

1. مازال مسلسلي مستمر مع زوجي واللي تابع قصتي يعرف اش اقصد

مازال مسلسلي مستمر مع زوجي واللي تابع قصتي يعرف اش اقصد

تعبت اصبر والله سنه ونص وهو مو راضي يشتري سيارة ، تكلمت معها باللين وزعلت وليه اكثر من شهر وانا انام بدري بحجه النوم ولكن ابغاه يحس اني زعلانه واروح غرفه لوحدي وانام ولاكلف خاطره يسالني اش فيه
لدرجة اني صرت اكره احد يعزمنا او نطلع من احد لان مابنروح بسيارتنا والناس يتحكمون فينا ، كرهته وكرهت حياتي معاه والله العالم والكل شاهد اني مو قصره معها وبيته ولاعمري خليته مونظيف وريحته اغلب الوقت بخور او معطرات وحقوقه مامنعته مناه
بس لكل شئ حد وصبرت وماعاد اقدر اصبر اكثر ، تعبت منه وامه وابوه تعبوامن كثر مايكلمونه وزاد قهرني انه عنده فلوس تجيب لنا سيارة موديل هالسنه بس هو حاط سياره في باله وعارفه لو صبرت 7 سنين ماراح يقدر يجيبها وهذا غير الديون اللي عليه ومايسدد الا بعد طلوع الروح
راح مره عند ابوه وقله ابوه : بعطيك 10 الالاف ريال وحطها على اللي عندك واشتري
قله زوجي : ماتكفي
جاء اخوه اللي اضغر منه واخوه هذا عايش على الضمان بس كل شهر تجيه 800 ريال وقال لزوجي من عندي ابعطيك زي ابوه
وصار معه 106 الالاف ريال (حتى اخوه المسكين مارحمه ) وهو كل همه يجمع فلوس ويشحذ من هذا وهذا وهو عنده ولا يحوجه يشحذ
المهم انا وجهي صار اسود لاني اذا جات مناسبه انزل لاهلي مع اهله وهو جالس ورايه في البيت بحجه انه بيروح المعارض حقت السيارات وحتى لو راح مايشتري بس يسكتني
واخر مره الثلاثاء الماضي وكان الاربعاء عندنا فرح لقرايبنا وقلت له انا بروح وانت؟
قلي انا مابروح روحي مع اهلي وقلت مابروح لاهلي الا معك
قلي : روحي وانا الجمعه اجيكي
قلت : طيب
عارفه انه غلطي لاني مااصريت ينزلني .
المهم على اساس الجمعه يجي ياخذني ولكن بعد الفرح امه (خالتي) ، نامت عند امي وظهر اتصلت على واحد من عيالها على اساس يجي ياخذها
واول ماعرف زوجي ان اخوه بيجي ياخذ امه اتصل عليه وقال: تعالي معاهم مافيه حيل بكره انزلك
قلت له : لا تعال انت مو رجال ومسئول عني
قلي : تعالي وبكره امشيكي في اي مكان
وانا عارفه انه بيخدعني علشان اجي
المهم مارجعت مع اهله وانا اليوم عند امي ، المهم اهلي عرفوا باللي صار وحطوا الحق كله عليه وحتى بكيت عندهم وصدعت وحرارتي ارتفعت وهم يحاولون فيه اروح مع اهله وانا رفضت
بعد المغرب اتصل يعاتبني ليه مارجعت مع اهله
قلتت له : انا حرمه زيي زي غيري ابي سيارة وانروح فيها لوحدنا ومع بعض
قال : مافيه حيل ومن كلامه المعتاد وجهزي نفسك بكره اجيكي
قلت : اذا بتجي بسيارة واحد من اخوانك لاتتعب نفسك ماراح ارجع الا بسيارتك ومو زي المره اللي راحت تخدعني واسكت
تعبت مره انزل مع اهله ، مره مع خالي ، مره اخلي واحد من اخواني ينزلني او يجي ياخذني
عارفه انه غلطي من الاول عودته على هالشي بس مو عيب الواحد يعترف بغلطه ويصلحه
هل زعلى منه صح والا غلط؟
اذا جاء بكره ارجع معه والا التزم بكلامه واني ماارجع له الا والسياره عنده ؟
ارسل له واقوله لاتتعب نفسك اذا ماجبت سياره
كفايه انه ماعمرنا خرجنا سوا وغيرنا جو الا اذا رحنا مطعم تعشينا ورجعنا ، ما كاني حرمه لي حقوق زي ماله حقوق
والله اليوم بس اخلاقي مقفله وبكي ودموع وحتى ولد اخوي وبنت اخوي الصغار مالي نفس العب معهم او اضحك
طفشت ، زهقت ، مليت خلالالالالالالالالالالالالالالالالالالالالالالالال الاص وصل السيل الزبى