بنات أنا محتاره كيف أخذ حقي من زوجي

صباح مساء / الخير
راح ادخل بالموضوع ع طوول
بنات أنا صار لزواجي خمس شهور وسبوعين
والحين صار لي شهرين عند أهلي عشان التعب التوحمي
وانتو تعرفو المرأ إذا حملت بالشهور الأولى خاص إذا صار أول حمل
شنو يصير لها من تعب وأنا توحمت بزوجي والبيت كارهتهم وما ابي اسمع بطاريهم
المهم كانت الشقه الله العالم فيها والمجلس مو مفروش ولا حتى فيه جلسه ودايما أقوله
متى نزين المجلس يعطيني اعذار
زهقت من تصريفاته
المهم
أختبرته وقلت وش رايك أعطيك الذهب حقي ونشري كنب للمجلس
قال وبكل انفعال لا لا هذا ذهبك وأنا اللي بفرش المجلس وأحط فيه كنب
قلت بنفسي زين عين العقل
!!!!!!!!!!!!!!
مالت
بعد العيد زادت حالتي وجيت عند اهلي قبل لا أعرف أني حامل
وكنت ماخذه الذهب قال وين الذهب قلت معي في الشنطه واحنا في طريقنا لأهلي
قال عطيني ياه باشتري للمجلس كنب وافرشه
أنا أنقبض ع قلبي وقلت طيب إذا امي اسالتني عن الذهب قال بكل مكر قول نسيته
بالشقه
مع العلم قبل الزواج كان واعدني بسفره ولا سافرنا وقالت امي حطي الذهب عندنا يمكن تسافرون
خليه عندي
يوم خليته فتره قصيره عصب وقال وين الذهب قلت عند اهلي عصب وقال لوتروحين عند اهلي ومايشوفون الذهب عليك موزين هذا الشئ
مسوي ناصح الأخ
وهالمره أخذه بكل مكر عطيته الذهب وأنا موبخاطري اعطيه لأني مالبسته إلا مرتين من زواجي
بنات مو حرام عليه أقسم بالله كرهته وكرهة حياتي معه
واللي قاهرني بزياده أني صار لي شهرين عند أهلي ماعطاني مصروف إلا مره وحده وكلها راحت بيوم
واحد
مصروف العلاج والأشعه والحبوب وغيره من الأابره اللي عطوني
المهم رحت عنده خميس وجمعه ورجعت روحي بتطلع منه ومن البيت
تعبت تعب الله لايوريكم
ومن جيت اقوله ابغى فلوس يصرفني ويقول إذ طلع الراتب
واخر شئ قالي بعد يومين أوثلاث واليوم لافلوس ولا شئ
والذهب عطاني حجه ماراح يفرش المجلس ولا
يزينه
والذهب عنده
سوألي أطالبه بالذهب ولا أنطم واسكت عن حقي؟؟؟؟؟؟؟؟؟؟؟؟؟
والله قاهرني حيل