بنات اتمنى تدخلو ضروري

يلا حبيبتي نحن انتظارك بس لاتطولين علينا
وصراحة من اسمها تعطي انطباع انهامشوقة
يسلمو

تسلمي ياقلبي والحين انزلها ياقلبي الصراحه ابي رايكم وقلولي اذا فيها عيب وأنا اذا مالقيت مشاركات ماراح اكمل الروايه أسفه ^_^
أحبك ....... كلمه تبكي معانيها على شفاتك...!!
الكاتبه :: مداويه جروحها بروحها ..! >> اللي هي أنا
Nothing impossible
اول نبداء بتعريف ابطال القصه ......
عائلة ابو راشد ........
ابو راشد :طيب وقلبه ابيض ويحب شذى حب مو طبيعي وطبعا كلهم يحبهم بس شذى غير مو مثل حبه لعايشه شذى أكثر
ام راشد :مره طيبه مثل زوجها
راشد؛متزوج بنت عمته منى وعمره 34 وعنده امل عمرها سنتين و فهد 5سنوات
شذى ؛احلى وحده باعائلة كلها.. وايد اللي يحبوها عمرها 22سنه بيضه مملوحه مره حلوه
فيها جمال مو طبيعي شعرها طويل اسود يوصل لين اكتافها كأنها مو من العايله
فارس ؛عمره 23سنه مره حلو طويل رزين شياكه وطبعا مرح
عايشه؛متزوجه ولد عمها محمدوعمرها27 عندها ولد اسمه مايد عمره3سنوات وبنت اسمها جود عمرها سنه
عائلة ابو محمد....
محمد ؛ متزوج ببنت عمه عايشه عمره 30سنه
ريان : حلو مره عمره 23سنه صديق فارس الروح بالروح
عبير : مره طيبه وتحب شذى مثل اختها عمرها 22وصديقة شذى الروح بالروح
المهند ::صغيير عمره 12
ونجود ::صغيره عمرها 11 سنه
عايلة ابو احمد ,,,
ابو احمد :: مرره عصبي بس طيب وقلبه كبير
ام احمد ::طيبه بس غيوره وتحب نفسها واولادها
وابو احمد يكره هالعاده فيها ومايتجمعوا هم وبيت ابو راشد وابو محمد كثير
فيصل ::حلو مره بس مو بجمال ريان عمره 23سنه ويحب فارس وريان مثل اخوانه
احمد:: اخوهم العود متزوج ببنت خالته هيا وعمره 32سنه عنده ملك وملاك تؤم عمرهم 5سنوات
منى ::زوجة راشد
مشاري ::طيب وحلو ومملوح عمره 24سنه ويحب اخوه فيصل مره
نبداء القصه .......................
شذى :يمه الله يخليج ابي اروح السوق مابي اروح بيت عمي بو محمد
ام راشد ؛يابنتي لازم تروحين عيب عليج شنو يقولوا الناس..........؟
شذى : يايمه ياروحي الناس شنو دراهم قولي لهم شذى تعبانه مشغوله أي شي <تطالع امها نظرة يعني بليز>>
ام راشد :بس مافي روحه للسوق
شذى :اوكيه ماراح اروح وانتي تدرين عبير مسافره مع اخوها عالشنو انا اروح ؟؟؟
ام راشد تحاول تغير الموضوع :كم باقي على الدراسه ....؟
شذى: ماباقي شي كم اسبوع ..... ياي برد اليامعه يالله مره متوله على خوياتي
ام راشد :هي انتي اعصابج لا تطيرين اخرتيني الله يقلعج يلا مع السلامه
شذى :خ يلا ابوي ينتظرج نسيت مااقولج
ام راشد باين عليها عصبت :وبعد الله يقلعج الحين وش يفكني من كلام ابوج اللي ماله داعي انا اراويج بس ارد <بنبرة تهديد >
شذى تضحك ولا همها
وراحت ام راشد .......
جلست شذى تكلم نفسها ....
ياربي الله يخليج لي ياحلى واطيب ام بدنيا
ههه اشوى اني مارحت ماحب بيت عمي بدون عبير
احسه كئيب بس يلا هانت باجر بترد عبير البيت
وقعدت تضحك على نفسها شذى:
ههه
والله اني انينيت اكلم روحي ههه
ولا يدخل فارس
فارس :بنت انتي ههه تكلمين منو؟؟ عندنا احد
شذى تضحك:ههه لا بس كنت اكلم روحي
فارس بنبره تضحك:الاخت فيها شي اوديج مستشفى الميانين ممكن يحنون عليج
<<<وقعد يسوي نفسه يبجي>>
ويكمل: ياحسرة شبابج يااختي
شذى :هيه هيه انا مو مينونه ولا نسيت انك انت المينون
فارس قام:هي اتغشمر يلا بنت معاي واحد من ربعي الحمد الله انج مارحتي معهم
شذى: لا ايش تبى ماراح اسويلك عشا
فارس :اختي حبيبتي روحي معاي ريان يعني توه رد من السفر عيب مااعشيه واختي العسل موجوده
شذى ::طيب عبير يات معه
فارس ::وانا وش دراني اكيد يت
شذى ::اوكي وشو تبي اكل ولا اطلب لك من المطعم
فارس :لا سوي اذا تقدري لان اكلج اوف مايتفوت
شذى بمكر: لا حبيبي انا مااتعب واسوي بدون مقابل
فارس:لا ايش تبي مقابل.... فلوس لا ماعندي
شذى :وانا من متى اطلبك فلوس ؟؟؟لا انا ابي توديني السوق
فارس :وسيارتك وين؟؟؟؟
شذى :سيارتي ؟؟ والله انا مابي اروح بسيارتي
ابي اروح معاك لان ابا اكلمك في موضوع خاص
فارس بحيره :وشنو الموضوع ؟؟؟
شذى وهي تلف وتيلس : لا كذا ماصار موضوع قلت بعدين وهي انت نسيت الولد يالس لوحده في الميلس
فارس وكأنه كان ناسي ان معه احد:اوه صح الله يرجج بكره اوديج
شذى :طيب
شذى تضحك وتقول ههه والله اني تافهه لان مافي موضوع هههآي
يدخل فارس على ريان
ريان :الله يرجك
فارس يضحك ::ليه؟؟
ريان: بس جذي
فارس :ههه
حلوه بس جذي خ ههه
ريان: يلا حبيبي انا بروح اتأخرت على الوالد
فارس :لا لاتروح ماصدقت شذى توافق وتقوم انت تروح
ريان ييلس :على ايه توافق ؟؟؟
فارس :انها تسوي عشا لنا
ريان :ليه هي ماراحت ؟؟
فارس: لأ
ريان :وليه ماراحت ؟:؟؟؟
فارس : هي ليش تحقيق وانا ماادري وانا شنو دراني روح اسألها
ريان وقف
فارس: هي وين رايح ؟؟
ريان :بروح اسألها ؟؟
فارس : لا بلا هباله وشو اللي بتروح تسألها
ريان :ليه ماراحت بيتنا ؟؟
فارس : كل تبن وانطم لما تحط العشا اسألها وامانه هذا سؤال ينسأل
ريان يضحك :ههه خ اتغشمر
فارس يسمع شذى تناديه
فارس :يلا برح اييب العشا من شذى
ريان: اروح معك ؟؟؟
فارس :لا بلاهي وش انا يايب ذبيحه كلها كم من ساندويش وبيبسي
ريان يضحك :ههه ه
راح فارس ياب الاكل
وهم ياكلون
ريان :فارس
فارس : امر
ريان : مايامر عليك عدو بس بغيت اقول اني بروح
فارس :ليه اصبر مو طاير بيتكم كلها جم ساعه بعدين انا بقول فارقنا
ريان :ههه لا بس عبير يالسه بروحها ولو دريت ان اختك هنا كان يبتها
فارس: اها طيب ييبها ؟؟
ريان: مافيني والله انا توي راد من السفر
فارس : طيب حتى هي توها راده من سفر ؟؟
ريان :ايه بس انا مافيني لورحت ماراح ارد
فارس: طيب<ويفكر>ليه مااقول حق شذى تروح تيبها
ريان :اوكي خلها تروح اذا بغت
فارس :اكيد بتروح اول ماقول عبير ردت من السفر
ريان :اوكيه روح قلها
راح فارس
فارس ينادي :شذى ...شذى ....
شذى :ها سمعت والله سمعت
فارس :عبير يا..
شذا تقاطعه : هيا بروح ايبها باي
فارس: خ انتبهي على روحج من زحمة السيارات
شذا: ههه لا تخاف انا مينخاف على انا ينخاف مني ههه
فارس :خ ههه
حلوه ماينخاف علي ينخاف مني
شذى : ههه يلا عاد بروح باي
شذا راحت وفرحانه من زمان ماشافت عبير وهي صديقتها الروح بالروح
وراحت البيت وبالأحضان اول ماشافتها من زمان ماشفتها
المهم وصلو بيت شذى واول مادخلت شذا تقابل قدامها ريان
وريان انحرج وشله يتمشى في بيت الناس
ريان :هلا شذى كيفج ؟؟
شذا : بخير انت كيفك...؟
ريان: بخير والله ها يبتي عبير ؟؟
عبير تدخل :ايه يت ولا سألت عني حتى انا زعلانه منك
يدخل فارس ويقول : هلا والله بعبوره كيفك <ماخذ راحته على الاخر >
عبير مستحيه : والله الحمد الله انت كيفك ؟؟
فارس : الحم...
شذا تدّخل : والله انا من زمان عنج يلا تعالي ماباقي السيد فارس ياخذج مني
فارس :هي انتي مين قال انا اخذتها منج كلها كلمه ورد غطاها
شذى تمشي ومطنشه على الاخر
اما ريان واقف مومصدق انه شاف شذى كانت مرره حلوه
طلعوا البنات شذى وعبير دار شذا
في الغرفه .........
شذى: عبير مرره وحشتيني موت
عبير :وانتي اكثر ياقلبي ... قوليلي ايش سويتي بغيابي ؟؟؟
شذى:ولا شي مثل دايم طفش
عبير: اها
شذا :وانتي شنو سويتي لما سافرتي
عبير : والله فله باذات مع اخويا ريان فله
شذا : والله شنو سويتي ؟؟
عبير وبدت تحكي شذا اللي صار لما سافرت
تحت كان في ريان وفارس
ريان : فارس اذا قالوا لك اعرس مين بتاخذ
فارس سكت شويه وقال : افكر مين ومافي بنات عندنا
ريان : كيف مافي خلصوا بنات الكويت ؟؟
فارس :لأ بس مافي احد دخل مزاجي
ريان سكت حس ان لقافه يسأل
فارس :وانت منو ببتزوج
ريان :انا مدري بس في وحده براس امي لين الحين تزن فوق راسي تقول انها خوش بنيه
فارس:وانت شنو رايك فيها ؟؟
ريان: ماحبيتها مابيها
فارس :اها في وحده براسك ؟؟؟
ريان سكت وقال بقلبه <ايه في وحده >
فارس :يلا عاد منو اللي براسك
ريان :مافي وحده
فارس :هاهاها مو علي
ريان حاب يغير الموضوع :يالله تأخرنا يلا بنروح انا و عبير
فارس :لأ لاتروحوا انا وشذى نطفش
ريان: لا خلاص هذي خالتي يت باي
فارس: اوكي باجر اشوفك
ريان :ان شاء الله
راح ريان واخته نامو كلهم بس فيه في البيت صاحي شذى وفارس سمرانين
شذا :فارس
فارس :ها
شذا :ايش رايك بعبير ؟؟
فارس : وشنو مناسبة السؤال
شذا:لا ولا شي بس سؤال
فارس :طيبه حبوبه بسرعه تنحب!!
شذا :ههه يعني اعترف حبيتها
فارس لاحظ انه قال كلمه خطأ :ها لا بس يعني عادي
شذا :يلا قول بلا دلع تحبها
فارس مرتبك:لا عادي
شذى :إلا
فارس :لا عادي احبها ماحبها شي خاص فيني انتي مالج خص
شذى :ههه خلاص طيب غير التلفزيون حط mbc2
فيها فلم مرعب
فارس :طيب دقيقه
فارس يقلب بالقنوات حط mbc2 فيه فلم مرعب قعدوا يتابعوه طبعا شذى نامت بنص الفلم
فارس يكلم نفسه <يازينها وهي نايمه >
فارس: شذا قلبي يلا قومي روحي دارك
شذا: ها طيب
فارس يقومها :يلا قلبي
شذا قامت وراحت دارها
فارس راح غرفته ونام
اليوم اللي بعده الساعه 6 المغرب
فارس:شذى يلا بعد الصلاه اوديج السوق يلا تزهبي
شذى :ياناس على اخويا العسل يلا دقايق واكون عندك
فارس :ههه طيب خلاص انا بره انطرج
شذى راحت تبدل ملابسها وتتزهب
فارس :ها خلصتي ؟؟؟؟
شذى :ايه عيل وش حقه طالعه
فارس :ههه خ طيب يلا
شذى :لا دقيقه بنمر على بيت عمي
فارس :ليه منو اللي بيروح معانا ؟؟؟
شذى: عبير بتروح .... المسكينه طفشت .
فارس :اها طيب .... طيب ايش رايج ناخذ معنا ريان ؟؟
شذى :لا شنو يبى بالسوق ؟؟
فارس :ههه ولا شي بس يمشي معي انا ...
شذى : اوكي يلا تأخرنا على البنت
فارس تحرك بالسياره :ايه صح يلا انا بااتصل على ريان
شذى :......
راح فارس ييب ريان واخته
اول مادخل ريان السياره :هلا
فارس :يلا بلى دلع اختك وين ...
شذى : ايه صج وينها ؟؟؟
ريان :الحين تي
شذى:يات عبير يلا امشي يافارس
عبير دخلت :هلا شذى
شذا :الحمد الله
فارس :نحن هنا ... سلمي انتي ووجهج ههه
عبير خجلت :ها ايه كيفك فارس
فارس :مو بخير
عبير :خير وش صار
شذى جالسه ومستمتعه باكلام اللي بين فارس وعبير
فارس : لا الحمد الله بخير ههه
ريان :هيه انت لاتدعم فينا يلا وصلنا
شذى :ايه والله انك صاج لا يدعم فينا الحين مو فايقه اتشوه ومحد يتزوجني
ريان :لا منو قال انك ببتشوهي
شذى خجلت
فارس :لا تغازل اختي جدامي طيب انا اراويك
ريان :ها لا بس يعني
فارس :لا بس ولا يعني يلا ننزل لنا ساعه يالسين هني
شذى :يلا انزلوا
ريان :يلا
نزلو السوق ريان وفارس عند الكوفي شوب وعبير وشذى دخلوا الاسواق
فارس :ريان
ريان :ها
فارس :انت تحب
ريان : ها وش مناسبة السؤال ؟؟
فارس :بس اسأل ..
ريان :مدري
فارس :لا وشو اللي ماتدري في احد مايدري انه يحب ولا لأ
ريان :والله مدري .......
فارس :انت تحب شذى
ريان انصدم : ........
فارس :اعترف عادي
ريان :لا بس انصدمت من كلامك
فارس : وهاذا شي يصدم كل انسان مصيره يحب
ريان :الحقيقه عادي مو احبها ولا أكرها عادي
فارس : يعني بديت تحبها ؟؟؟
ريان : لا والله بس مثل اختي
فارس :ها طيب مابي اضغط عليك ..
ريان :لا عادي
ريان يقول بقلبه < والله اني احبها >
يو البنات
شذى :فارسوه يلا خلصنا بنرد البيت
فارس :اصغر عيالج انا تقوليلي فارسوه
شذا :ههه وش يعني سنه
فارس :طيب طيب لا تطولي
______________________
ابي رايكم

لا حرام احد يرد شكلها ماعجبتكم اوكي خلاص ماراح اكملها الا اذا شفت ردود *_*

أنا بقراها لكن مو الحين لما ارد أوكي بايو .. يعني ساعه 8 وإذا ما قدرت بدي ساعه 11 أو 12 وبقراها أوكي ..
لكن أكيد بجي ..

حلوه .. بس بسأل هيا كويتيه أو سعوديه أنتي حاطه أنك سعوديه .. لكن بالقصه الشخصيات كويتين .. بس هذا هو سؤالي
بس الاحداث حلوه

لاا هي كويتيه أنا كاتبتها كويتيه وأنا سعوديه
اتمنى تعجبكم وبليز اذا مو حلووه قولوا لاتخلوني اخذ مقلب بنفسي

واو حلوة وايد القصه كمليها
الله يخليج حبيبتي !!!!

إحم إحم شكراا ياقلبي زدتي ثقتي بنفسي الحين أكملها
((الجزء الثاني))
ريان :يلا عبور نبي نروح
عبير :دقيقه بس احاسب وايي
فارس :اوكي ريان عادي ننطرها
عبير: خلصت اسفه عطلتكم
فارس :لا عادي بس يلا
ريان: يلا
شذى :ايه يلا انا ماابي اروح البيت
فارس : لا يااخت وين تبين تروحين ؟؟؟
شذا : المطعم ولا نتمشى بسياره ولا أي مكان غير البيت
فارس :لا ابي اروح بيت عمي تروحين
ريان :لا مانبي نروح البيت مثل ماقالت شذى
عبير :ايه مانبي البيت
فارس :اوكي يلا نروح المطعم
شذى:: واي يلا
راحوا السياره وصلوا المطعم
في المطعم...
فارس راح يطلب الاكل
بقي ريان وعبير وشذا
ريان : ايه اخباركم يابنات
عبير ::طيبين من دون ماتسأل
ريان ::ههه طيب كيفج شذى ؟؟
شذى مو منتبه ان فيه احد يتكلم
ريان : اللي ماخذ عقلج يتهنابه
شذىانتبهت ::ليه مو ماخذه
ريان :لا بس انا اعرف اللي ياخذ عقل البنت ولد واللي ماخذ عقل الولد بنت ..
شذا :: لا هذا خطأ بس افكر في اليامعه وخوياتي وحشوني <<تصرف >>
ريان :ههه طيب عبور انتي كيفج ؟؟؟
عبير :اخيرا ماكان ودك تسأل
ريان :ههه يلا سألت كيفج ؟؟
عبير ::بخير
ريان ::يلا انا رايح لفارس غريبه اتأخر ؟
عبير ::لا الحين يرد وش هي كله كم طلب وخلاص
شذى :هيه هيه انا هنا ماسمح لج تتكلم على اخوي
ريان :ههه حشى مين يتكلم على فارسوه الحين اروح اطقه
شذى :لا خلاص بلاشي مدام فيها طق
ريان :ههه طيب انا رايح اشوفه ....
عبير ::يلا روح تأخر ؟؟
راح ريان ويلسوا يسولفون عبير وشذى
بعد نص ساعه تقريبا يا فارس ومعه الاكل ومعه ولد ومعه ريان
فارس ::يلا يبت الاكل كلوا عليكم بالعافيه
شذى :لا وانت ليه ماتاكل ؟؟؟
فارس ::انا باكل بس مع خويي فهد في طاوله ثانيه
عبير :ومعك ريان ؟؟
فارس ::اكيد لا يعني منو بييلس معكم
ريان ::ايه انا بييلس معكم ....عندكم مانع ؟؟؟
عبير ::لا دواس
شذا وفارس :ههه ههه
ريان :يلا بلى دلع روح يافارس مع فهد وانا بييلس هني
راح فارس مع خويه فهد ويلسوا على الطاوله وريان والبنات يالسين باطاوله اللي يمهم
عبير :الحمد الله شبعت مره حلو هالمطعم
ريان ::ايه مره حلو اكله
شذى ::الحمد الله
ريان :: باعافيه
عبير ::انا رايحه الحمام اغسل واظبط شكلي
شذى بصوت بالعافيه ينسمع ::خذيني معاج ؟؟
عبير بمثل الصوت ::ليه ايلسي انا راده
شذى ::طيب لا تتأخري
ريان ساكت ونفس الشي شذى
بعد خمس دقايق
ريان ::شذى ...
شذى ::نعم
ريان :: ...... انتي عمرج حبيتي
شذى استغربت من السؤال : لا ليه
ريان :لا بس اسأل
شذى :: أها
ريان سكت ونفس الشي شذى
وتدخل عبير :: لا من جد من اول مارحت وانتوا ساكتين
ريان :: وانتي وشلج نتكلم ولا لا
شذى تدّخل ::لا بس وش اللي نتكلم فيه
ريان : ايه صح وش اللي نتكلم فيه
ريان وكأنه ماسوا شي
عبير ::طيب طيب يلا نروح
فارس يدخل ::يلا ياست عبوره
شذى تقوم عند اخوها :ايه يلا راح خويك ؟؟
فارس :: ايه يلا
ريان ::يلا
راحوا كلهم بيوتهم بعد اسبوع
ريان يفكر باشذى ... وفارس بعبير
ومره جاتهم عبير ..
عبير ::هلا باشذى
شذا تنقز من الفرحه ::عبور وينج ماشفتج
عبير:: يالله قبل امس شايفتج
شذا :: المهم كيفج ؟؟
عبير :: الحمد الله انتي كيفج
شذا ::بخير
قعدوا يتكلموا
تحت كان فيه فارس وريان
ريان :فارسوه اللي ماخذ عقلك يتهنابه
فارس وانتبه انه في احد يكلمه :: ها لا محد
ريان ::هههاي يلا بلا دلع قول منو
فارس ::يالله يعني لازم
ريان ::يعني فيه احد
فارس: لا مافي بس افكر بايامعه مابقالها شي وتبداء سنه يديده تخيل كلها 48 ساعه << يصرف>>
ريان :ايه والله حتى انا شايل همها
فارس :: الله يعطينا خير هالسنه ويبعد عننا شرها
ريان:: أأأمين تصدق انها اول مره تطلع منك كلمة زينه خ
فارس:: باللهي إحلف << انحرج شوي>>
ريان:: والله
فارس:: هههاي
ريان:: هههاي
فارس:: وشرايك نرووح لكوفي
ريان:: ايه والله منها نستانس
فارس ::طيب وش رايك ناخذ البنات معانا
ريان:: لا بالله الله يسعدك مالي خلق لحنتهم خليها لوحدنا احسن<<مايبي يبين شي>>
فارس::ايه والله انك صادق<<متحسف وده انهم يروحوون معاه عشان يتقرب من عبير>>
وراحوو الشباب لكوفي واستانسو وقابلوو ربعهم واخذوها سمرره لين الفير
البنات:
نازلين شذى وعبير من بيت شذى وهما يضحكوون قابلتهم ام راشد <<ام شذا>>
ام راشد:: ياحليلكم الله يزيد وناستكم ان شاء الله ولا يفرقكم
شذى وعبير بصوت واحد وبقلب :: أأأأأأأمين
شذى ::: يمه انا وعبير رايحين عند وحده من البنات مسويه حفله وتبيني انا وعبير نرووح احنا بنرووح ومابنطوول أوكي
ام راشد:: خلاص يابنيتي روحي انبسطي بس لاتطولين تعرفين ابوج اذا طولتي بيخاصم ومالي خلق لحنته تعرفين مرره يحبج
شذى:: إحم إحم ياارض اهتزي ماعليج قدي
عبير :: عشتو واللي يرحم والديج تسكتين يالله يالله اتأخرنا عالبنت يعطيج العافيه خالتي ولاتاخفين شذى بعيوني
شذى:: هههاي انا اللي انتبه عليج مو بنتي اللي تنتبهين خ
عبير:: يالله بس بلآ دلع خلينا نروح
ام راشد :: وداعتكم الله
عبير وشذى :: يالله مع السلامه
وراحو الحفله بأكمل شياكتهم كانو لابسين الاثنين فساتين قصيره سودا مره ناعمه ونعول حمرا وإكسسوارات حمرا طبعا شكلهم كان قمة في الجمال ونسيت اقولكم ان عبير اتخن من شذى بشويه وطبعا شذى احلى من عبير لان ملامحها ملامح برائه وعبير ملامحها حاده(( خشم واقف ووفم صغير وعيونها ماشاءالله مابي اعطيها عين بس مو سودا لونها عسلي فاتح وسمرا شويه سمار على حمار )) طالعه تين بالفستان الاسود وشعرها اقصر من شذى ولونه اسود وخصل شقرا
اما شذى بسم الله عليها (( كأنها مو كويتيه ملامحها فيها برائه تذبح غصبن عليج اذا شفتيها تفتحين فمج خشمها صغير وفمها كأنه خاتم وعيونها لونها اسود وسيعه ماشاءالله عليها عيني عليها بارده وشعرها مثل ماتعرفون لاكتافها ولونه اسود سواد الليل مو مره ناعم ملفلف على نعوومه )) المهم ان أشكالهم ينان ماشاءالله عليهم احلى المتواجدين في الحفله
وبعد الحفله بيوم
إجتمعوو عائلة أبو راشد كلهم ابو راشد وولده راشد مع زوجته منى وبنته عايشه مع زوجها محمد وطبعا شذى وفارس في المقدمه))
راشد:: والله يايبه اني خجلان منكم بس تعرفوون والله ماافضى من الشغل والشركة مره ماخذه نص وقتي حتى عيلتي والله اني مافضى لها
ابو راشد:: والله اني عاذرك ياوليدي بس ترا مافيها شي زوجتك تيينا تطلطل علينا وتورينا الاولاد والله انهم يوحشوني
منى:: والله تبشر يا عمي بس اخاف انهم يزعجوونكم وانتم مو متعودين على الازعاج
ابو راشد:: افا عليج يابنيتي الحين عيال وليدي يزعجوني لاوالله اني استانس لاشفتهم يجروون ويلعبون ويضحكوون انا ابي العايله تكوون متماسكه مو كل واحد في جهه
عايشه :: لاحول مامليتو من هالكلام خلاص ان شاء الله منى تطلطل عليكم ولا قولي يبه ماتبيني انا اطلطل عليك ولا كفتك منى
منى :: ههه
ابو راشد::لاوالله يابيتني اني استانس لما اشوفكم
فارس يدخل للميلس:: لاحول انتم للحين بهالسالفه خلاص عاد يبه الغدا زاهب يالله الله يحيكم
طبعا شذى وام راشد وفارس كانوو يزهبوون الغدا عشان جذي ماحضروو الحوار اللي كان بينهم
ويرووحون يتغدوون والعايله مستانسه حيل
((الله لايفرقهم))
عايلة ابو محمد::
طبعا كالعاده عبير للحين نايمه وريان يحب يأذيها وهي نايمه ياها في الغرفه ويصحيها وطبعا هيا مره مو معطيته وجه تطنشه
رياان:: عبير حبيبتي يالله قومي لازم تعدلين نومج وشبلاج نسيتي انه باجر جامعه
عبير:: لامانسيت وانا مو بالابتدائي عشان انظم نومي انا اعرف
ريان:: ههه طيب لاتعصبين بس حسي فيني طفشان مره
عبير:: تجلس على السرير وتقوول :: روح لفارس غريبه مو معه الحين
ريان:: لامقدر فارس الحين عايلته متيمعه مع بعض وليش اروح ارز نفسي عندهم
عبير:: تصدق ريان انا تعيبني عايلة عمي مره احسها من جد متماسكه مو مثلنا
ريان:: ليش وش فينا حنا ولا بس عشان حنا مانجتمع كثير
عبير :: لاوالله بس احس كل واحد في يهه مو متماسكين مثلهم صح
ريان :: لا والله مو لهالدرجه فيه تماسك
عبير :طيب يلا اعطيناك ويه
ريان ::بتنامي ؟؟
عبير ::وهوا فيها نوم طيرت النوم انت وويهك
ريان :خ يلا بروح استناج في الصاله واتزهبي عشان نخرج
عبير ::والله ولا بس جذي عشان تقومني
ريان ::والله العظيم يلا استناج
راح ريان وقامت عبير تتزهب ماصدقت انها بتخرج
خرجت عبير متزهبه ومتكشخه اخر كشخه
ريان ::يلا خلصتي
عبير ::ايه يلا
ريان ::يلا
وراحوا يتمشوا وهم يتمشوا
ريان ::عبير
عبير ::امر
ريان ::مايامر عليك عدو بس اقولج انتي تحبي
عبير مستغربه وعلامة الحيره في وجهها وكانت تشرب عصير تركتوا وقالت::لا ليش السؤال .... وانت تحب
ريان :اكيد لا
عبير سكتت وشكت وقالت :: من جد ولا لا قول انا اختك
ريان ::اكيد لا اصلا مين احب من العائله
عبير ::فيه كثير منهم شذى وبنت خالتي نجود
ريان::لا بس نجود مو عايبتني
عبير:: يعني شذى بدت تدخل راسك
ريان سكت شوي وقال :: مالك خص فيني انا احب اللي احب
عبير سكتت وكمل تشرب العصير بس حست ان ريان بدا يحب شذى
بعد نص ساعه رجعوا البيت
ريان كان يبي يدخل داره ولا عبير تناديه
عبير ::ريان ... ريان
ريان ::نعم
عبير ::لاتزعل مني يااخوي بس انت تعرف اني فضوليه واحب اعرف اخوي يحب ولا لا والحب مو عيب
ريان حن عليها ::لا عادي أصلا أنا مازعلت
عبير ابتسمت لااخوها اللي تحبه ويحبها مو بس اخوها الا صديقها وراحت دارها وهي تضحك
عبير تكلم روحها
يالله لو يحب ريان شذى فله يعني شذى بتسكن عندنا الله ودي ذا اليوم ي هههاي
وفي بيت ابو احمد ...........
فيصل : والله يامشاري احبها ليه ماتحس ؟؟؟
مشاري حن على اخوه اللي يحبه ::ايه ماقلنا انك ماتحبها بس يمكن هي ماتحبك
فيصل ::لا لاتقول جذي ان شاء الله تحبني وانا شنو فيني
جمال والحمد الله وفلوس ومن العيله كمان وش تبي اكثر من جذي
مشاري ::ايه وانا اخوك والقلب ماهمه هذا كله مثل مايقلون الناس والقلب وما يهوى وممكن هي مو ماتحبك ماتعرفك من وين الى وين تزوروهم ها صح ولا لا
فيصل تحطم ::ممكن تكرهني ؟؟
مشاريي ::لا وانا اخوك ممكن ايه وممكن لا ماتكرهك انت اليوم زورهم وشف تعرفك ولا لا
فيصل دخلت الفكره براسه ::ايه والله خوش فكره يلا باي
مشاري ::وين ؟؟؟
فيصل ::بروح بيت عمي !!!
مشاري ::ههه والله انك تحب العيله ثواني بروح ابدل ملابسي ويي اروح معك
فيصل ::يلا لا تتأخر ..
مشاري ::يالله ماراح اتأخر
وراح مشاري وبدل ملابسه وراحوا بيت عمهم
فيصل يطق الباب
شذى تفتح الباب ::هلا فيصل حياك
فيصل فرح يوم انها عرفته <اتوقع عرفتوا مين يحب >
فيصل ::هلا كيفج شذى ؟؟؟
شذى ::الحمد الله كيفك انت اوه آسفه اخوي مشاري والله ماشفتك
مشاري ::لا عادي الحمد الله انتي كيفج
وفيصل في عالم ثاني يقول بنفسه يالله مره تغيرت صارت مره حلوه
مشاري ::وين عمتي ام راشد وراشد وفارس من زمان عنهم
شذى ::الحين انادي امي وفارس مع ربعه وراشد مع زوجته
فيصل ::نادي عمتي ام راشد وحشتني سواليفها
شذى ::الحين ثواني اروح اناديها خذوا راحتكم
راحت شذى تنادي امها
فيصل ::والله ماتديني وجه
مشاري ::مو لهادرجه انت مو معانا في عالم ثاني
فيصل ::احسها ماتحبني ؟؟؟؟؟
مشاري ::اما مسرع حكمت توها البنت مابينت على طول حكمت والله انك غريب
فيصل سكت .......
تدخل شذى وامها
ام راشد ::هلا والله باقاطعين
مشاري ::لا والله مو لهالدرجه بس تدري الاشغال وشركة ابوي
فيصل يسلم ::ايه والله ياعمه آسفين بس الظروف
شذى تطالع فيصل وتقول والله انه صار حلو بس مو مره مثل ريان ..... ههه ضحكه مكتومه وتكمل والله اني هبله اتكلم على الولد خ
فيصل يكلم شذى :: الاخت عندج نكته !!
شذى حست ان فيه احد يكلمها ::ها وش قلت
فيصل :ههه عندج نكته !!!
شذى ::حلوه عندي نكته لا ماعندي
فيصل ::لا بس شفتج تضحكي مع نفسج !!
شذى حست انها هبله في هالموقف ::لا بس تذكرت موقف صار
ولا يدخل فارس معه ريان كلهم قاموا
فارس يسلم على فيصل :: هلا والله وحشتني وينك يالقاطع
ريان ::ايه والله وينك وحشتنا ؟؟
فيصل يدافع عن نفسه ::لا بس كنت مشغول والحمد الله هاذا انا عندكم الحين وانتو كيفكم
فارس ::والله الحمد الله
ريان ::بخير ونعمه
وجلسو يتكلموا
فارس ::ريان
ريان ::نعم
فارس ::نسينا عبير
شذى ::وش اللي نسيت عبير
ريان ::لا بس كانت تبي تيي هني عندج بتسوي مفاجأه
شذى ::يلا روحوا يبوها تلقاها ياريان مقهوره منك انت وفارس
وفيصل مستغرب ان شذى تكلم ريان جذي
راح ريان وياب اخته واول مادخلت تسلم على شذى
ريان ::يلا شذى روحوا داركم انتي وعبور
فيصل مستغرب مره
شذى ::يلا عبور نروح دارنا
فارس ::وبعد زهبولنا الشاي
عبير ::اوكي ان شاء الله
مشاري :: هلا عبير كيفج؟؟
عبير توها انتبهت ان مشاري جالس ::ايه والله اسفه اخوي مشاري بس ماشفتك
فيصل وشذى ومشاري :ههه ههه
مشاري ::انا ليش الناس مايشوفوني والله اني واضح وضوح الشمس
شذى :هههاي ايه والله اول انا والحين عبور
عبير مو فاهمه شي ::انا مو فاهمه شي وش السالفه
مشاري ::لا بس اول ماشافتني شذى والحين انتي
عبير :ههه والله ماشفتك ..
فارس ::يلا حبيبتي شذى فارقينا وسوي الشاي انتي وعبور
ريان :ايه يلا بسرعه
راحوا البنات يسوا الشاي في المطبخ ......
عبير :: شذى انتي تحبي ريان
شذى تركت اللي بيدها ولفت مستغربه ::اكيد ايه لانه مثل اخوي <قالت هالكلمه وهي مو متأكده >
عبير زعلت ::لا باللهي كذابه !!!
شذى ::ايه وليش تسألي
ولا يدخل فارس ::ها خلصتوا الشباب بيروحوا واحنا ماقدمنا شي لهم
عبير ساكته منصدمه من اللي قالته لها شذى
شذى ::ايه خلصنا
فارس ::اوكي يلا وديه عند الشباب
شذى ::ليه انت ماتوديه
فارس ::طيب خلاص لا تعصبي رايح اوديه <ويسحب منها الشاي >
شذى ::انتبه انت وخشتك لا يطيح عليك
فارس ماشي ومطنش
عبير في عالم ثاني وش بتقول لأخوها
شذى :عبير ....عبور.....
عبير انتبهت::ها نعم خرعتيني
شذى ::ليش مانتي بمعي ؟؟
عبير ::نعم انا ابي اروح البيت !!
شذى ::ليه ؟؟؟
عبير ::بس بروح يعني بروح !!!
شذى ::اوكي لا تعصبي !!
راحوا عبير وشذى عند الشباب
عبير ::يلا ياريان نبي نروح البيت
ريان ::ليه والله اليلسه معهم تونس حيل
عبير ::امانه يلا عاد
وخرجت من البيت وتجري وراها شذى
فارس ::شنو فيها اختك ؟؟؟
ريان ::والله ماادري
وراح ريان ورا عبير وهم في السياره
عبير تفكر بالكلام
ريان::عبور ....عبير
عبير انتبهت ::ها
ريان ::ليه معصبه .....شذى قالت لج شي يزعل
عبير ::لا ....بس ....
ريان يقاطعها ::وشو الي بس ....تحجي
عبير ::ولا شي خلاص بس بروح البيت احس اني طفشت عندهم
ريان مو مقتنع من الكلام اللي قالته عبير <<والله اني اشك >> يكلم نفسه
وصلوا البيت ..........
عبير راحت غرفتها ,,,,,
ام محمد :: شنو فيها اختك احد مزعلها
ريان ::لا ولا شي بس الوقت تأخر وانتي تدرين بكره في يامعه
ام محمد اقتنعت ::الله يعديها على خير
الصباح يوم اليامعه
في بيت ابو محمد ...........
ام محمد ::يلا ياعبير الساعه 8 متى تروحي اليامعه
عبير ::يوه نسيت يلا بروح ابدل ملابسي
راحت عبير تبدل ملابسها
ريان ::يلا عبور تزهبتي شذى تنطرج برا
عبير ::روح سليها على بال مااتزهب <<<كأن البارح ماصار شي >>>
راح ريان لشذى
ريان::هلا والله باشذى
شذى ::هلا .......وين عبور تأخرنا
ريان : الحين تيي
شذى وريان ساكتين
يات عبير تندمت انهم يلسو ساكتين وماتكلموا
شذى :يلا تأخرنا <<وهي تشدها من يدها >>
عبير ::آآآآآآآآآآآآي دقيقه ..؟
شذى ::شنو تبين بعد....؟؟
ريان ::اعصابج شذى اصبري عالبنت ..؟
شذى خجلت مره
عبير ::واو شذى شكلج كول
شذى ::ههه وانتي كيوت شكلج
ريان ::يلا عاد روحوا زودتوها
راحوا البنات اليامعه وفي السياره
شذى ::عبير .....
عبير ::نعم
شذى ::ممكن سؤال ؟؟؟
عبير ::اسألي !!!
كانت حاطه اغنية راشد الماجد تنحط ع الجرح يبرى
سكرت الاغنيه<< شذى>>
شذى ::بس بسأل وشو اللي زعلج اليارح وخلاج تروحي بيتكم
عبير ::..............
شذى ::بليز
عبير ::ولا شي بس جذي رحت
شذى ::من جد.......... الله يخلج قولي لصديقتج..؟
عبير حست انه لازم تقول ::............
شذى :عشان قلت اني احب ريان مثل اخوي
عبير:: لا بس انا .........
شذى تقاطعها ::الا قولي الله يخليج
عبير ::بس حسيت امي طفشانه وانتي تعرفين امي ماعندها احد الا انا <<تصرف >>
شذى ماصدقت :ايه عدل .....يلا وصلنا
عبير ::يلا بسرعه متوله على خوياتي
شذى :: ياكرهي للمدرسات والعميدات الي بيامعاتنا
وصلو البنات لليامعه وراحوا للبنات
شذى :يانهى مشتاقه لسواليفج وخباللج مع الدكتور يمعه >> البنات ماتو من الضحك
نهى ::لا بالله نسيتي انك مدوخه عيال اليامعه ولا اذكرج؟؟؟؟؟؟؟
شذى: هههاي لامانسيت عارفه اني حلوه مايحتاي>>>>> اغترت بنفسها ومن حقها تغتر <<
نهى :: الكبر لله
عبير :: هي انتي بدأت المحاضره بسرعه تأخرنا
شذى ::يوه يلا
راحو البنات المحاضره
وبعد مانتهت بيردوا بيوتهم
شذى تتصل على عبير ::هلا عبور وينج يلا بنرد
عبير :: يلا انا شايفتج الحين اييج
شذى ::يلا باي لا تطو

شكل الروايه ماعجبتكم اوكي خلاص خيرها بغيرها أنا ماراح اكملها لأنها ماعجبتكم ولا شفت ردود