بنات احلامي كالسراب

وعد الربيع

13-01-2022 - 07:32 am

اقلكم ايش المشكله

هلا حبايبي السلام عليكم.....
بنات أبغى اموت. ....والله مني عارفه ايش اسوي......وقلت مالي الا الله ثم انتو.........

اقلكم ايش المشكله

المشكله انو انا من صغري وانا حاطه في راسي تخصص -هندسة ديكور- وقالولي من الاول ترى مافي عندكم في الغربيه مافي الا في الشرقيه....قلت طيب ودعست على حلمي وقلت يبنت خلاص شوفي شي تاني.. وطلع في راسي -علم النفس او الاجتماع- وبالاضافه الى انو مهو في في مكه يقولو -علم النفس تتأثري فيه بالنظريات حقتو- -وعلم الاجتماع صعب- قلت يبنت خلاص اصلا انتي تحبي علم النفس وممكن تتعلميه من الكتب المتوفره في كل مكان.... وبعدها قلت -ادارة اعمال- قالو علمي قلت قانون قالو نفس الشي-واظن مافي غير في الرياض- بعدها خلاص استسلمت......وامي شجعتني ع التربيه الخاصه الين ما دخلت مزاجي ورغبت فيها بشكل كبير حتى انها صارت الحلم اللي احلم به.....وهيه كانت اكبر دافع لاني ما اهمل في التيرم التاني-يعني من جد اتمركزة في ذهني- وهيه في الطائف....
آآآآآآآآآآآآآآآآآآآآآآآآآآآآآآآه يا أخواتي
امي رضيت اني اكون في السكن <<<<<<<<للاسف ما كانت تدري انو مافي سكن في جامعة الغفله.......
ودحين اقلها طيب انا راضيه اني اروح وارجع يوميا ..وهيه تقلي لاء خلاص شوفي اي قسم تاني..... والمشكله الاكبر....مافي ولا قسم جي على مزاجي ولا رغبتي......وحتى لو في للعلمي ....
يبنات مني عارفه ايش اسوي والله قاعده اكتب وامسح دموعي..........حرام كل يوم احلم بحلم وفي لحظه يتلاشى.........
يبنات قولولي ايش اسوي .....ولا ايش القسم اللي ممكن اتجه لو اذا امي رفضت تماما........
تسلمو حياتي......آآآآآسفه تقلت عليكم......وغثيتكم.....
ما انحرم منكم يارب
دامت سعادتكم
بنات بليز ردو عليه والله حاسه بشي يخنقني وحيقضي عليه .....

التعليقات (9)

حلوووووووومة

13-01-2022 - 09:50 am

اختي وعد الربيع
حبيت اخبرك ان قسم ادارة اعمال وقسم قانون ليس للعلمي فقط حتى لو كنتي ادبي تقدرين تدخلينه
اخت صديقتي داخله قانون واهي ادبي
اما بالنسبة للسكن انتي حاولي في امك انها ترضى

وعد الربيع

13-01-2022 - 10:51 am

تسلمي لي ياحياتي......... -والله لو اقلك راح هاجس ادارة الاعمال ...وسار التربيه الخاصه هو الهاجس......
الله يستر ويسهلها .......
ربي يسعدك
دمتي بود

حربية والهيبة ملكية

13-01-2022 - 11:52 am

.....الله يوفقك انشالله وتدخلين اللي تبين وانا والله مااعرف عن كليات المملكه الا اللي في الشرقية
وانشالله البنات يساعدونكم......

غمزه دلع

13-01-2022 - 12:53 pm

حبيبتي والله حاسه فيك لاني انا مثلك تقريبا صرت محطمه ما ادري ايش اسوي ضيعونا حطموا احلامنا سنين عمرنا تعبنا وسهرنا وهمنا راح في لجنه او لجنتين من الاختبار
حبيبتي انا علمي ونسبتي 91.71وما قدرت ادخل لقسم لي بنيت احلامي عليه ولا حتى الاقسام لي اقترحوها عليه كل ماجا في بالي قسم يصير شي فيه تعقيد رضيت اتغرب عن اهلي رضيت اجلس في السكن والظاهر في النهايه ادخل شي ما ابيه
لكن وصيتي لك ولنفسي نصلي استخاره وندعي ربنا ونشكي له همنا ونرضى بلي يقسمه لنا
حبيبتي الله يوفقك ودعواتك

بنت ملاك

13-01-2022 - 01:54 pm

اختي لاتياسي
كلية اقتصاد وادارة يقدرو يدخلوها الادبي والعلمي
والقانون هذا مسار في الكليه نفسها بعد ماتخلصي 25 ساعه دراسة تقدري تتخصصي قانون
وامك اقنعيها ان هذا مستقبلك وحلمك وهي اكيد بتوافق
الله يوفقك

وعد الربيع

13-01-2022 - 02:55 pm

حربية والهيبة ملكية
هلا يالغلا تسلمي يارب
كفايه دخولك حبوبتي
ما انحرم منك يارب
دامت سعادتك

وعد الربيع

13-01-2022 - 03:56 pm

غمزه دلع
لا حياتي.....تسلمي لي يالغلا...والله زعلت على نسبتك-ولي صاحبه زييك علمي... نسبتها انخسفت من 98 ل 90 انا كنت شويه واتجنن عاد كيف هيا....الله يعينكم.....آآآآآآآه يا أختي...........والله مني عارفه ايش اسوي -اليوم اختي مسويتلي حفل ،في نطاق الاهل،والله اني مالي نفس ولا لشي..رحت نمت وخليتهم...انا عارفه انو حرام وكسرة خاطر بس ايش اسوي ليش افرح بالحفل اللي نجاحه كان مبني على دخولي للقسم هذا....
اسفه حبوبتب تقلت عليكي- واللي فيكِ مكفيكِ-
ما أنحرم منك حبوبتي
دامت سعادتك

وعد الربيع

13-01-2022 - 04:57 pm

بنت ملاك
تسلمي ياقلبي.....والله انو اليأس بدء يتسلل لنفسي.....وبيقتلني في نفس الوقت....لانك ما تتصوري قد ايش اتعلقت بالقسم دا....والله ما سرت اشوف نفسي الا في التربيه الخاصه -مع اني كنت رافضه التدريس بتاتا-....والان كل ما اسمع اسم اي قسم احس انو موتي قرب.....لاني اتعلقت بالقسم هذاك..........
الله يسهلها لي ولكم ولكل مسلمه
تسلمي حياتي
لاعدمناك حبوبتي
دامت اسعد ايامك

&~الفجر البعيد~&

13-01-2022 - 05:58 pm

الله يوفقك يارب...
بس زي ماقالوا لبناات اداره اعمال مو علمي بس حتى ادبي..
وحبي اقولك.. انو هندسه الدكتور عندنا بجامعه المللك فيصل للعلمي..
وتواقع لازم نسبه عاليه...
اللي فهمته من كلامك انك ادبي..!
طيب ماشفتي الجامعات اللي بجده..!
اتوقع فيها تتخصصات حلووة..
شوفي انتي وش تبغي وش اللي تميلين له..
والله يوفقك ياارب..

جامعات وكليات المدينة المنوره سؤال إستفسار←
مواعيد القبول والتسجيل لعام 1428 1429 لجميع كليات القصيم→