بنات الكويت فكرة جديدة ومبدعة وبتشوفون الرشاقة التي حلمتم بها

قوة ...بنات ديرتي الحلوات الكتكوتات ....
أقول :
يبيله يبيله يبيله يبيله ..........
رشاقة ...جمال ....حلاة ......أناقة *
يا كويتيات و يا مقيمات بالكويت ( حياكم بعد يا مقيمات )
أنا قررت اليوم أحاجيكم كلام صريح ومفيد وجود يحس ضميركم ...
ملاحظة : الي عندها القدرة والأرادة وأكو عندها هدف اتكمل موضوعي للنهايه ، واللي ما عندها هالقدرة خلها تطلع ألحين ولا تعور قلبها ...
بنات / شنو شعورج اذا طلعتي المجمع أو السوق وانتي تكسرين الخاطر ب( بنجابي ) وتحته جينز والبنجابي واصل ليه تحت الركبة علشان يخش المتن والبلاوي ...وطبعا قاصة على روحج يعني جسم !!!
وتمر عليج وحدة غزال تمشي ( تطير ما تمشي ) بخفة الريشة يمج ...مو تموتين قهر وتقولين أنا اشناقصني؟
أو
تروحين جامعتج أو معهدج وتشوفين كل وحدة أحلى من الثانية والأجسام اتهبل ولو تلبس ( بو خمسة ) حلو عليها وانتي ما بقى أنوتا وفيفر والأرجوان والجناح الأخضر وجويس والسفيرة ( طبعا في محلات وايد ) بس هذولا عندهم مقاسات فوق 46 و 48 مقاساتنا ....
وانتوا ياربع ( ايفنز ) ما مليتوا ...من استايل المتن ؟؟ و موديلات الأمهات وجنج وحدة عمرها 44 سنه والله ...
واذا رحتي حفلة ملجة أو عرس أو استقبال وتشوفين بدلتج أم الماركة جنج لابسة من (خياط هندي ) وهذي أم الجسم لابسه بدلة ما تتعدى 25 دينار وصدقيني من (النقرة الشمالي ) من محلات السهرة من المحلات اللي فوق...
والني قاطة فوق 400 دينار بس جنج شارية خام بدينار ونص ومخيطته عند الخياط ب 7 دنانير ...جد والله ما أتغشمر يا بنات...
مو هذا شعوركم ؟؟؟؟؟
واذا حطيتي القنوات الفضائية وتشوفين نانسي عجرم ...هيفاء وهبي....أليسا ....
ما تموتين قهر وانتي تدريت انج أحلى منها وأجمل منها ...جمالج رباني مو عمليات تجميل مثلهم ....
بنات .....
والله نقدر انصك عليهم ونصير أحلى منهم و أرشق منهم ...واللبس يطلع علينا يهبل ....
والمتزوجة يجن عليها ريلها ...وما يطالع برره ؟ والمو متزوجة راح تتزوج أحلى وأحسن واحد ويهبل ....
بس خلونا نبدي بداية صحيحة . .....
ما نبي حجي وريجيمات فاشلة و احباط وتروحون تاكلون زيادة من القهر ....
في هذا القسم / عندي لكم فكرة جديدة مني انا ( القطوة ) واسمي قطوة لأن والله العظيم كان ينضرب فيني المثل في رشاقتي وأناقتي وجمالي مثل القطوة !!!
بس هذا راح بعد أن يأست وفتحت حلجي للحلو والوجبات السريعة والعيش والعزايم والاستقبالات .....
بنات الكويت //////
الفكرة هي :
1- كتبي مشكلتج مع السمنه وزيادة الوزن ؟ شنو معاناتج؟
2- متى بتقررين تنزلين وزنج؟التاريخ..
3- الهدف من تنزيل الوزن ؟ ( مناسبة - ريلج - صحتج - ودج تلبسين جينز- مشاكل هرمونات- علشان شكلج يصير أحلى .......الخ) ذكري سببج؟
4- اسم ريجيمج _ جهازج - الرياضة المستخدمة - اسم الممشى أي منطقة - او اسم النادي..
5- جم كيلو ودج تنزلين؟
6- اي استفسارات أو ملاحظات ....
7- نبي المشاركات بشكل يومي .....ونشجع بعض وما نبي نحاسة اللي تكتشف شي يضعف تعلم زميلاتها ...
واللي تعرف اسم دكتور تقول عنه ...
8- اذا خقيتي قولي علشان نشجعج ونرفع معنوياتج ...لا تسكتين وتستحين ترى بعدين بيزيد وزنج وانتي الخسرانة ....
أخيرا ...أتمنى منكن المشاركة معاي ...لأن اللي بتقدم وبتكون جادة والله بتضعف يا بنات صدقوني