بنات المدينة فرح اخوي بشهر 8

حساسه تحب الوناسة

30-03-2022 - 04:10 am

السلام عليكم كيفكم صبايا
بليز بنات ساعدوني محتارة احجز مين .. لانه زواج اخوي الوحيد ونفسي الليلة تكون غير
فأبغى اسوي تصويت على الدقاقات مين أفضل وليه و من ناحية الحماس والتشجيع ..

فتون باجنيد

طيف من جدة

و وحدة اسمها رحاب بس والله ما اعرفها ولا سمعت صوتها

انتظركم حبايبي

التعليقات (9)

الرموش

30-03-2022 - 06:35 am

ما عندي خبره
للرفع
الله يوفق اخوك ويجعلها زوجة العمر

ياقوته1980

30-03-2022 - 07:36 am

اب

وثائق

30-03-2022 - 08:37 am

فتون باجنيد روعه

طيف من جدة ماأع ر فها

و وحدة اسمها رحاب نصيحة مالك ومالها حرام فيها الفلوس

عيون المغرب

30-03-2022 - 09:38 am

الله يوفقك

اميرة بلا مدينة

30-03-2022 - 10:39 am

الف مبروك حبيبتي الله يتمم لاخوكي بخير يارب
رحاب قبل كم سنة جبناها روعة ماشاء الله مرة ذوق وصوتها مرة حلو
والشهر الماضي كان فرح خالي وكن نبغي نجيبها قالت ماجي الا الساعة 11 ونصف
قلنا لها لابدري نبغي الساعة 10 رفضت تجي علي هذا الوقت
وتركنها وجبنا وحدة اسمها سميرة احمد وربي روعة بالمرة صوتها مررة حلو والله اغلب المعازيم اخذوا كرتها
بس انها عيبها ماتشجع الناس بالمقرفون انهم يقموا
نصيحة مني يااقمر اتصلي علي الدقاقة اللي تبغي تحجزيها واساليها متي عندها فرح في اي يوم وروحي احضري لها نصف ساعة اسمعها وتقدري تحكمي عليها
الاراء تختلف من وحدة لاخري
اذا تبغي رقم سميرة ارسلي علي الخاص بالتوفيق

انتظر ميعاد لقياه

30-03-2022 - 11:40 am

فتون ورحاب
ماشالله اصواتهم كثير حلوه
بس فيه وعد ووربي عليها صوت وتشجيع وحماس
ماشالله تبارك الرحمن
وربي القاعه كانت تهز هز اوب طبيعي
انصحك فيه وفوق هذا كله اخلاق وربي

هنهـ hnhonhــونه

30-03-2022 - 12:42 pm

طيف روعه

عيون المها غير

30-03-2022 - 01:43 pm

صح وعد حلوه
بس ياغلاي فيه وحده حلو دقها
اسمها جميله جلاس ,,

التفاحة الحمراء

30-03-2022 - 02:44 pm

شووفي ياقلبي ...
فتوون حلو صوتها وخطيره بس عيبها مقالبها في الناس يعني دائما ومعروف عنها ترسل احد غيرها للفرح ..
وماتجي بدري ... يعني مزاج ..
اعرف ناس جابوها في فرحهم وتخيلي تعرفهم مره .. وماجات ولا قالتلهم رسلت وحده تاني .. والقهر انها في نفس اليوم كانت في فرح تاني ...
وبالنسبه لرحاب العليان ... جبناها في فرح لنا بصراحه خطيره وجاتنا بدري .. وصوتها واعانيها توب بصراحه .. بس عيبها ماتقوم من مكانها .. وحتى تعصب لو مافي تشجيع .. احنا جاتنا 10 ...
بس بصراحه التوب في كل الدقاقات هيا وعد ... بصراحه خطيره ...
اولا تقوم الليله حتى لو مين ماكان الفرح ..
تانيا تجي بدري ..
ثالثا طول الوقت تغني ماتسكت زي بعض الدقاقات وقفات طويله ...
يعني لو اخوك الوحيد اتوكلي على ربنا وجيبي وعد .. طرب بصراحه ..
ويارب اكون افدتك ..

احتياجات العروس←
لكل عروس تريد التميز→