بنات انا مسوية غرفة نومي تحفة

بنات انا مسوية غرفة نومي تحفة
وعسى تعجبكم هالفكرة وتساون مثلها
انا أولا غرفة نومي ممنوع دخول اي أحد فيها لانو كل شئ فيها ولا أحلى
ههه تكفون لاتقولون مغرورة لانو انا ماحب اساسا الغرور
بس احاول اساوي اي شئ يرضي حبيب القلب طبعا
المهم مابي أطول عليكم أولا * في الجدار قلوب تشتغل لما تطفين النور ياي وش حلاتها واللة
وعلى الجدار ملصقة قماش أحمر غامق ومكتوب فية بالاسود والذهبي كلمات غزل ودلال وحب
في كل جهة
وعلى الخدادية اللي تكون على السرير القماش اللي مخيطتة بايدي وكاتبة علية كلمات ولا أحلى لانو زوجي دايما اذا بينام يضم هالخدادية فجات لي هالفكرة
ههه بدل مايضمني ههه
فصرت أغار منها قلت يلا نسوي شي فيها عشان نقول انو حاب الفكرة وضمها ههه
وعلى التسريحة دببة ماسكين بالونات على شكل قلب أحمر
والفراش كلة أحمر يلا أحمر فأحمر
وأهم شي طبعا في الرومانسية الشموع طبعا وموزعتها في كل ركن في الغرفة
وعلى الطاولة اللي جنب السرير ناثرة عليها ورد مجفف شكلة حلو والريحة أحلى
والانوار حاطة الابجورة اللي نورها أحمر دافئ
وش رايكم يابنات بغرفة نومي عجبتكم بتساو مثلها