بنات انااوسوس او فيني جدسحر

dana-qalbee

13-06-2022 - 08:02 am

بسم الله الرحمن الرحيم..

قلت دام قران وادعيه هاتي...عطتني رقم الحرمه واتصل ..

بسم الله الرحمن الرحيم..

الحمدلله والصلاة والسلام على رسول الله سيدنا محمد وعلى اله وصحبه ومن تبعه باحسان الى يوم الدين... يافراشات ابحيلكم حكايتي بس ابي كل وحده منكم تشيريني بالشئ اللي تحسه من كلامي..
اناعمري الان 26 سنة ..وكنت بالجامعه قبل سنتين دايم انخطب بس كنت ارفض عشان الدراسه وتفكيري ماكنت احسه ناضج لماكنت بسنة اولى وثاني ..سبحان الله كنت مو متقبله اتزوج لانني كنت ادرس بمنطقه بعيده عن اهلي واسافر اسبوعيا غير اني كنت ادرس بقسم مو سهل ابد...
بس كل من جا بيتنا يشوفني يرجع يدق ويطلبوني لولدهم يعني ماشاء الله تبارك الرحمن مو ناقصني شئ يعني موفخر بس الحقيقه نسب وعايله ودين واخلاق وسمعه وخير وادب وجمال ماشاء الله تبارك الله ..بس كنت احيان استخير وماارتاح واحيان ارفض من غير تفكير...
المهم لي سنتين متخرجه وذي بدايه الثالثه ..بديت احس بالفرااغ والملل واني احتاج شخص يكون معي يملا وحدتي واوقاتي شخص احتويه ويحتويني ابي الحلال ابي حياة خاصه لي لوحدي مثل كل البنات...
خلال اخر سنه من هالسنتين جاو ناس شافوني ولدهم دكتور مابعديتخرج بس يابنات اني احلامن اخته الي جات مع الام ...سبحان الله طلعوا ومارجعوا دقواا وامي كانت تصلي وتدعيلي بالليل وبقيام الليل ان كان فيهم خير يجيبهم وان كان بهم شر يصرفهم..وفعلا صرقهم الله ..بعدهم جات حرمه تزورنا حسيتها فرحانه فيني وواضح من كلامها انهم على قدحالهم بس ولدها يشتغل ببنك وبمنطقه بعيده انا تضايقت من عرفت لان موضوع الحلال والحرام يهمني وشيووخ كثير حرموا شغل البنوك بسبب الربا..المهم ضليت استخير ومارجعت دقت الحرمه ...سبحان الله كانه هم وانزاح ..وبعدها ناس جاو شافوني بعرس بس ساكنين بالجنوب يابنات وانااكره المنطقه مااقدراعيش فيها ...
الناس حسيتهم مهتمين لي بس سبحان الله ضليت استخير استخير واحس بعدها باحساس كان احد يقولي روحي كلمي بنت خالة امك ورحت كلمتها واحكيلها الموضوع اثاري الرجال طلع عنده عيال بنتين..وهم ماقالو لنا ((((امانه عليكم موعيب الخداع))))...ضاق خلقي كثير اناعارفه انه مطلق بس ماعرف بسالفة العيال وتكدرت سبحان الله وامي رفضت وانا ماتقبلته ابد اشلون عيال وانا باول فرحتي ..انااتزوج او اربي عيال غيري ....والله مو قاصرني شئ وباقي بنت ابي اكون كل شئ بحياة الشخص اللي ياخذني ...
المشكله انهم مايحمسون منطقه بعيده وفوقعا معه عيال ...لا مااقدر ..صح ابي اتزوج بس ماابي اتزوج وانامومرتاحه او مقتنعه...
يابنات جاتني وحده من قريباتي من بعيد وقامت توسوسني تقول اشلون وحده مثلك ماتزوجت للحين....
قلتلها عن سالفة الاعايلتين اللي جاو ..قالت بعطيك رقم حرمه ترقي بالقران وادعيه وشوفي اشتقولك...

قلت دام قران وادعيه هاتي...عطتني رقم الحرمه واتصل ..

طامه طامه طامه يابنات اعوذ بالله ...اتصلت واول ماقلت شخبارك سالتني وش مشكلتك..قلت ماحس ان في مشكله بس ..ماكملت كلامي الا تقولي اني فيني ربط سحر هوائي ويطير ومايجي الا لمن يجي ناس تخطب..وانها تعالجني بس ب 5000 ريال وهي مومستفيده بس ذي قيمة الاعشاب والبخور والخرابيط ... انا انصدمت وش هالكلام انا انسانه اصلي واذكر الله ليل نهار وسورة البقرة يوميا يااقراها او اسمعها واحيانا اقراها مرتين باليوم..واحلامي حلوه دايم وحياتي مرتاحه...قلتلها وش هالكلام واقولها حديث الرسول عن سورة البقره وان البطله ماتقدر عليها قامت عصبت وقالت لا ذا الحديث حسن والناس فيهم حسد وعين وسحر بس يقرون سورة البقره عادي !!!!!!!!!!!!!!!!!!!!!!!!! ((ذا شئ غير صحيح ابدا )))
وتقول انها عندها موهبه عطاها الله وماتعالج الا بالقران والبخور والزيوت.. بس الشغل كله عليها طول الليل هي تشتغل .....انا بلمت مافهمت وسالتها قالت انا اقعد اطارد بالجن لاتقولين لاحد عشان مايكثرون ومااقدر اطاردهم ولازم امسكهم وماعاد يرجعونلك طول حياتهم ....اناقعدت اناقشها واسال كثير كيف ..؟؟؟قامت تقول لاتسالن كثير وانابعطيك بخور وزيوت اتعالج فيها..قلتلها ماعندي احديجيبهم ..((اشوف اشبتقوول))لانها من منطقه يعيده قالتلي..اناادبر لك بس شحن مستحيل لانهم بيفتشون ويحسبونها خمر!!!!!
استغربت قلت اشلون وانا طلبت من المنتدى وحده تبيع زيت شعر وشحنته لي ..ذي ليش خايفه ..واللي اعرفه يابنات ان الشيوخ مايعالجون بالبخور ...قامت تقولي اناماطلبت اسمك ولااسم امك ...اناموساحره انا اخاف الله ومن هالكلام..بس حسيتها كدابه ...والدليل قبل تسكر قالت النجوم والابراج تقول ان هالسنه سنه حلوه للزواج واي وحده تبي تتزوج عطيها رقمي بس تكون ثقه ماتعلم ..انابس ابي اسكر لانتي تضايقت ..
يابنات رحت صليت ودعيت الله ان الله يرزقني من عنده واني مابي هالحرمه ولاابي شئ منها ابي رضا الله عني وبس..
احسها دجاله وقاعده توهم الناس انها تعالج بالقران والسنه..يابنات مافي شخص يحددمدة العالاج وهي تقول اربعين يوم بس!!!!!
اعوذ بالله منها الكذابه..
عاد بعد هالسالفه جاني الخاطب الاخير وانارفضت عشان عنده عيال....
شفتي كيف الله فضح كذبها....تقولي لو تقعدين 20سنه ماتتزوجين ....اعوذبالله منها اللي ماتخاف الله هي وقريبتنا الغبيه .....
سبحان الله والله ماابدل رضا الله لابزوج ولابغيره ..الاخره والجنه اغلا من كل شئ ..
يابنات هي حست اني مو مقتنعه فيها قامت تدق على قريبتي وتقولها ان انا تفكيري غلط وانها تبيني انسارقمها وان كنت ابي اتعالج اروح للمشايخ .....كنها مستقله فيهم..
وانايابنات اسمع الرقيه بالابتوب وعادي ومااتاثر بالعكس احس بالراحه واحلامي حلوه ...اللهم لك الحمد عالنعمه..
اشرايكم باللي تقوله ......
ادعولي وبنات الحمله المتفائلات بازواج صالحين اتقياء مخمومين القلب غيرمتزوجين عاجلاغير اجل ..
سبحانك اللهم وبحمدك اشهد ان لا اله الا انت استغفرك واتوب اليك..

التعليقات (9)

يكفيني ذكراك

13-06-2022 - 10:57 am

قلتيها كذابه
ماعليك منها ولما يتأخر نصيبك مو معناته ان فيك شي
لا بسم الله عليك
لاتوهمين نفسك هذا رزق من ربي
وربي اذا احب عبد ابتلاه
اكثري من الاستغفار
والله الاستغفار له فوائد عجيبه
استغفرالله الذي لا اله الا هو واتوب اليه

روح جنوبية

13-06-2022 - 11:58 am

الحمدلله انك عرفتيها على حقيقتها والا وش اللي يخليها تخاف الا انها كذابه
لا تتوهمي مافيك ان شاء الله الا العافيه
وادعي ربك وخليك متفائلة دائما والله عند ظن عبده به
ولاتنسي الاستغفار
والله يرزقنا واياك بازواج صالحين هينين لينين مرفوعا ذكرهم في السماء والارض وارزقنا منهم ذرية طيبة عاجلا غيرآجل انك سميع الدعاء

dana-qalbee

13-06-2022 - 12:59 pm

روح جنوبيه
يكفيني ذكراك
الله يرزقكم من واسع فضله ...اللهم يسير امورهم وفرج كربتهم وارزقنا واياهم ازواج صالحين طيبين يخافون الله في انفسهم اغنياء حنونين يعينوننا عالاخره ...
مدري كيف الدنيا فيها ناس تبيع الاخره بالرخيص اعوذ بالله اللهم اجعل كيد السحره والمشعوذين في نحورهم ورد كيدهم واحفظنا بحفظك يااكرم الاكرمين ياحي ياقيوم

فجر العمر

13-06-2022 - 02:00 pm

الحمدلله عرفتي أنها كذابة
ياأختي موشرط تأخر الزواج يكون سحر كل شي نصيب ونصيك لسى ماجا
لكن مايمنع أنك ترقي نفسك وتحصني نفسك
الله يرزقك ويرزقني وجميع بنات المسلمين بالأزواج الصالحين

dana-qalbee

13-06-2022 - 03:01 pm

وينكم وين ردودكم يابنات

شووووقه القصيم

13-06-2022 - 04:02 pm

هلا حبيبتي لاتخافين مافيك الا العافيه وربي الا الحين ماكتب رزقك
والحمدلله انك كذبتي هالحرمه وبإذن الله راح ربي يرزقك الزوج الصالح اللي يسعدك ويهنيك
وعسى حياتك كلها افراح بافراح
واللهم ارزقني وبنات المنتدى ياحي ياقيوم بازواج صالحين طيبين القلوب وتزقنا بالذريه الصالحه
ياعزيز ياجبار اللهم آآآآآآآآآآآآآآآآآآآآآآآآآآمين
تحياتي لك...شووقه

شووووقه القصيم

13-06-2022 - 05:03 pm

هلا اختي قولي آآآآآآآآآآآمين ربي يرزقك الزوج الصالح
اللي تمنتيه ويخلف ظن هالحرمه ولاتخافين ياقلبي مافيك الا العافيه باذن الله
ودامك حريصه على اذكارك وقراءه سوره البقره توكلي على ربك وباذن الله ماراح تشوفين الا اللي يسعدك
يارب طلبتك ياحي ياقيوم ان يرزقك ويرزقني ويرزق بنات المنتدى الازواج الصالحين الطيبين مخمومين القلب
ويرزقنا منهم الذريه الصالحه قولي امين ..... ربي يسعدك
تحياتي لك ..شوقه

coco nana

13-06-2022 - 06:04 pm

ماشاء الله عليك لاقوة إلا بالله
أختي الغالية الإيمان اللي في قلبك منعك من موافقة كلام الدجالة هاذي
اللهم ارزق هذه الأخت العزيزة صاحبة الموضوع الزوج الصالح التقي النقي اللي يسعدها ويهنيها وتعينون بعض على طاعة الله واجتناب معصيته وإيانا والمسلمين اجمعين

dana-qalbee

13-06-2022 - 07:05 pm

ياربي ياحبيبي توفق اللي ردوا علي وترفع قدرهم دنيا واخرة...
وتفرح قلوبهم باللي يتمنونه .
مثل ماخففوا همي ...... .

اي سن افضل لي←
العديد يعاني من سحر تعطيل الزواج إقرأ وتعلم فك السحر→