بنات تعبت وضاقت بي دنيا بكبرها

1. الاولى شي اخاف منه الوحده مع اني بديت اتاقلم كثير على وحده

كيف حالكم ان شاء الله بخير حبيباتي
انا كتبت من فتره ورجعت اكتب لكم لاني محتاجه اسمع موافقكم وهل جربتو مثلي ونفس احساسي وعشتو لحظات صعبه وظروف اصعب انكم تكتمون مشاعركم واحزانكم وجروحكم وتبتسمون ابتسامه مزيفه
بقولك قصتي وش منه اعاني
انا عندي 4 خوات وانا الاخامسه المهم الكبار تزوجو من زمان وبعدهم بكم فتره تزوجت الصغيره وبقيت انا واختي اللي اكبر مني بس مو فرق وايد سنتين بس
طبعا يوم طلعت الصغيره تاثرت بس شي بسيط وقتها كنت انا واختي مو كبار كان الجرح اهون بس الحين طاف بنا العمر وصرنا على قولهم عوانس
بس اختي صغيره تمت تدور حق اللي اكبر مني عرسان مدري هو تكفير عن ذنب او شو المهم مو بس اختي الصغيره الا اغلب اللي يعرفون الكبيره كل فتره يجيبو لها عرسان طبعا ماشاء الله عرسانها كثير بس ما فيهم احد توفقت معه
اما انا لو جو من بعيد ييحون ولا يبقلى لهم اثر يعني بلعربي مافي من الاساس شي حقيقي
المهم يابنات انا مشكلتي تعودت على اختي كثير هي يعتبرونها الكل في الكل بلبيت ومع ذالك انا مو زعلانه
بلعكس تعجبني تفكيرها وتخطيطاتها وافقها دايم راي في اي شي
وساعات ما احب اطلع بدونها وهي عادي تحب تروح مع اختي صغيره المتزوجه كل مكان سوا
ومع ذالك ما ازعل بلعكس عندي الامر عادي يكفي احساسي اني افرح واستانس لوجودها معاي وانه مهما قضت الوقت مع مين ومين ترجع تسولف معاي
بس هل مره بتروح وتخليني لان ماشاءلله اختي هل مره توفقت في العريس اللي جابته لها
يابنات انا وربي مو زعلانه ولا حاقده حتى دعيت لو لها نصيب معه ربي يوفقها
بس انا اخاف من اشياء في بالي وبقولها لكم وابي تقولون انا صح او كل تفكيري غلط

الاولى شي اخاف منه الوحده مع اني بديت اتاقلم كثير على وحده

ثاني شي كلام ناس اكيد دام اني الاخيره معناه اني شينه حتى لو اني اشوف نفسي مقبوله بس الا ما ماراح احصل كلام شفقه والمواساه وانه ربي راح يعوضني ويلا انتي الاخيره وفرحتك بتكون احسن ومن هل كلام اللي مايقدم ولا ياخر بنات حتى اقولك من بنات عماتي ما بقو الا 2 ومن خالتي ماشاء الله كلهم مخلفات وبعد يدرسون عيالهم وحتى صديقاتي كلهم مخلفات ومدرسين عيالهم
وثالث شي يحز في نفسي والمهم جمعت خواتي والكلام طبعا عن الفرح وتجهيزات وترتيبات هذا بعد له اثر بداخلي يحسسني بنقص مع ذالك احاول انه ما ابين انه فيني شي اضحك معهم واخطط معهم وادعي لها واسمع لها وهي تحكي واخذ واعطي معها في الحكي ولا ابد احسسها اني من داخلي حزين اني راح افقدها وما اعرف كيف بتكون حياتي من بعدها لاني مثل ماا قلت معتمدين عليها بكل شي واني بكون لحالي اواجهه قرايبي اللي ما احبهم وما احب نغزاتهم في الحكي
وانا دايم كنت ادعي واتمنى من ربي انكون مع بعض وفرحنا يتم مع بعض بس الله ماكتب لي اكون معها
لان ما احد عمره سعى لي وفكر فيني مثل ما كانو يفكرون فيها بس الله كريم
بنات تكفى اللي عندها كلام يغثني ماني ناقصه لاني انا احاول اخرج نفسي وما اتعمق في هل الموضوع لاني مؤمنه ان كل واحد ماياخذ غير نصيبه ان طال العمر او قصر مالنا غير المكتوب
انا اهم نقطه مابي احس اني اتاثر من سوالفهم عن العرس ومابعد العرس يعني زوجي وزوجك وسوي لا تسوي وقولي ولا تقولي ترى مهما كان حنا بشر ونحس
ياالله بنات ابي ردود فعلا تكون هادفه واستفيد منها واطبقها حتى لو كان صعب علي المهم تنشلني من تفكير :042
وبقولكم عن شغله اعرف انه غلط بس قلت ليش ما اجرب وشوف حظي كوني ماني بنت العشرين واعرف الله وانا دخلت وسجلت بيكون هدفي الاول والخير وربي يشهد علي انه مو تسليه وبحث عن الحب والكلام الفاضي الهدف الزواج وعبر المواقع المضمونه تنصحوني فيه ولاشو رايكم
فديت قلبكم ادعو لي الله يوفقني ويصبرني ويرزقني الزوج صالح عاجلا غير اجلا