بنات تكفون انصحوني هل هذا الرجيم صحيح هام

أغليك يالغآلي

14-10-2022 - 11:49 pm

وضحك من اخواني ..قلت لازم اقرر ..وبالفعل قررت ..

السلام عليكم ورحمه الله وبركاته ..
انا تعبت ومليت ..كل يوم اقول بسوي رجيم وما اسوي ..
عاد انا سمينه مره ..وزني 76 وطولي 154 ونفسي يكون وزني 60 ..المهم بعد ما جتني تهزيئه من ابوي ..

وضحك من اخواني ..قلت لازم اقرر ..وبالفعل قررت ..

قررت اني علشان انزل وزني ونفسيتي تكون مرتاحه ..راح احط الرجيم اللي يعجبني ..وارجوا انكم تشوفونه وتقولون لي رايكم ..هل هو صحي وهل يرجع الوزن بسرعه وهل هو مناسب لي لان عمري 16 ..وارجوا انكم ما تسفطوني زي ما سفطوني اهلي ..الله يهديهم ..وابغى تشجيع بليز ..
الفطور : نص قطعه خبز بر مع جبن ((بوك)) اذا تعرفونه لان هذا اللي
متوفر هذي الفتره ومستحيل اقول لابوي يشتري غيره علشان رجيم
((الله يهديك يا يبه ))بس الحمد الله انا ما احب الجبن كثير علشان كذا اخذ نص ملعقه صغيره جبن
((بوك))..مع نص كوب حليب قليل الدسم ..
(( وبما اني ادرس ايش تنصحوني اكل بوقت الفسحه ..هل اشتري فطيره وعصير ..ولا حليب شكولاته ..ولا سنيكرس ..))...(( بليز ردوا على هذي النقطه لانها مهمه عندي ))
الغدا : ملعقتين اكل من الرز ونص دجاجه بدون الجلد مع السلطه ..مع حبه فاكهه..
عشاء : خبز مع جبن ..او بيضه مسلوقه مع حليب قليل الدسم ..
(( هل من الممكن اكل مكرونه بالباشميل في فتره الرجيم ))
يارب ياكريم مايجى عيد الأضحى الأ وأنا نازله 8 او 4 كيلو..
يارب ياكريم >>> تكفوون ادعولى يابنات وردوا على موضوعي ضروري ..
مع السلامه ..

التعليقات (8)

نور القلوب2005

15-10-2022 - 02:54 am

اختي ذا رجيمج غلط انج ما تاكلين شي باقولج رجيمي انا استخدمت هذا الرجيم تاكلين الفطور بيضتين مع نص برتقاله كل يوم والغذاء يختلف يعني اشياء ما فيها دهون وابتعدي عن العيش كليا لانه هو الي يسبب السمنه ولكثري من شرب الما وتناول السلطه وانا استخدم اعشاب والحمدلله وايد استفدت منه فير الفصحه تحملي تاكلين اسنيكرس والله شوكلاته وربي ينقص لاوزنج وزني لاني احين قاعده اسوي رجيم حق العيد ابي يصير جسمي حلو حق ثياب العيد ههه

رغد الشرقية

15-10-2022 - 03:55 am

طيب اختي انتي بتظلين شهر كامل بس هاذا اكلك مافي تنويع ؟؟
على العموم القسم مليان حميات شوفي الحميه اللي تناسبك وتناسب الاكل الموجود عندك
وبعدين جبن بوك ماينفع وعلى مااعتقد اهو من ظمن المقاطعه
وانصحك برياضه مع الرجيم
على الاقل مشي نص ساعه في اليوم

الأماكن

15-10-2022 - 04:56 am

وعليكم السلام..,,
نسبه تريكت اهلك كل وحده والله دبه بين اهلها مسكينه والله تروح فيها
بس انتي ماشاء الله عليك قررتي تعملي رجيم ..وهذا شي حلوو..انتي اعتبريهم يتحدونكم وشدي حيلك في الرجيم..,,
وانا عامله نظام رجيم ينزل .. 3 الي 4 كيلو على حسب حرق جسمك ..,,
وانتي حاطه بس ذا الاكل وهذا راح تملي منه ..,,
وراح اشوف وزني الجمعه واقلك كم نزلت على هذا الرجيم
وهذا هو..,,
السبت00
الفطور
كوب ماء دافئي على الريق
بعد ساعة بيضة مسلوقة—قطعة توست
2 كوب ماء دافئي قبل الاكل
الغداء
طبق شوربة خضار - 2 قطعة لحم مشوية
قطعة توست
بعد الغداء بساعة 1 حبة فاكهة
كوب عصير برتقال
العشاء
كوب لبن زبادي زبادي منزوع الوجه.
&&&&&&&&&&&&&&
الأحد000الفطور
2 كوب ماء دافئي
بعد ساعة كوب شاي بالحليب
بيضة مسلوقة
الغداء
كوب ماء دافئي
طبق شوربة دجاج
طبق سلطة خضراء
قطعة توست
بعد الغداء بساعة كوب عصير برتقال
العشاء
كوب لبن خالي الدسم
1 حبة فاكهة
&&&&&&&&&&&&&&&&&
الاثنين000الفطور
2 كوب ماء دافئي
بعد ساعة قطعة جبن قريش
فطعة توست
3 كوب ماء دافئي
الغداء
طبق خضار باللحم المفروم
قطعة توست
3 ملاعق أرز
بعد الغداء بثلاث ساعات كوب ماء دافئي
العشاء
بيضة مسلوقة أو 3 ملاعق فول بالليمون و
البهارات
قطعة توست
&&&&&&&&&&&&&&&&&&&&&&
الثلاثاء 000الفطور
3 كوب ماء دافئي
بعد ساعة 3 ملاعق فول بالليمون والبهارات
الغداء
2 كوب ماء دافئي
بعد ساعة شوربة سمك
طبق سلطة خضراء
3 سمكات مشوية
3 ملاعق أرز
كوب ماء دافئي
العشاء
كوب لبن زبادي
2 حبة فاكهة
&&&&&&&&&&&&&&&&&&
الأربعاء 000الفطور
3 كوب ماء دافئي
قطعة جبن أبيض خالي الدسم
قطعة توست
كوب شاي بالحليب بدون سكر
3 كوب ماء دافئي
الغداء
طبق شوربة لحم منزوع الدهن
3 قطع لحم مشوية
2 كوب ماء دافئي
العشاء
بيضة مسلوقة
قطعة توست أو كوب لبن منزوع الدسم
&&&&&&&&&&&&&&&&&&
الخميس 000الفطور
4 كوب ماء دافئي
كوب عصير فواكه أو كوب شاي بالحليب
3 ملاعق فول بالليمون والبهارات
قطعة توست
الغداء
4 اكواب ماء دافئي
طبق سلطة خضراء
4 قطع كبد مشوية
قطعة توست
العشاء
كوب عصير فواكه
جبن خالي من الدسم
قطعة توست
&&&&&&&&&&&&&&&&&&&
الجمعة 000الفطور
3 اكواب ماء دافئي
قطعة جبن رومي
3 اكواب ماء دافئي
الغداء
3 سمكات مشوية
3 ملاعق أرز أو مكرونة
طبق سلطة خضراء
ربع رغيف خبز
3 اكواب ماء دافئي
العشاء
1 حبة برتقال متوسطة
كوب زبادي منزوع الدسم
&&&&&&&&&&&&&&&&&&&&
السبت 000الفطور
4 اكواب ماء دافئي
بعد ساعة
3 ملاعق فول بالليمون والبهارات
ربع رغيف خبز
الغداء
4 اكواب ماء دافئي
طبق شوربة لحم بدون دهن
3 قطع لحم مشوية
طبق سلطة خضراء
العشاء
قطعة توست
3 كوب ماء دافئي
***
نسبه الفسحه ........ اشربي عصير...وفطيرة سبانخ إذا تحبيه عشان هو ما يسمن سبانخ ..وعادي اذا بدك فطيرة جبن ولا زعتر.. شكولاته ابعدي عنه.....,,
***
نسبه بشاميل وغيره من الاكل اللي يسمن...خلى لك في الاسبوع يوم مفتوح مثل كل خميس اكلي اي شئ خاطرك فيه بس مو تدقينها دق بالهون ..,,
***
وامشي مدة ساعه او اعملي رياضه على حسب اللي تقدري عليه..,,
***
ورجيم اللي حطيته لك.. لما تعمليه اعمليه في انتظام بدون تخربي اي يوم منه ..,,
**
وان شاء الله لي رجعه الجمعه على موضوعك واقلك كم نزلت عليه
***
وسلامتك

أغليك يالغآلي

15-10-2022 - 05:57 am

مشكورين كلكم خاصه اختي الاماكن ...
وشكلي بسوي زي رجيمك ..والله يوفقنا ان شاء الله ..ويارب تنقص اوزاننا على خير ..
بالنسبه لاهلي اليوم ما اكلت وياهم على الغدا حطيتي لي مقدار بسيط من ارز مع ربع دجاجه وشويه خضروات ..
كلهم استغربوا ..
بعد ما خلصوا سالني ابوي قال وين كنتي بالعاده انتي اول وحده تاكلين الغدا ...
قلتله لا انا اسوي رجيم ..فتح عيونه وقال معقوله ..
بعدين قال الله يوفقك ان شاء الله وتضعفين على خير انا استانست من هالكلمه ..
حتى انا راح عند اخوي الدب وقعد يهاوشه ويقوله ((شف اختك سوت رجيم وانت جالس ما تسوي شي ..استفد منها انت فاهم )) المهم اني فرحت اليوم كثير ..
اخيرا في احد يفتح النفس ..
الاماكن انتظرك يوم الجمعه ..
سي يو ..

الأماكن

15-10-2022 - 06:58 am

اهلين حبيبتي باربي ..الحمدالله انو ابوك شجعك..وان شاء الله تنحفي وتصيري قمرٍ..,,
ونسبه لرجيم والله يالغلا مانفع معاي ..,,
نزلت كيلو بس .. الاسبوع اللي فات كان 97 ..اليوم وزنت طلع 96 ..,,
وبصراحه تحطمت مره وانا كان عندي امل انزل عليه 3 كيلو..,,
والله من قهري رحت اكلت ..بس يالله نفسيتي تعدلت الحمدالله وراح ارجع من السبت بكره بإذن الله..,,
وراح اعمل نظامي الاول ..,,
وراح اساعدك *_^ ..,,

الأماكن

15-10-2022 - 07:59 am

وعلى فكره باربي يمكن هذا نظام يفيدك انتي ..,,
عشانك تو مبتديه ..اما انا لي خمس شهور وانا اعمل رجيم..,,
اذا انتي عاجبك اعمليه مو عاجبك قولي لي وراح اقلك اكلي اللي بسويه من بكره .,,
وفيه رجيم حطته اخت ليالي وانقصت عليه 11 كيلو بشهر .. .,,,
بحطه لك شوفيه اذا يعجبك ..,,
لي رجعه بس اجيبه

الأماكن

15-10-2022 - 09:00 am

هذا نقلته لك من كلام ليالي بضبط ..,,
***
الأفطار :
1/بيضه مسلوقه او شريحة جبنه قليلة الدسم او ثلاث ملاعق فول بدون زيت
2/قطعة واحده توست محمصه او ربع رغيف خبز او نص قطعة صامولا او حبة شابوره
3/كاس عصير فرش او كاس حليب قليل الدسم
4/حبه برتقال او جريف روت او تفاحه او نص موزه او حبتين تمر او 3 حبات عنب او شريحة شمام اوبطيخ او حبتين مشمش او ثلاث حبات كرز
ملاحظه :ممكن اضافة الخيار والطماطم والشطه او الفلفل
مع الجبن او البيض
الغداء :
1/ربع دجاجه مسلوقه او مشويه منزوع الجلد او 6قطع لحم اوصال مشوي بدون شحم او سمك على حجم كف اليد مشويه او 4قطع جمبري مشويه
2/صحن سلطه بدون اضافة الزيت او المايونيز او الزيتون
3/طبق خضار مسلوقه
4/كاس لبن قليل الدسم او كاس عصير برتقال او تفاح او جريف روت فرش
ملاحظه : ممكن عمل الشوربا تحمير البصل بدون زيت واضافة الطماطم والبهارات واللحم 6 قطع لحم بدون شحم واضافة الخضار وتصبح وجبة لذيذه مجرد فكره
العشاء :
1/قطعتين فطائر لحم بدون زيت مشويه في الفرن مع كاس عصير برتقال او تفاح او جريف روت
2/طبق كورن فلكس مع كاس حليب قليل الدسم مع حبه فاكها او كاس عصير
3/علبة زبادي قليلة الدسم مع ربع رغيف خبز او حبة توسو او نصف صامولي مع كاس عصير
قائمة المسموح
ممكن شرب الشاي والقهوه في أي وقت وبأي كميه ممكن اضافة سكر الكاندري
ممكن استخدام انواع المشهيات مثل الليمون والملح والخل واضافتها على الوجبات التي تريدها
عند الشعور بجوع ممكن تأكل جزر او خيار اوحتى كاس عصير طازج او علبة زبادي قليل الدسم
قائمة الممنوع
لا يسمح بتناول المايونيز او الكتشب او المواد المعلبه التي تحتوي على دهون
لا يسمح بأكل الشبس او الفشار او حتى المكسرات
من تجارب ليالي 6 :اذا كنتي قد استدعيتي في عزومه مطعم على وجبة غداء او عشاء
ممكن تطلبي صحن اوصال مشويه بدون قطع شحم مع طبق سلطة وكاس عصير برتقال
اذا طفشتي من عصير البرتقال او الجريف و حابه تعملي عصير فرش مختلف في المنزل ممكن تاخذين قطع الشمام او الفروله او كيوي او سفرجل او كمثره
مع سكر كاندري بودره وقليل من الماء وتضعيهم في كاس الخلاط ويصبح عندك عصير فرش قليل السعرات الحراريه
فيه بعضهم يجهل كيف يشوي السمك او الجمبري
اخذي صينيه فرن صغيره قطعي بصل شرايح مع طماطم وكسبره او بقدونس شويت بهار وملح قليل من الماء وحطي السمكه عليهم ممكن تحشين السمك داخل ببصل والطماطم وتلفينها بورق قصدير وتدخلينها الفرن مدة نص ساعه كذالك عمل الجمبري بنفس الطريقه والدجاج واللحم بيطلع الطعم لذيذ
لا تنسي ان تأخذي معكي حبوب سكر كاندري اذا كنتي في زياره للأهل والاقارب وحابه تشربين معاهم شاي
طبعآلا ننسى الرياضه مهمه ساعه وحده في اليوم واذا كنتي اول مره تعملي رياضه ابتدي بمشي لمدة اسبوعين عشان عضلاتك تتأقلم مع الوضع الجديد بعدها اللي حابه تشترك في نادي بس نصيحه اول اسبوع رياضه نص ساعه فقط مع المدربه وبدون رياضه عنيفه وخصوص للاوزان الثقيله لا تبتدين برياضه ابتدي بلمشي
اتمنى اتمنى اللي تجهل عمل الرياضه في البيت لا تتفلسف يمكن يجيك تمزق في العضلات
الرياضه تعمل بعقل
****
وهذا رجيم شكله حلو..وراح اعمله ..,,
وانتي قولي عجبك نعمله مع بعض ونشوف نتيجه انتظر ردك..,,

أغليك يالغآلي

15-10-2022 - 10:01 am

السلام عليكم ..
الاماكن ..يا قلبي الله يعينك ...بس ها شدي حيلك ..
وانا خلاص راح اداوم على الرجيم ..بس والله انقهر لما اشوف زميلاتي ياكلون سنيكرس ..وانا احبه موت ..
على العموم احس ان رجيم اخت ليالي حلو ويمكن اسويه ...لا لا مو ممكن الا اكيد ..
بس قهر انا الحين فتره الدوره الشهريه ..والمفروض ما اجوع ..
ان شاء الله اول ما اخلص راح ابدا فيه ..
الاماكن ..يارب تضعفين على خير ويصير جسمك حلو ان شاء الله ...
لا تبدين الين ما ابدا ((نذله ما تبغاك تضعفين )) لا والله بس يعني علشان نكون مع بعض ..
عاد انتي كيفك والله يوفقك ان شاء الله ..
سي يو ..

الماء يتحكم في زيادة ونقص الوزن←
حبيباتي في دوا خطير والله مو زي الا دوية التانية→