بنات تكملة ورود في مزبلة الواقع

*& ..الفص الاول ل ..*&
" *& .. الج الاول زء .. &*&
.. بدايه مبدائيه ..
أخذ " الزمن "
يسير بالحديقه الغناء ...
بكل تبختر وغرور ..
ينظر الى..
تناسق اللوان الزهور ...
وروعة "الورود "
...
نظر اليها .. بتمعن ..كيف تكبر لتنشر عبيرها المنعشق ..
وتميل اغصانها الفتانه برشاقه واغراء ..
ليقطعها بقسوه ..
وهو يرسم تلك الابتسامه اللعوب على شفتيه ..
والاقدار من حوله تضحك ..
قطف اولى الورود ..
واخذ ينتف اوراقها بهدوء وسلاسه ..
لتذبل بين يديه وتذوب كشمعه في الظلام ..
رماها بلامبالاه ..
في اقرب شي امامه ..
"مزبله الواقع "
بوحشة الصحراء الواسعه .. وبالخلاء ..
الرمل يتحرك بكل مكان ..وكانه اموج بالبحر ..
والريح بارده قويه من جفاف الهواء ...
اشجارالصحراء عاريه بعد مانفضت كل اورقها اليابسه ..
ظلام شديد ماعدا نور القمر ..
والقمر بدر بالسماء ..
اللون الاسود الكحلي مالي الجو ..
ومع نور القمر الفضي يعطي اشعه تنور الارض بخجل ..
والحشرات الزاحفه تتحرك بكل مكان .. بخفه ..
كانت طفله .. مرميه ..
تصرخ بالبكي تستنجد بحد يبعد لفة المهاد عن وجهها بتختنق ..
بوسط البر .. والناس منقطعه من حولها ..
ترفع ايدها الصغيره.. وتبكي ..
وين القلب هذا اللي يرمي طفله ام ال12 يوم.. كانت قبل كم يوم جنين صغير ..
يرموها بالصحراء ..
من ساعات وهي تبكي وتناضل وترفع ايدها تستنجد ...
تصرخ ودموعها مغطيه وجهها .. وش حيلتها وهي بهالضعف ..
وش بيدها وهي ماتعرف وش العالم من حولها ..
مرميه بالبرد والهواء ..
مرميه بقسوه وتجرد من الانسانيه ..
جثى على ركبته بجنبها
وهو يشد على فروته من قوة الهواء .. : شباب ..تعالوا هنا الصوت .. بسرعه لايفوتكم ..
قرب منه واحد من ربعه وبايده السلاح : بسم الله ايش هذا عبدالرزاق ليكون جنيه ..
عبدالرزاق لمسها بايده يتاكد : صالح الله يهداك وش هالحكي .. لا انسيه .. مسكينه ضايعه ..
دخل صالح السلاح بحزام خصره : اتركها لاتدخل فيك ..
قرب خويهم الثالث حمد وهو يوجه النور اللي بيده على الطفله : ايش هذا الصغير ..الملفوف ..
عبدالرزاق رفعها وحضنها بايده : مادري ..
طل من وراء ظهر حمد خوي عمه يناظر بالطفله
اللي تطلع صوت يقطع القلب ..
وقال ببراءه طفل ماتجواز العشر سنوات ..
: عمواا من هذا ..؟
عبدالرزاق بجديه مع حنان : مساكين اهله شكلهم نسيوه .. ناخذه لشرطه القريبه اكيد يدورا عليه..
رفع الغطاء عن وجهها علشان تتنفس ..
شهق وقال بانبهار : مشاء الله تبارك الله .. مشاء الله تبارك الله
قربوا صالح وحمد يناظروا شكل الطفل بعد ماسمعوا شهقته .. وقرب بندر معهم عند عمه والفضول يقتله ..
صالح فتح فمه لثواني
دخله الرمل وسكره : حلوه هذي الصغيره ..
ببراءه الاطفال .. مسك وجهها يتاكد من حقيقتها ..: عمواا والله من جد هذي ..
حمد ابتسم له بحنان وهو يناظر بعيونها الواسعه ورموشها الكثيفه .. تبكي بصوت مبحوح بصوت تعب من البكي .. : ياحليلها خايفه .. ..
اما هو ..
تحسس عيونها باستغراب الاطفال يتاكد هم حقيقين والا لا ..
ماقد شاف عيون مثل هذا الوسع والرموش ..
تنور مع الضوء اللي موجهه حمد عليها ..
متعود على عيون صغيره او متوسطه .. متناسقه مع الوجه .. اما هذي الصغيره عيونها الواسعه وفمها المفتوح بكبره تصرخ .. وملاء وجهها ..: عموا كانها قطوه ..
عبدالرزاق : ههه لاتفقع عيونها هذي امانه ..
بعد ايديه بسرعه عن وجهها وتذكر حكي الاستاذ بالمدرسه عن الامانه كيف يحافظوا عليها ..
صالح : يله بو الرزق ناخذ ها لقمر لاقرب شرطه حرام بتموت من البكي ..
مشيوا كلهم لسياره القديمه " الددسن " الممتليه غبار ..
مشى .. وراء عمه واخوياه مستغرب ليه هذي الصغيره بالبر..؟؟
ومن تكون ..؟؟
وليه عمه اخذها لشرطه ..؟؟
مخه الصغير مايستوعب هالاشياء ..؟
ركبوا لسياره ..
طوال الطريق والصغيره تبكي .. بايد عبدالرزاق ..
حمد : عبدالرزاق افتح مهدها يمكن متضايقه منه..
عبدالرزاق تنهد وهو يحس انه أ نصم
" جاء له صمم باذنه " من كثر الصراخ : لا شكلها جوعانه ..
مدت ايدها الصغيره وهي تصرخ بالبكي لجهه اصغر من بالسياره ..
وناظرته بنظرات غير ثابته .. وهي تمد يدها اكثر له ..
حمد قال وهو يناظرهم من مرايه السياره : بو الرزق اعطيها .. لولد اخوك شكلها تبغاه ههه.. تدور احد صغير ..
عبدالرزاق ناظر بولد اخوه : ها تبيها ..؟؟
ناظر بعمه ببلاهه ..
وش يسوي بزر صغير ..ببزره اصغر منه ..
: وش اسوي فيها ..؟؟!!
عبدالرزاق : ههه خذها وسكتها ..
صالح : مسكين انت الرجال ماقدرت عليها تبي هالبزر عشر سنين يعرف لها ..
عبدالرزاق حط ايده على شعر ولد اخوه : لاتستهان فيه .. تراه رجال .. ... خذ وانا عمك يمكن تسكت وتريحنا ..
جلس باتزان
واسند ظهره لورء ..
ومد يدينه على فخذه ينتظر عمه يحطها ..
عبالرزاق حط الصغيره بايدينه وهو يبتسم له : امسكها عدل لاتتحرك السياره وتطيح من ايدك ..
ابتسم لعمه بعد ماصارت بين ايدينه : هذي امانه ..
حمد ضغط على اذنه متافف : والله راسي بيتفجر دوروا لها صرفه .. هذي ..
كان بكيها وصراخها مالي السياره .. تبكي وفمها مفتوح لاخره .. وبلاعيمها واضحه ..
ناظر فيها وكسرت خاطره ..يتخيلها اخته الصغيره تبكي ..
حاول يحرك ايده قدام وجهها يلهيها وتسكت مارضيت .. لانها مابعد تميز النظر ..
فكر بطفوليه ايش ممكن يسكت الصغار .. غير الحليب ..
دخل اصبعه الابهام بفمها .. يمكن تسكت .. (( يارب تسكت وترتاح .. يارب شكلها تعبت من البكي ..
يارب تحس ان اصبعي حليب ..
يارب ريحها تعبت ))
ثواني والهدواء ملى السياره .. التفتوا صالح وحمد وعبدالرزاق لجهتة مصدومين ..
ابتسم ببراءه وهو ياشر بيده الثانيه .. : حطيت اصبعي وصارت تمصه وسكتت ..
ناظروا ببعض مصدومين وبعدها انفجروا بالضحك .. : ههه
كيف مافكروا بالاصبع كحل مواقت وهم ثلاث متخرجين من الثانويه ويدروس باحدث الجامعات ..
ضحك معهم ببراءه وهو مايدري ليه يضحكوا .. ؟؟!
ابتسم وهو يدقق بملامحها الهاديه .. وعيونها اللي بدت تنعس وهي تمص اصبعه بلهفه ..
يحس بالدم تجمع باصبعه ..
والمته سحباتها القويه .. كانها ترضع ..
بس سكت ..
لازم يتحمل هذي الصغيره ماتقدر تصبر كذا ..
ومايبغى يضحك عمه وربعه عليه .. هو يقدر يتحمل ..
لانه صار رجال
.
.
.
اخذوا منهم الشرطه البنت .. وشكروهم .. لكن طلبوا منهم ينتظروا شوي لاجراءت مهمه ..
كان جالس بجنب عمه وهذي اول مره يدخل مركز الشرطه ..
قال وعيونه معلقه على الغرفه اللي بداخلها الصغيره : هاللحين عمي هم بياخذوها والا بيعطونا اياها ..
عبدالرزا ق : ههه حلاوه هي يعطونا اياها اكيد بياخذوها ..ويرجعوا لاهلها ..
عقد حواجبه القصيره والخفيفه : اهلها .. وين اهلها لما كانت بالبر ..
رفع كتوفه وقال بصدق : والله مادري ..
طلع شرطي بلبسه الاخضر وبيده الصغيره تبكي..
قفز بجسمه الصغير وثوبه المتغير لونه للبني من البر والتراب ..
ركض بسرعه لعند الشرطي : عمي الشرطي وين بتاخذها ..؟
الشرطي بلامبالاه : للمستشفى .. - ولما قراء التساول بعيونه الصغيره قال يوضح قبل لايمشي - لانها تعبانه ..
هز راسه بتفهم : اها ..
رجع لعند كرسيه ماحصل عمه .. التفت يدوره بسرعه ..
حمد مسك ايده يبتسم : تعال معي عمك داخل عند الضابط ..
دخلوا لغرفه متوسطه بداخلها مكتب صغير واحد .. ناظر الجدار اللي وراء مكتب الضابط ببراءه
مسك كم ثوب حمد خوي عمه وقال بهمس : عمي حمد ... غريبه ليه صوره للملك فهد ومن يمينه الامير عبدالله والامير سلطان يساره .. والعلم بالجنب .. حنا بمكتب مدرير المرسه والا بالشرطه ..
حمد ناظره بنظره ..بعدين ..
عبدالرزاق ترك الورقه المصفطه على الطاوله وهو يهز راسه : لا حول ولاقوه الا بالله معقوله تاركين صغيره بالبر ..
الضابط تنهد : ايوه تحصل كثير ..- رفع كميه من الفلوس المربوطه ببلاستيك ضعيف – وتاركين هذا المبلغ ..
حمد عيونه طلعت لكثرة الالاف والخمس ميات: كم هذا ..؟؟
الضابط : ثلاثين الف .. بصراحه ياشباب مشكورين وماقصرتوا .. لو الله ثم انتم كان ماتت ...
عبدالرزا ق : لا حنا ماعملنا الا الواجب .. والله يسامح اهلها ..
حمد بتفكير : واضح انهم مقتدرين والا ماتركوا هذا المبلغ معها ..
هزوا راسهم تايد لحكي حمد ..
عبدالرزاق : الا ياطويل العمر سوال قبل لانمشي .. وش مصير الطفله ..؟
الضابط تنهد : حنا بنرسلها لدار الرعايه مع اغراضها هناك انسب مكان لها .. – رفع الورقه – وهذي الورقه وضحت كل شي ..
ترك مركز الشرطه ومشى بجنب عمه وعلى وجهه علامه استفهام كبيره .. بداخله تساولات كثيره ..
كان ساكت من صدمه التفكير اللي يحاول يستوعبه ..
يعني ايش .. دار رعايه اجتماعيه ..؟
وليه هذي الفلوس ...؟
وايش هذي الورقه ...؟ وش مكتوب فيها ..؟
وين ام البنت وابوها ماشافهم ... ومتى بياخذوها ..؟؟
ملايين الاسئله مايعرف اجابتها ومايقدر يسالها لانه مراح يحصل جواب ..
استمر الزمن بهيجانه ..
كالبحر الثائر بيوم عاصف ..
لم يكتفي باولى ورود الحديقه المزهره ..
ليقتلع ... الورده ..الثانيه ..
فيدوسها بقدميه الى ان تذبل ..
و تذبل...
فيضحك بسخريه ...
ويرميها ... بمزبله الواقع
لتواجه ماتواجه بعد ذبلانها ....
.
.
.
صرخة ... وراها صرخه ..
الآآآآآآآآآآآم الطلق ... والولاده ..
العرق ماليها من وجهها لاخر قدمها ..
مفرجه رجليها ..
ايدها ماسكه بالحديد تضغط عليه بكل قوتها .. لحد مابيضت اصابعها ..
مغمضه عيونها وتضغط عليها ...
فمها مفتوح يصرخ بالم .. الم الولاده ..
اخيرا بتتخلص من العار اللي ببطنها تسعة شهور ..
بتتخلص من سبب طرد ابوها لامها من البيت ..
وضرب اخوها الهمجي لها ولخالها..
بتتخلص من طفل ..
طفل الرجال اللي غدر بابوها..
وطعنه بظهره لما ضحك عليها ..
خالها اقرب شخص لها ..
ضيعها وحملها سفاح ببطنها ..
خالها اخو امها الامريكي ..
بعد ماعمل عملته ..
سافر لبلاده واخذ معه امها الامريكيه بكل برود لمكان محد يعرفه ..
مالها ذنب ..الا
انها ببلاهه مراهقه .. انجرفت مع خالها ..
فكرت ان كل خال علاقته لازم تكون مع بنت اخته كذا ..
وامها كانت عارفه وتضحك ..
ابوها هو اللي بيده الذنب ..
تزوج امها الامريكيه بعيد عن دينه وعادته ..
دخل اخوها لبيته وحضنه مع اولاده ..
لحد ماطعن فيه وضيع بنته ..
صدقت خالها ومشيت وراه .. مشيت ببلاهه وبراءه ..
......
واو ..
واو ..
صوت بكي .. طفولي .. ملئ الغرفه ..
ارتخت قبضه ايدها ..على الحديد ..
استرخى جسمها وصارت انفاسها تلهث ودقات قلبها سريعه ..
رفعت الممرضه الطفله وهي تبتسم بالم .. ومدتها لامها ..
ناظرت باللي حملتها تسع شهور وتعبت فيها ..
الدم مغطيها لكن وضح لون شعرها الاشقر وعيونها البحريه ..تشبه ابوها وخال امها ..
خلط بالانساب والذنب ابوها ..
نزلت دموعها وضمت بنتها لصدرها بالم .. لحد ماتحول بكيها لشهقات ..
غطت الممرضه شعرها وحجبتها وسحبت منها الصغيره بالعافيه ..
دخلوا اثنين من الشرطه واحد ملتزم لحيته ماليه وجهه السمح ..
: لاحول ولاقوه الابالله ..
اخذوا الصغيره مع الممرضه .. : انتي عارفه ان بنتك بتروح للمكان اللي يحتويها وانتي بعد لك مكان عندنا .. علشان تعرفي ان الله حق ..
كيف تحكي ...؟؟
كيف تثبت براءتها ..؟؟
كيف ...؟؟
مافيها تصرخ ...؟ مافيها تدافع ...؟
والادله مفقوده والحقيقه المره غايبه ..
ابعدوا بنتها .. بنت السفاح عنها مع الايتام ..
وامها وابوها عايشين ..
مدت ايد مرتجفه واهنه لطاوله قريبه منها واخذت منها شي ..
ناظرت بالملتزم وقالت بين شهقاتها: احلفك بالله ياشيخ يوصل لها ..
الشيخ ابتسم لها يطمنها .. وقلبه يوجعه على بنات ماتربووا من اهلهم مثل المطلوب .. ضحيه اهمال اهلهم .. : يوصل يابنتي ...
.......
.....
&@^%$#&%*$#)#(@!#)
راقت له .. لعبته ..
يقطف فيرمي ..
فقطف الثالثه ..
وعصرها بين يديه ليخرج رائحتها العطره ..
فتبقى رائحتها بيديه لفتره قصيره ..
وهي تذبل من شده عصره ..
تذبل لثوااني معدوده وتتبع اخواتها ..
بمصيرهم المجهول "مزبله الواقع "
..
باطهر بقاع الارض ..
بانظف مكان ... بعيد عن الدناسه والقذاره ..
باقدس هواء وجو ..
..بمكه المكرمه ..
اللون الابيض والاسود بس ..
حجاج وحاجات ..
كانت مثل المجنونه تصرخ .. تستغيث .. .
ماتدري عن غطاءها اللي طاح من وجهها وهي احرص انسانه عليه ..
لكن المصيبه جردتها ..
: بنتي ..يمه بنتي ..
تركتها هنا .. والله كانت هنا ..
يمه وينك .. تعالي وانا امك ..
- شهقت ببكيها وهي تصرخ – يمه وينك ..
وين بنتي كانت بيدي وينها ... وينها ..
هي رضيعه .. صغيره ..
ماتسمع الا صدى صوتها .. الناس تناظرها مفجوعه من الام الثكله اللي فقدت بنتها ..
محد قدر يرد عليها او يصبرها .. بس ركضوا يدورون الصغيره ..
.
.
.
كان يدف الحجيج مثل المجنون ..
يدور على الصغيره بلفتها البيضاء ..
كانت بين ايده وايد امها .. بس حطوها لثواني ... اختفت ..
مامداهم يلفوا للجهه الثانيه الا وهي ضايعه ..او بالاصح مخطوفه..
يحكي وهو يلهث .. كلماته متقطعه وتطلع بصعوبه : ه..ي .... بال........ف..ه – يضم يدينه لبعض ولصدره .. يشرح لهم علشان يستوعب - .. بن ... تي .. صغ... يره ...بك....ري .. ف...رح.. تي ..
.
.
.
بنفس البقعه المطهره ناس تجردوا من الانسانيه ..
قلوب من حجر قاسي ..
كانت مدخلتها تحت عبايتها المبهدله وتركض فيها بسرعه ..
تركض وتلتفتت .. يمين وشمال ..
تتمنى تقطع لسان الصغيره وهي تبكي ..
ايدها السوده دخلت لتحت العبايه وصفعت وجه الصغيره بعمر الشهر ..: انكتمي ياكلبه ..
علت صرخت الصغيره .. و زاد بكيها ..
انخطفت ..
وهي ماتدري عن الدنيا او ايش يحصل لها ..
"]&@^%$#&%*$#)#(@!#)
لم ييائس او
يضجر .. ف ا مسك بالرابعه ..
وتركها بين يدينه ..
لفتره طويله بدون ان يحركها ..
لتذبل ..
وتذبل ..
وتذبل ..
لتفقد التنفس ..
والماء والتربه ..
فيتحول لونها لزرقه ..
وتفقد رونقها الملفت ..
وعبيرها الفتان ..
لتموت بين يديه .. ذابله ..
فيرميها..
من دون رحمه .. بمزبله الواقع
مزبلته المعتاده..
الله اكبر
الله اكبر
اشهد ان لااله الا الله ..
اشهد ان لااله الا الله ..
اشهد ان محمد رسول الله ..
اشهد ان محمد رسول الله ..
حي على الصلاه ..
حي على الصلاه ..
حي على الفلاح
حي على الفلاح ..
الله اكبر
الله أكبر ..
لااله الا الله ..
بين الاذان والاقامه ..
رافع ثوبه ..
ولاطم فمه بالشماغ ..
ومشمر كمه ..
وعيونه تتنقل لكل مكان قبل لاحد من المصلين يقبل ..
باس جبينها مره وثنتين وثلاثه ..
باس الشامه الصغيره اللي مزينه رقبتها ..
وعيونه مغرقه ..
حطها بعنايه عند الباب .. وناظرها لاخر مره ..
تركها ومشى بسرعه .. علشان مايرجع ياخذها ..
طفش من البنات ..ومايتحمل حمل زياده ..
تسعه بنات وهي العاشره ..
تسعه مو قادر يجيب لقمتهم .. لابيت ولا اكل ..ولالبس ..
يمكن حد يقدر على مصاريفها ياخذها ..
نسى ان كل مولود ينولد ومعه رزقه ..
الماس
]&@^%$#&%*$#)#(@!#)
مل من لعبته ..
فامسك بال الاخيره ..
ليضعها على حافه الطريق ..
فتواجه مصيرها بين سهو الناس وسرعتهم ..
هذا هو الزمن ..
وهنا الواقع ..
.
.
.
بكل تجرد من الانسانيه ..لفها بكيس ثقيل ..
وفتح باب السياره باستعجال ..
تلفتت حوله يمين يسار وعيونه على الارض ..
يدور ظالته ..
خشب..
حديد ..
أي شي يدور عليه ..
ماحصل ..
حطها بداخل السياره وهي مكتومه ..
تصرخ بالبكي ومو قادره تتنفس ..
دخل لقدام وسكر الباب بقوه ..
داس على البانزين وهو يصرخ : اسكتي .. جعلك الموت انتي والبلاء اللي جائبتك ..
الله يحرمك الجنه انتي معها ..جعلك معها تحترقوا ..انا اربيها هذي اللي بالبيت ..
ضيعها الدلال الزايد بس والله مايخلصني الا دمك ودمها ..
هذيك اللي ينقال انها اختي ..
تفوء عليها وعلي انا من رباها ..
جعلها عماء دايم .. وسرطان م
وسلسله من الدعوات اللي مالها ذنب فيها الصغيره ..
كانت ترد عليه ببكي متقطع وانفاس ضيقه ..
الكيس كاتمتها ..
تحول لونها من احمر الى قريب من الازرق بدون تنفس ..
وحنجره تهتز بدون صوت ..
ارتاح وضنها ماتت ..
وقف السياره عند حديقه ظلماء .. باخر الليل ..
نزل وفتح شنطه السياره اخذ العجراء ..
فتح الباب اللي وراء وهو معرق وانفاسه تلهث .. ماتصور انه بيكون يوم من الايام وحش ..
العار ثار دمه وجرده من العقل ..
الشرف الضايع .. قتل كل ذره مخ يفكر فيه ..
امسك الصغيره بايد وحده بيساره ..
ورماها على الارض بقوه وكانها قطعه نفايه مهمله ..
رفع العجره اللي بيده وضربها بقوه ..
ماسمع الا صوت عظام تتكسر ...
غمض عيونه بقوه وفتح ياقه ثوبه وهو بيختنق ..
دخل سيارته بدون أي شعور .. وسكر الباب بهدوء ..
حرك السياره مثل المخدر ..
قتل ..
هو قتل طفله مالها ذنب ..
هي بنت اخته لكن من حرام ..
مافيها حسوفه الموت لها ولامها ..
قبل ماتغلط أي بنت او تستهين باي مكالمه ومقابله تحسب حساب هذي اللحضه ..
.
.
.
بنفس الوقت ..
وقفت السياره الخضراء .. ترفع القذارات عن الارض وتنظف المكان ..
رفع البنقالي الكيس وسمع صوت صراخ صغير مكتوم ..
فتحه مفزوع .. وهاله اللي يشوفه ..
طفل او طفله صغيره ..مثل الجثه لكن بنفس بسيط ..
ورجلها كانها منفصله عن الجسم بعيد عنه ..
واضح انها مضروبه فيها ..
برحمة رب العباد ..
ثم برحمة قلب بنقالي ..
بعيد عنها وعن دينها رفعها واخذها لاقرب مركز شرطه ..
"]&@^%$#&%*$#)#(@!#)
...ان هذه مجرد البدايه ..
بدايه ..
لمأساة حقيقيه ..
ولدت منها الضحكه والبسمه ..
لاناس مهملين ... لاذنب لهم ..
سوا اصولهم الضائعه ..

مشكوره ياختي والله يعافيك على النقل
روايه عن واقع مهمش لدينا

جونان البداية رهيبه بس راح تكون حزينه اكيد ياعمري الأيتام << تأثرت ...
ننتظرك ترانيم الريم وننتظر متكحله بدم خاينها ...
ننتظر
ننتظر
ننتظر
ننتظر
ننتظر
ننتظر
ننتظر
ننتظر

نتظرك

واخيرا نزلت روايتها الثالثه
وشكله اسلوبها هدي المره غير عن المرات الثانيه واكيد حيكون احلى
ثانكس ترانيم الريم

بصراحة روعة بالمرة .. أنا قريت
عشاق من أحفاد الشيطان وكان الأسلوب رائع
والطرح ممتاز أتمنى لك التوفيق .. وليس غريباً
على الكاتبة ان تكون بداية هذه القصة بهذه
القوة..
ننتظر البارت الجاي على أحر من الجمر .. بس الله
يعافيك لا تطولين علينا...

البدايه روعه
وفديت متحكله ...وفديت صابعها اللي كتبت نا هالروايه ....
ننتظر باقي الاجزاء ع احر من الجمر ...

2-
.. احلام برياءه ..
ان تكون من غير طعام لايام .. ..
ان تكون من غير شراب لايام .. ..
ليس بالامر الصعب ..
ولكن ان تكون من غير ام .. او أب ... تلك الصعوبه والمصيبه ..
الحياه لا طعم لها ..
بدون أب وام ..
ذلك يعني من دون ماوى او سند ..
يعني ان يلتقطك الشارع ويفتح ذراعيه ليربيك ..
تتعلم ان تحمي نفسك بنفسك .. تتعلم ان تعيش من يدك انت ..
لا يهم مسحت حذاء من ...؟؟
او قبلت يد من ...؟؟
او عشت بكنف من ..؟؟
او انرميت باحضان من ...؟
اللذي يهم ان تجلب المال ..لاجل العيش ..
فضياع الظهر والسند والعزوه لاي فتاه ..
يعني موتها ..
اليتيم
هو منبع للحزن والمعاناة..
وقد يكون مصدراً للشقاء..
أو ينبوعاً للسعاده..
....
كل انسان مخير ..
ومع قوه الظروف يخير ان يكون مستقيم بالطريق الصحيح .. او ان ينحرف بالطريق الخاطى ..
ابطالنا الحياه سيرتهم ولم تخيرهم ..
واختارت كل واحده منهن الطريق الانسب من اجل ان تعيش ..
وتوفر الماوى والحضن الدافي بعيدا عن الملجاء ودار الايتام ..
-1-
برعايه صاحب السمو الملكي الامير :........
تم بحمد الله وتوفيقه .. تزويج 24 شاب وفتاه ... من دور الرعايه الاجتماعيه بمنطقه الرياض ..
وذلك بزواج جماعي تحت رعايه سموه ...الليله ..
رعى الله كفوفا بيضاء مسحت على راس اليتم ...وليعز الله حكومتنا الرشيده ..
زواج كبير ..
كراسي كثيره ..
24 عروسه ومعرس ..
الفساتين البيضاء وحده .. نفس الموديل والقماش ..
نفس التفاصيل البسيطه ...
الطرحه وغيرها ..
لكن الاختلاف الوحيد الاحجام ..
الورد الابيض العادي متفرق باماكن متناقسه بكل مكان ..
مدرج مزين..
جالسات فيه العروسات ..
.. بدون اب او ام ..
بدون ظهر او سند ..
ينزفوا بوحده ..
عاشوا وحيدات وبيضلوا وحيدات ..
.
.
على درابزين الدرج الثقيل .. بدار الرعايه الواسعه ..
عيونهم الصغيره .. متعلقه بالفساتين البيضاء .. بريق الاعجاب فيها ..
.. وكفوفهم الضائيله ضامه بعض ..
وفمهم مفتوح بانبهار ..
قبالهم فساتين عرايس بيضاء كثيره ..مثل سندريلا ..
فساتين منفوخه .. وطرحات مزينه شعورهم ..
تنهدوا سوا والابتسامه البرياءه بشفايفهم ..
: حلوات ..
التفتت لصوت الضعيف اللي بجنبها .. ورمشت اربع مرات بعيونها ..
غريبه شي يعجب اختها الروحيه بالدار .. وسالتها باستغراب ..: فجر عاجبك ..؟!
فجر ضمت كفوفها الناعمه لبعض وقربتهم لعند ذقنها .. وهي ماتعدت العشر سنوات : .. نفسي البس فستان مثلها .. وارقص واغني .. – التفتت عليها وهي تضحك – وانتي شجن ماتبغي ..؟!
شجن زاد اتساع ابتسامتها : انا اتمنى البس مثلهم اعزم كل ابلاتي .. وصديقاتنا الا المغروره غاده ماطيقها ..
فجر مسكت ايد شجن.. وتحولت ملامحها لجديه : ماعليك منها اعطيها بوكس على وجهها .. داريه انها تتحرش فيك وتقولك ان ماعندنا اب ولا ام ..يجيبوا لنا شيبس مثلها ..
شجن حطت ايدها على فمها وضحكت بخجل : ههه الابله ماتركتها ربتها ههه..
فجر : ههه تستاهل ..
شجن بوزت وهي تناظر بمراء سمينه تنتقل بين الحضور : حزنت عليها تذكرت ضرب ماما مريم لنا ..
فجر عقدت حواجبها الخفيفه من طاري مريم مربيتهم والمسئوله عنهم .. ماتعرف الرحمه ولا الانسانيه ..: تعالي نروح ننام قبل ماتصيدنا
شجن: والبنات ..؟!
فجر تجرها : بيلحقونا ماعليك انتي تعالي ..
شجن ناظرت بالبنات بطرف عيونها ...وهي تمشي وراء فجر ..
فجر
شجن
طفلتين صغار .. ماتعدوا العشر سنوات ..
الثنتين من بنات هالدار الكبير ..
اليوم يحضروا زواج جماعي وكلهم مصيرهم كذا ..
كلهم احلامهم محصوره بان مصيرهم كذا يتزوجوا من شباب مثل وضعهم ..
كانوا برياءت .. همهم كراستهم والقلم ..
دخلوا للغرفه اللي تشمل الخمس بنات ..
اثاثها بني قديم ..
على ابواب دولابها أستكرات بسيطه .. ميكي ماوس وميني ..
ضمت فجر عروستها باربي النحيفه .. لعند صدرها وجلست على السرير ..
شجن على طول توجهت للحمام ..: هاللحين بجيب الزيت ..
فجر وهي تمسح على شعر العروسه القصير: بسرعه مسكينه .. باربي ماطول شعرها لهاللحين ..
شجن طلعت وبيدها علبة الزيت الكبيره على ايدها : قلتلك لاتقصيه يمكن مايطول قلتي لازم تقصي شعر باربي ..
فجر بحزن :غريبه مايطول شعرها انا وانتي نستخدمه طول وهي لا .. يارب ماتكون مريضه ..
شجن حطت زيت على شعر باربي ..: يارب يارب يطول شعرها يارب حنا ماكنا نقصد نقصره لها كذا ..
فجر : ايش رايك نصلي وندعي الله يطول شعرها ..
اول عروسه يمسكوها بيدهم ..
اول لعبه تضمها ايدهم ..
قصوا شعرها وينتظروه يطول ..
لاتستهينوا بمشاعرهم ..
"باربي " عند الطفله الصغيره ..
كل حياتها ..
تكون اختها وبنتها وصديقتها ..
نحرموا منها طول عمرهم وماحصلوها الا هاللحين ..
يضلوا يفكروا برجوعهم للبيت وهم بالفصل غلشان يلعبوا بالعروسه..
يضلوا متلهفين للحضه اللي يلعبوا فيها ..
ولما حصلوها خسروها بقصتهم شعرها ..
في حد ذاق طعم الحرمان ..
طعم نظرات الانكسار لكل الاطفال اللي حولك ..
وانت اقل منهم ..
انت محروم وهم عندهم ..
هم يملكوا الشي بكل سهوله ..
وانت حلم ماتقدر تحلم فيه ..
حتى لو تلفوا العروسه .. يقدروا يبكوا ويتدلعوا وتجي غيرها ..
بس اذا كنت بين 65 طفل بمكان واحد ..
وين الايد اللي تمسك ..
والصدر اللي يضم ..
هم يصلوا باجسامهم الصغيره ويرفعوا ايدهم ..
علشان يطول شعر عروسه اصطناعيه ..
.
.
.
حرمان البراءه مستمر .. بالدار الكبيره ..
عضت شفايفها بتفكير ..
وعيونها تنتقل بجوع .. ولهفه ..
لعاب فمها بداء يسيل ..
وهي تنقل نظراتها .. للكورن فلكس بالعسل ..
دعاياته كثيره .. وياما اغراءها تاكله وتذوقه ..
وتتمنى تمسك كرتونته وعليها الضفد الاخضر اللي حبته كثير ..
كانت بين صراع نفسي وهي تناظر بحبات كورني فلكس اللذيذه المغطيه بالعسل ..
ومختلط مع العسل الحلو .. ذرات التراب ..
لانه كان مرمي بين الجزم " الله يكرمكم " ..
طاح من ايد الاطفال المدللين ..اللي جائوا يحضروا الزواج ..
بلعت ريقها لاكثر من مره ..
نفسها تاكله .. نفسها فيه بس محرومه منه ..
ماتقدر تاخذه لانه بين الغذارت ..
التفتت حولها بخوف ..
وش يعني بين الجزم تنفضه وتاكله ويروح الوصخ ..
لكن عقلها الصغير.. العشر سنوات مايستوعب ..
مايفهم .. وهو محروم ..
نزلت بسرعه ترفع الحبات وتدخلهم بفمها بدون ماتنفض الغبار او التراب عنهم ..
كان رغبتها تحركها .. اكلتهم بسرعه .. وهي تذوق التراب ..مع العسل ..
له طعم مر ..
مرارته اشد من مرارة العلقم ..
عند الباب ..
مسحت دموعها المتاثره بطرف منديلها الانيق ..
تجمع الاكل بين الغذاره .. بين الجزم ..
انتبهت لها الطفله ودخلت الحبات كلها بفمها ونظرات الخوف بعيونها ..
: والله ماقصد انا شفتوا كذا.. انا.. كنت ب ..
سكتت ودموعها على خدها ..
ورجفت ايدها تزيد ..
بتضربها او بتحرقها هذي المرأه هاللحين ..
او بتحكي لمريم وبيكون اخر يومها ..
حطت ايدها بحنان على كتفها الصغير وهي تحاول تهدي خوف الطفله : انتي وش اسمك ياشاطره ..
رفعت اصبعها المرتجف ..ودموعها تزيد ..: لاتعلمي ماما مريم والله اخر مره اقسم بالله ماع
قاطعتها وهي تبتسم بالم .. وتمسح على شعرها : لاتخاافي انا بجيب لك مثل هذا الكورن فلكس بس وش اسمك ياحلوه ..؟!
بلعت شهقاتها ودموعها .. قاالت بارتجاف مع خجل وصوتها يتقطع .. : اا..ان ..ا .. س .. د يم ..
: الله سديم مرره حلو .. مثلك انتي حلوه..
سديم ببراءه : لا انا مو حلوه .. انا مثل الاولاد ..ماما مريم تقولي كذا انتي تكذبي ..
: لا انتي حلوه وشعرك حلو ..
سديم تحسست شعرها الكاريه الليلي ..
لنص رقبتها مع الطوق الابيض الضعيف ..
: ايوه بس انا مثل الاولاد .. حتى رجلي م
قاطعتها مره ثانيه وهي تبوس خدها بحنان : لا انتي بنوته حلوه .. يله ادخلي معي لجوا .. واعطيك كل اللي تبغيه ..
مسكت ايد المرأه .. وهي تبتسم .. : انت طيبه مره وش اسمك ..؟! ماما ايش ..؟؟!
لمعت عيونها بحزن
ماما..
صوت سديم الضعيف طعن صدرها بخنجر قاسي ..
محرومه من لمست الطفل بيدها ..
محرومه من احساس الحنان والامومه ..
ابتسمت بحب وهي ترفع سديم الطويله نسبيا : انا ماما .. "هناء "
سديم ابتسمت : هناء..؟؟!! اسمك حلو .. بس انتي كبيره ماينفع اربع حروف بس ..
ضحكت هناء لذكاء سديم السريع بالحساب ولعفويتها : ههه بهذا ناقشي امي ..ههه..
تاملت سديم وهي تضحك وتاكل ..
ليه تعيش محرمه وهي تقدر تحضن وحده من اليتيمات هنا ..
قررت قرار ماترجع فيه ..بتاخذ هذي البنت دامها محرومه ..
.
.
.
فستانها الوردي المهتري .. قديم مرره..
شعرها اشقر صارخ عاملته اثنين ..
وعيونها زرقها ..
كانها عروسه او لعبه ..
تمشي وتتحرك بدلع طفولي ..
هي شقراء الدار والمميزه ..
تدور ببراءه وتلعب عند الممر ..
تحت الناس تحتفل ..
وهي جالسه بكل نعومه تلعب لوحدها ..
بشاير وفجر يلعبون سوا وهي ماتحب تلعب معهم .. لان عندعم عروسه يقهرورها فيها ..
ناظرت من الداربزين .. كانت سديم مع مرأه ملامحها متناسقه .. لابسه ملابس مرتبه .. وشكلها يبين الغناء ..
فتحت فمها (( ياويلها الغبيه .. بتضربها ماما مريم .. والله بتضربها ..)) ..
اشرت بايدها الصغيره وهي تهمس : سديم .. سديم ..تعالي ..
سديم رفعت راسها ناظرت برحاب واشرت لها : تعالي بسرعه ..
رحاب هزت راسها باستنكار ..ورجعت لورى بخوف ..
ركضت ..بسرعه للغرفه ..
دخلت وناظرت بشجن و فجر واندماجهم بالصلاه اللي مافيها أي خشوع وماتخلوا من الضحك باصواتهم البرياءه ..
مسكت ورقه وقلم ..
وكتبت بخطها الصغير المرتجف (( رساله اليك ياربي ..
مثل ماقالت لنا الابله بالمدرسه .. نشتكي لك انا بكتب لك ..
يارب اطلع من هنا .. اليوم ..
كل يوم انضرب .. وانا جوعانه ..
والمسكينه سديم .. عفسوا رجلها ..
انا وش بيعملوا فيني ..
يارب اطلع من هنا ..)) ..اخاء املائيه فضيعه .. وكانه حكي غير الحكي اللي كاتبته ..
ناظرت شجن برحاب وهي تكتب : خطك حلو ..
رحاب اخذها الفخر بنفسها : ايووه دايم تقولي الابله كذا ..
بشاير ابتسمت بحماس : حتى انا
دخلت سديم للغرفه وهي تاكل حلويات بيدها : كذابه انتي ماتروحي المدرسه ليه تكذبي ..؟!
بشاير لفت عليها معصبه : الا عندي ابله تجي لعند ماما مريم وتدرسني
سديم باستفزاز طفولي : بس مو ابله ..مثل اللي عندنا بالمدرسه ..
بشاير دفت كرسيها اللي تجلس عليه بسبب كسر رجلها : انتي اصلا محد يحبك لانك مثل الاولاد .. يالغبيه ..
سديم رمت حلوياتها وشدت شعر بشاير : انا بوريك ياحماره انتي الغبيه ..
رحاب ضربت سديم : ابعدي عن بشاير يا سديم
ركضت رحاب لعند شجن و فجر اللي كانوا بداخل الحمام الرئيسي يغسلوا شعر باربي ..
: شجن ..فجر ..الحقوا سديم تضرب بشاير وماما مريم يمكن تسمعهم ..
ركضوا بسرعه لداخل غرفتهم وهم يحاولوا يفككوا بينهم ..
لكن مع الاسف حظ الصغيرات كان ضدهم ..
فتحت مريم الباب بعصبيه وناظرت باشكالهم ..
سديم بحضن بشاير على كرسيها المتحرك ..وتشد شعرها ..
وشجن ورحاب يفكوهم ..
وفجر تبكي وخايفه وبيدها عروستها ..
صرخت بعصبيه : أيش هذا ..؟!
سكتوا .. ولاصوت او حركه ..
امهم مريم هنا ..
يعني رااحت عليهم وعقابهم عقاب ..
مريم : ابعدوا انتي معها عن بعض وتعاول هنا قدامي بسرعه ..
عملوا مثل ماقالت والرعب ساكنهم ..
بشاير رفعت ايدها بخوف : والله مو انا هي اللي ضربتني ..
اشرت على سديم ..
سديم : والله والله والله مو انا هي االلي تقولي عني ولد ..
مريم بالعصا الطويله : وانتي أيش مو ولد .. الله يقرفكم .. محد يعمل ازعاج هنا مثلكم ومثل مشاكلكم ..
بلعوا ريقهم مقدمة للعقاب ..
مريم صرخت بجديه : انتم اول ناس بتخلص منكمم ياقرف ..
من بكره تجهزوا وتترتبوا وبرسلكم لناس تربيكم .. والله اللي بتعمل حركه بايخه بجلدها ..
ابغاكم تعملوا اللي تقولكم عليه هيله .. وتبطقوه يمكن الله يرحمني ويضفكم احد ..
طبعا مافهموا ولا كلمه .. الا انها بتطلعهم من هنا ..مثل ماتبنوا بعض البنات قبلهم ..
طلعت وسكرت الباب بقوه مثل مادخلت ..
عم السكوت المكان ..
يعني هم بيفترقوا .. بيطلعوا من هنا والا كيف..؟!..
.
.
.
لهالحين الاحلام معلقه برى جدران هذي الدار ..
حلم بحياه افضل ..
ومستقبل مشرق..
بعيد عن الزواج الجماعي .. والذل الجديد ..
* اتمنى تكون البدايه عجبتكم و حلوه ..
الساعه: 5 ص ..
اختكم : متكحله بدم خاينها *_^
.................................
السلام عليكم ورحمة الله وبركاته
حبايبي مشكورين على مروركن االعطر
وهذا أخر جزء نزلته مبدعتنا متكحله
وانا ان شاءالله راح انزل لكم الاجزاء أول باأول
انتظروها
دمتم بحفظ الله ورعايته،،،

واو مشكوره على النقل ياترانيم الريم
ليس غريب على شمس السديري هذا الابداع بصراحه بدايتها روعه
في انتظارك