بنات جدة أماكن شراء قمصان النوم أطقم المناشف وعدة استفسارات أخرى

مساء الخير
زواج صديقتي بعد ست أشهر .. وحايسين مرة كون إنها أول وحدة فينآ تتزوج
فيآليت آلمتزوجآت أو آلمملكات يفيدوني بخبرتهم
..
أول شي من فين نشتري قمصآن آلنوم بحيث ماتكون
غالية مرة و جودتها كويسة وتقريباً كم قميص نوم تحتاج وإيش
الخامات الكويسة والأحلى لأول يوم
..
وتآني شي طقم آلمناشف غير فلورا و واحة الجلابية
لأنهم غاليين شوية بحيث تكون المناشف قطنية تركية وتشفط الموية
بسرعة مايحتاج أضغط كتير عشان أجفف
..
وتالت حاجة العطور والمكياج صح إنو اللي في عمارة
الكورنيش الدور الخامس تعتبر العطور و أدوات المكياج الأصلية !
لأنو كتير مدحوها ومانبغى نروح ويكون غلط
..
إيش الأفضل الدلكة و الحلاوة عشان جسمها يكون سنقا
عشرة واللا إنها تشيل الشعر بالليزر وتعمل تقشير لوجهها ؟ و إيش
آلمشاغل الأفضل في التقشير والدلكة
وبسَ بجد بجد آللي بتسآعدني مابقصر معاها بدعوآتي أبد
لأنو مو بتسآعدوني بس غيري كتير بيستفيد
تحياتي لكم