بنات جدة واللي يعرفوا جدة يساعدوني

يا رب بحق جلالك وقدرتك وبحق حبيبك محمد .. عليه السلام
كل من ترد على موضوعي أو ترفعه ..
أن يرفع الله قدرها وأن يرزقها الذرية الصالحة والزوج الصالح ..
وأن يحقق كل اللي تتمناه
وأن يحفظ لها كل من تحب
وأن يجمعها بكل من تحب
اللهم امين ...
بعد الدعاء .. السلام عليكم ورحمة الله ..
الله يسعدكم يا بنات ..
أنا وماما وأخواتي بربطة المعلم .. معزومين على ملكة بعد 10 أيام
وطبعا هالملكة اللي موجودين فيها ما شافونا من فترة طويلة
ويقربوا لنا من بعيد..
وحابة نروح صالون أسعاره معتدله..
احنا دايم اً نروح يا امّا
جاك ديسانج او نوّارة ..
وطبعا حرام ندفع الشي الفلاني في شعر ومكياج في ملك ة
وكمان لناس يقربوا لنا من بعيد ..
فاقترحت على أخواتي نروح صالون اسعاره كويّسة وشغله نظيف ,..
وأهم شي كريم الأساس حقهم ما يتشقق عالوجه ..
وطبعا أنا سألت عن عدد من الصوالين ..
لكن ما أعرف عن شغلهم شي ..
فأنا راح أطرح لكم عدة أسماء من اللي عرفتها ..
وانتوا أفيدوني ..
بالأسعار وبأرقامهم وبأحسن بنات يسووّا شعر ومكياج ..
والله لدرجة انّي سمعت أنّه في صوالين تسوّي مكياج 50 وشعر 50
وكمان مكياج 100 وشعر 100
معقول !!
يا ريت تفيدوني
الله يسعدكم ..
والصولين اللي سمعت عنها كالآتي ::
مشغل الدانة
مشغل بثينة
مشغل أمارة
مشغل سندريلا
مشغل فيوليت
مشغل لادونا
مشغل الياذة
مشغل فرحتي
افيدوني لاهانكم ربي ..
انتظر ردودكم
اللي تعرف اي شي عن هذه الصوالين تقول وبأمانة عن شغلهم ..
مشكورين