بنات جده اريد خبرتكم

وسوني

13-12-2022 - 06:45 pm

السلام عليكم ورحمة الله وبركاته .....
بدون مااطول عليكم ...
انا زواجي راح يكون في جده دعواتكم لي بالتوفيق والتيسير
اناعندي سؤال بسيط عن بعض المشاغل في جده ....
زي مشغل جمالك وامسيتي وريما والامبرطوره.....
اريد اعرف كيف شغلهم وكيف يكون الاهتمام في العروس وش احسن واحد فيهم ...
الي تعرف هذا المشاعل تساعدني الله لايحرمكم الاجرو والمثوبه
وش كرا

التعليقات (9)

LOOLITA LAMPIKA

13-12-2022 - 09:00 pm

والله انا بسمع عنهم بس ماجربت شغلهم بس كمكياج انا انصحك بفي وريما عندهم اشراقه شغلها حلو وعندك مها ابوالفرج في عيون المها وهي الي عملتلي مكياج فرحي

LOOLITA LAMPIKA

13-12-2022 - 10:01 pm

@سرابي الدمع@

13-12-2022 - 11:02 pm

حتى أنا أبغى أرقام كوفيرات..
إن شاء الله البنات ما يقصرون..

العيون الحايرة

14-12-2022 - 12:03 am

بنات انا بسألكم عن كم صالون كمان في جده
مين راحت او سمعت عن ( باتشي الوتشي ) وكمان ( بثينه )
ياليت تفيدوني

بنت الجاه

14-12-2022 - 01:04 am

روحي لصالون المقينة جدا رائع من نفس الفلوس اللي تدفعينها يسولك حمام بخار وحلاوة و تشقير وتركيب أظافر وبدكير ومنكير مكانة في التحلية علي ماأظن سعرهم 1500 أو 2000
عندك كمان ريماس سنتر في نهاية شارع التحلية في وحدة أسمها فاطمة أنا جربت شغلها تحط كريستال فوق عند الجبهة جدا مكياجها رائع تحسي العروسة مميزة

العيون الحايرة

14-12-2022 - 02:05 am

بنات جاوبوني عن باتشي الوتشي كيف شغلهم بليز
وكيف بثينه يقولو شغلهم راقي

dr-loli

14-12-2022 - 03:06 am

انا يوم فرحي عملت في ريما..
كان البكج يشمل حواجب..بدكير منكير..تسريحة ومكياج..
وسعره 1800 العام الماضي..
والحمدلله بشهادة الجميع كن شكلي روعة..
شعر كاميليا ومكياج خلود..وترى المحل مليان صور بنات عاملين عندهمم تعرفي شغل كل الموجودين
وباقي المشاغل اللي ذكرتيها ماجربتها..

jamouli

14-12-2022 - 04:07 am

عندك مشغل إلياذة بشارع الستين بجدة مرة فخم و لهم عناية خاصة بالعروسة و قسم خاص بالعروسة و بالنسبة لأسعارهم 1500 ريال تشمل التسريحة و المكياج و تشقير الحواجب و المنكير و البدكير مكياجهم و تساريحهم مرة مميزة و معاملتهم مرة حلوة و الاحلى ان العروسة عندهم تخلص بدري اللي حابة رقمهم تكتب لي على الخاص و فيه عندهم فروع بجدة بالستين و الشرفية و في مكة و الطائف .

المكاوية السمرا

14-12-2022 - 05:08 am

وعليكم السلام
ألف مبروك وربي يتمم لكعلى خير
أنا جربت ريما من حوالي سنة مكياج لينا وشعر ردينة صراحة مرة حلوة
بس الله يعينك على التأخير ومعاملتهم نص ونص
العيون الحايرة
باتشي لوتشي وحدة من صاحبتي سوت يوم زواجها عندهم بصراحة مرة ماعجبني ولا كأنها حاطة شيء
بثين سمعت البنات يمدحوها بس ما قد جربتها

اسواق الكويت←
عاجل→