بنات جده الله يسعدكم

هلا
جمعت لك الأسواق و كل سوق بتخصصه
نبدأ :
1- الأسواق الموجود بها أكبر عدد من ماركات الملابس و الأحذية و الشنط المعروفة زي برومود و ماجو و ناين ويست و ألدو و غيره الكثير : سوق حراء الدولي - شارع التحلية - محمود سعيد أوايسس مول - حراء افينيو - سوق الجمجوم
2- محلات اللانجري و الملابس الداخلية : نعومي موجود بسوق حراء و الحجاز و حراء أفينيو و أوايسس مول و شارع التحلية سوق الجمجوم تقريبًا أغلب المراكز موجود بها نعومي ........ لاسنزا موجود بسوق حراء و الحجاز و حراء أفينيو و أيس لاند و شارع التحلية ......... ماركس أند سبنسر موجود بسوق حراء و الجمجوم و حراء أفينيو .....إيتام موجود بشارع التحلية .......... دبنهامز موجود بشارع التحلية .
3- الأسواق الموجود بها محلات الذهب الأبيض و الأصفر : سوق الحجاز القديم (1) - سوق الكندرة
4- الأسواق الموجود بها أكبر عدد من محلات المجوهرات العالمية الراقية و الساعات مثل شوبارد و أوميغا : مركز جولري سنتر بشارع التحلية - مركز التحلية التجاري .
5- محلات المكياج و العطور : وجوه و موجود فروعه في شارع التحلية و الحجاز و حراء الدولي و حراء أفينيو و أيس لاند ........... قزاز و موجود في طريق المدينة و الكورنيش و شارع التحلية .... مكياجي و موجود بسوق حراء أفينيو و الحجاز و مركز التحلية التجاري و الجمجوم و و محمود سعيد أوايسس مول
6- محلات المكياج و العطور و لكن بسعر الجملة : مركز الكورنيش التجاري .
7- محلات العبايات : سوق الحجاز الجديد (2)
8- محلات الأقمشة الفخمة : مركز عمر بن صديق في شارع التحلية - العيسائي في سوق حراء الدولي " هذي لزوم قماش فستان الزفاف"
الأقمشة المتوسطة السعر : مجمع الشرق التجاري روعه في الأقمشة و كل مستلزمات الخياطة و الفساتين من كلف و أكسسورات موجوده فيه " هذي لو حبيتي تشترين أقمشة لفساتين السهرة على طول و أنتي مغمضة روحيه " بس تراه كبير دوريه كله المحلات جدًا مختلفه عن بعضها .
9- الأسواق الموجود بها محلات الجلابيات الراقية و فساتين السهرة الجاهزة : جدة مول - سوق المساعديه - لا مول - سلطان مول ... و فيه محل روعه للجلابيات في مركز التحلية التجاري أسمه screem ( الصرخة) يخيط جلابيات تاخذ العقل و يشتغلوا نساء في المحل .
هذا اللي في بالي حاليًا و إذا صار و تذكرت شي جديد بأجي أضيفه لك بالموضوع ... و أنتي إذا حبيتي تعرفي أي شي عن أي محل معين أو وصف لمكان محل أسأليني و لا تترددي و أنا أخدمك بعيوني و بالتوفيق يا رب

روحي الأندلس وعزيز مول فيها كل اللي تبغيه لدبشك

ماشاء الله مابقيتي لي شيء خ
ولو تبغي محل لفساتين عشان تشتريه او تستاجريه سوق اليمامة وهو كمان فيه ذهب وبالتوفييق

سوق المستقبل بعد الحجاز فيه محلات لفساتين الزفاف اقرب من اليمامة .
وبخصوص الاسواق البنات ماقصرو وفرصتك ترى نعومي منزلة تخفيضات حلوة وفيها قمصان لاول ليلة قصيرة مشغولة مرة حلوة.
وربي يوفقك

مشكورات حبايبي وماقصرتم وجزاكم الله