بنات حياكم عالم العطور نفيد ونستفيد

فراشه ألوان

10-10-2022 - 12:18 am

المهم

أحب وأموت بالعطور لكني ماأعرف المحلات متضايقه بالحيل من هالشي ..

السلام عليكم ورحمة الله وبركاته..
مرحبا بنات..
صباحكم _مسائكم عطور
معروف أحلى شي بالدنيا العطور والرسول صلى الله عليه وسلم قسم مهر فاطمه رضي الله عنها لقسمين وأشترى بنصف المهر عطور..

المهم

أنا دايما عطوراتي من بدي شوب واحلى عطر بحياتي مون فلور جنان روعه دمار هبال قليل بحقه أشتريته مرتين لكن أنقطع دائماً أشتري عطر الفانيا من بدي شوب وصبايا من مكياجي والعطورات بشكل عام أخذها من المراكز العاديه ووالله غبار غبار

أحب وأموت بالعطور لكني ماأعرف المحلات متضايقه بالحيل من هالشي ..

والبنات يتكلموا لكني أظل ساكته ماأبي أبين لآأحد إني ماأفهم بالعطور وشي ثاني صديقاتي مايعلمو من وين يجيبوا عطوراتهم فاأنطم أبرك لي ومشكلتي ماعندي أخوات وبنات عايلتنا عطوراتهم أشمها على بعد كيلو وأبيكم تساعدوني الله يحققلكم كل أمنياتكم ..
أنا من سكان تبوك
أعرف أسماء محلات بس أبي أفهم..
مكياجي ماأعرف غير صبايا وش عندهم عطر ريحته حلوه والأهم كم سعره عشان أطلب أبوي فلوس
بدي شوب ليه مون فلور أنقطع من عندهم لاني مااحب أسئل الرجال اخاف يضحك علي ويه فشيله..
نكتار ماأعرف عنه شي أبداً
زهور الريف ماأعرف عنه شي بداً..سمعت عن نبتون بس كم سعره والكريم كم سعره وبخاخ الجسم كم سعره
درعه ماأعرف عنه شي أبداً
باريس ماأعرف عنه شي أبداً
العربيه ماأعرف عنه شي أبداً
عبداللطيف جميل ماأعرفه عنه شي أبداً
محمود سعيد ماأعرف عنه شي أبداً
غير هالمحلات إيش موجود بتبوك ووين موقعه؟؟
دائماً أسمع بوجوه وكنوز وغير هالمحلات ماأذكر أسمائها بس ماأعرفها وأسمع الكل يقول تبوك خايس مافيه شي يعني هالمحلات ماله وجود بتبوك وإذا لها وجود وين؟؟
المهم خاطري أعرف شغله وحد مثلاً العطورات الموجود بباريس متستحيل ألقاها بدرعه إم ممكن ألقاها؟؟
وأمور وأستيلا وين ممكن ألقها وكم سعرها..
بنات بعد العطور بتاعات الشعر من وين وكم سعرها
ادري بتقولوا بدويه بس ترا البنت إذا كانت مع صديقات أنانيات وبيت كله أولاد وكل شي حرام وإم تدلع أولادها وإب مايحب يكسر كلمة اخوانها ترا قمة المعاناة..
الله يصبرني لين يزوجني بزوج يطلق حريتي..
المهم يابنت السعر إذا قدرتوا لان لازم أطلب أبوي فلوس إذا قدرتوا..
وياهلا بكل البنات من خارج تبوك قولوا كل شي تعرفوه عن العطور ومن وين جبتوها ..
يابنات إلي ماتعرف ترفع لي الموضوع بذكر الله..
الله يزوجكم وإلي متزوجه يحفظلها زوجه ويحقق كل أمانيكم..
انتظر ردودكم..

التعليقات (8)

فراشه ألوان

10-10-2022 - 03:36 am

ولو يابنات فيدونا لو بأقل شي..

bb:21CF0FFF

10-10-2022 - 04:37 am

انا بصراحه احب جيفنشي
وكوكو شانيل
مره جنان
والله يوفقك .. ونشوف مشاركات البنات

فراشه ألوان

10-10-2022 - 05:38 am

ام رانسي
merci beaucoup على الرفع ..

متلثمه بشماغ أخوها

10-10-2022 - 06:39 am

عندك عطر نينارتشي وعطرقوتشي اذا عندكم درعه روحي شوفي العطورات
حلو وعندك عطوراجمل حلوه
والله يوفقك يااختي

00فراشه بالالوان00

10-10-2022 - 07:40 am

ايديال من جيرلان وتشانس من شانيل

عيوون ابووهآ

10-10-2022 - 08:41 am

يا قلبي عليكي عادي اسألي ولا تنحرجين ..
صاحباتك ما نزلوا من بطن امهاتهم متعلمات عالعطور والمحلات .. اكيد هم بعد سألوا
طيب انا ابغا افيدك باللي اعرفوا من العطور..
اول شئ .. عطر ستيلا روعة بكل ما تعنيه الكلمة .. وكنت استخدمه ايام الثانوي والبنات يموتون على ريحتي ..
وسعره على حسب الاماكن بأماكن من 200 الى 190 ..
وفي نوع منه مركز اعتقد انه ارخص .. وبرضوا ريحته حلوة وشكله مربع وردي ..
في عطر جادور من ديور على قد انه قديم الا انه هادي ويذووب .. مرة حلو وسعره في المحلات الكبيرة زي قزاز ووجوه وباريس ب 600 ريال لكن انا اخذته من سوق الكورنيش في جدة ب 400 وشوي ماني فاكرة والله ..
والصغير منه ب 300 بس روعة
وفي من ديور عطر اسمه بويزن يجنن هادي ورايق وسعره الكبير والصغير نفس جادور من المحلات الكبيرة وممكن تلاقيه بالجملة ارخص ..
في عطر بس قوي شوي انا شخصيا ما يعجبني مرة بس اشوف بنات الجامعة طايحين فيه اسمه الين احسه ينفع للسهرات .. ما ادري كم سعروا
وفي عطر استيديبوند الجديد حلو كمان وما ادري كم سعره ..
وفي عطر CH سعره تقريبا 360 الى 400 وشوي مرة حلو
في عطر من قوتشي ناسية اسمه بس ابيض شفاف وعليه زي الشريطة سودا سعره اظن في حدوودد 400
وفي عطر سكادا الجديد حلو كمآن بس ما ادري كم سعره ..
وفي عطر اسمه ماكس مارا وردي يجنن وسعره بين المية والميتين ..
والله يوفقك وان شاء الله يعجبك شئ

عيوون ابووهآ

10-10-2022 - 09:42 am

ايه صح في مسك عند عبدالصمد القرشي يجنن اختي بالمتوسط تحطه .. البنات يتجننوا عليها والين ترجع وريحتها تجنن ..
وعنده خمريات شعر تخلي ريحته تجنن .. حتى العربية للعود قوليله ابي خمرية للشعر في وحدة بس مدري وش اسمهآ امي عندها ريحتها تجنن ..

أم عبدالله99

10-10-2022 - 10:43 am

فية عطر الين حلو وعطر بربري وفية عطر كلك فلور جنان
وفية عطر بيتفول حلو بعد قديم لكن حلو

عروس وتبي اسماء عطور ثابتة وحلوة←
عطر سي اتش→