بنات ساعدوني الصبااح ااختباري موفاهمه شي الكل يدخل

ايش اللي مو فاهمته بالضبط ؟!

هلا ام ديما اللي موفاهمته الاعداد خاصه الاعراب فيهم
الاعداد المفرده والمركبه موعارفه كيف اضبطهم بالحركه

طيب اذا تقدرين تكتبين القاعده ع السريع حقت هالدرس عشان اتذكرها مع انه اعراب الاعداد جدا سهل .. وراح أكون معاك لحد ما تفهمين ان شاء الله

لا تكتبينها خلاص عندي اياها

الله يوفقك ويسهل لك استغفري وصلي على النبي وصلي ركعتين واذا كنت جوعانه تغذي صح لان هذا له تاثير على العقل انا كنت مثلك احيان ماافهم وابكي بعدين ارتاح واذاكر بصوت منخفض وباستيعاب وافهم وبكره من الصبح روحي عند اي وحده من البنات شاطره وخليها تشرح لك بسيط الله يكون بعونك
سبحان الله وبحمده سبحان الله العضيم

شوفي يا حبيبتي أول شي اسماء الفاعل نوعين فيه للمذكر وفيه للمؤنث :
اسماء العدد للمذكر اللي على وزن فاعل هي الأول - الثاني - الثالث - الرابع - الخامس - السادس- السابع - الثامن - التاسع - العاشر
اسماء العدد للمؤنث اللي على وزن فاعلة هي الأولى - الثانية - الثالثة - الرابعة - الخامسه - السادسة - السابعة - الثامنة - التاسعة - العاشره

عيوش مشكوره حبيبتي ربي يسعدك
ام ديما الله يفرجها عليك مثل مافرجتيها علي

اسماء العدد اللي هي الاول والثاني والثالث سواء كانت مذكر او مؤنث دائما تطابق الموصوف يعني مثلا لما اقول :
حللت المسألة الثالثة
حللت اعرابها فعل وفاعل
المسألة مفعول به منصوب بالفتحة
الثالثة ( لازم تطابق الموصوف وحنا وصفنا المسألة بالثالثة وكان اعرابنا للمسألة انها مفعول به منصوب بالفتحة ) اذا راح يكون اعراب الثالثة : اسم عدد منصوب وعلامة نصبة الفتحة .. هذا العدد نقول عنه مفرد أما المركب هو اللي يتكون من جزأين زي الثانية عشرة

اذا انتِ معاي ردي لي خبر عشان أكمل ^_^