بنات قطر عروس محتاجتكم

امم اختي ماقدر افيدج بكل شي
اول شي
المكياج انا افضل دينا
لان عبير يقولون انها ماتتحمل النقد او الملاحظات
للهديه حطي عند آمنه شاهين
او مريم الانصاري
وعندج ميرا اللي كانت في صالون دانيال مكياجها خفيف وناعم روعه
والشعر
عندج نعمة وبثينه
طبعا بثينه شغلها احلى بوايد من نعمة ومتمكنه اكثر
اما الحمام المغربي فمااعرف عنه
بس نصيحه لاتسوينه برا البيت
انتي ماتعرفين الصالونات شفيها
طبعا التصوير عند كريستال
اخذي من عندهم كل شي
التصوير والدي جي والاضاءه
والله ماعرف كم طول قاعة الدانه
بس هي كبيره وايد
يعني يبيلج زفه طويله
شوفي اللي يسوون في قاعة سلوى زفتهم تكون ثلث او نص ساعه
وعلى حسب سرعتج في المشي
يعني اذا مابوقفين وايد عالمسرح خليها نص ساعه
اتمنى باقي الفراشات يردون ويفيدونج اكثر

طبعاً انا ييت البي النداء ..
بس والله سامحيني حبيبتي ماعرف بهالسوالف ..
ومبروك حيااتي (( بس عاد ماراح تعزميني على عرسج )) ههه .. ( رزت فيس ) ..
وسامحيني على القصور ..

مشكورين خواتي ومااقصرتواا وفديتكم كلكم معزومين من عيوني واشيلكم فوق راسي

حبوبه كلثم الف الف مبروك والله يهنيج يا رب
منه المال ومنج العيال ما اول الحين كل شي منج ههه
حبوبه انا بعد يمكن اجاوبج على بعض الأشياء
حبوبه انا جربت دينا الخوري في عرسي كان مكياجها روعه ضهرتني شي خيالي وعيوني والله تفننت فيها وبرزت جمالها حتى الكل مات علي احم اما عاد الأساس حدث ولا حرج تم معاي لين اليوم الثاني ووحده من ربعي كانت هديتها ثاني يوم في عرسها من قوة المكياج قعد لين اليوم الثاني وعدلت فيه لهديتها (قصة ههه)
حق الهدية انتي قصدك دينا الخوري؟؟ خليها للعرس احسن وللهديه سوي عند امنه شاهين وايد ناس يمدحونها بس انا الصراحة ما شفت مكياجها.. شوفي حبوبه اهم شي سوي عند وحده انتي شفتي مكياجها وارتحتي له
اما الحمام المغربي اتصدقين اذا قلت لك اني ولا مرة سويته حق عرسي لأن صديقتي خرعتني وقالت لي انه يفتح المسام فأذا كان لج مسامات في رجولج وايدج بتوضحها بس والله انا ما اعرف في هذي المعلومة اسئلي عنها احسن.. وسالفة كل اسبوع مرة احسها وايد يعني كفاية مرتين بالكثير ثلاث قبل العرس.. خلي المره تجي البيت تسوي لج حمام مغربي احسن من الصالون واامن.. اما عن حمام دايموند ما اقدر افيدج فيه لأن ما ادري عنه والله..
اما عن التصوير انا صورت في الأثنين واحد حق خطوبتي اللي اهوه كرستال والله لا يرويج ضهرت الصور لوعه شوي عليها وضهروا عيوب فيني في الحقيقة مش في الفلاش عندهم تعبان والصور ما فيها فلتر يعني كل عيوب الويه حتى لو حبه مخشوشه بالمكياج بيضهرونها بالتصوير.. اما رفيجتي جابتهم في عرسها لين يومج هذي ما روت احد البومها مع ان البنت وايد جميله وفي العرس ظاهره روعه الله يسامحهم
اما الوان الخليج جبتهم في عرسي صوري ضهرت روعه والله وضهرت في الصور احلى من الطبيعة ما اقدر اوصف لج كنت وايد مستانسه على الصور والهدايا اللي معاها اللي اهيه مخده وبرواز فيها صورتج وصورت ريلج احلى الصور طبعا والألبوم واو روعه طبعا احلي الصور وفيه رسمة لي
اما الزفة فطوليها قد ما تقدرين يعني عادي تعيدين الموسيقى او الأغنية اكثر من مرة وتحطينها في شريط وتعطينها راعي الدي جي علشان انتي مستحيل راح تضبطين الوقت فأذا وصلت الكوشة وخلاص حد يقوله وقف الأغنية عاد هو بيوقفها بطريقة حلوة اكيد بيبين انها خلصت.. ذكرتيني في عرس اختي كانت زفتها موسيقى وقصيرة بسرعة تخلص فقام اخوي و سجلها ثلاث مرات ورى بعض في نفس الشريط وضهرت وايد طويلة بس محد لاحظ انها معيوده
اخ تعبت من الكتابة..
ان شاء الله قدرت افيدج في شي وما لوعت جبدج من كثر ما سولفت
الله يوفقج حبوبه ويكون عرسج تحفه ومرتب
وبعد كم شهر نشوفج في قسم الحمل والولاده ههه

اختي الاخوات الي قبلي كفوا ووفوا بس حبيت افيدج بحمام دهن العود اعرف وحده سوته وغالي بس ماستفادت شي يعني انا كنت قريبه منها ماشميت اي ريحه دهن العود وكانت واثقه الشيخه انها مو محتاجه اي عطر بوجود دهن العود لكن ربج ستر جلسنا نعطرها على الاقل تطلع عروس لها ريحه مميزه لذلك لاتخسرين فلوسج بهشي صراحه احنا لما تزوجنا الكل يعرض خدماته والكل عنده خبره وفي الاخر تكتشفين انه نص فلوسج راحت على غير فائده .. بالنسبه للحمام المغربي اعتقد تسوينه فالبيت اامن وانا اعرف وحده مغربيه تجي البيت برسم الخدمه على الاقل انتي فبيتج وبعديت اختي سوت حمام مغربي كذا مره احس انه ماله داعي اكثر من مره لانه النتيجه من اول مره او ثاني مره تبان ماتتغير اذا عرسج فيه وقت عنه سوي حمام مغربي كل 3 اسابيع او شهر وقبل العرس يعني قبل الحنا فقط نصيحه لاتخسرين في اشياء مالها معنى .ولا فائده .

مبروك مقدما حبيبتي على قد ماتقدرين تجنبي امنه شاهين ومنيرة لانة مكياجهم دفش حده وخلج على عبير
هاي رايي الشخصي وبعدين انا خبيره بالمكياج واعرف
بالنسبة للشعر عندج وحده اسمها هناء روعه فنانه شوي من فترة سويت عندها والكل سالني عن التسريحه يقولون لي هاي تسريحة عروس اذا تبغين رقمها عالخاص طبعا والله يوفقج ولاتنسين تعزمينا

حبيت ابارلكج اختي
اللف مبروك والله يتمم عليج ويسعدج

الغاليه اذا حابه تسوين توزيعات بلون الكوشه مع بطاقه باسمك مع شعر
او بغيتي حلويات للضيافه
او عطر للخله
او تزيين الصواني
او عمل مفارش لها
انا حاضره