بنات كلية الإقتصاد المنزلي بجدة ادخلو محتاجتكم

معقولة 11 دخلوا ولا ردوا

الأزياء غير محددة إلا اللون الأحمر والأبيض للقونلة ممنوع
التخصصات ( ملابس ونسيج , غذاء وتغذية , فنية )
نص المكافأة تروح في الطلبات
مبنى الكلية نفس مباني المدرسة بس حلوة
الحياة حلوة

يسلمو يالمشاكسة على ردك
جزاك الله خير

واللي عندها معلومات إضافية لاتبخل علي يعني زي حكاية البلايز اللي ربع كم اللي هو الكت طبعا ممنوع ولا عادي لأني نازلة السوق بعد كم يوم لأن بصراحة أحس البلايز الكت أشيك في الموديلات صح ؟

هلا حبيبتي ..
أنا في جامعة الملك عبدالعزيز وأختي في كلية الإقتصاد المنزلي (( تغذية ))
لا طبعا ًممنوع الكت ..معقدين ..
أنا رحت مع أختي مرة وكنت لابسه بلوزه فوق
الكوع بشوي قالوا لي مخالفه .. إنصدمت ..
توقعت نفسي محتشمه لانه جامعتنا عادي تلبسي كت بس بصراحه كويس انهم تقدموا شوي وسمحوا بتعدد الالوان لانه الترم الاول من السنة اللي فاتت كانت الالوان محدده ..
وبصراحه عن نفسي مرة ماعجبني مبناهم كانه مدرسه حكومية بس مكبرة شوي حتى صديقاتي فيها يقولوا نفس الشيء ..
أنتي ما قلتي ايش القسم اللي دخلتيه ؟؟؟
.. والله يوفقك وإن شاء الله تتأقلمي على الوضع ..

يسلمو يافراشة داعية لك على ردك لي عن جد كلك ذوق بس والله خسارة ليش التعقيد هذا وأنا والله كنت أتمنى أدخل الجامعة بس قبلوني في الكلية وأنا لسه مااخترت القسم لأن نظام هالسنة الأولى سنة تحضيرية وسنة ثانية اتخصص بس محتارة إيش اتخصص أنا نفسي اتخصص نسيج لأني مرة أحب تصميم الأزياء وعن جد أنا موهوبة وعندي ملف كله تصاميم تجن هذا مورأيي رأي أهلي وأقاربي وصديقاتي بس خايفة يكون القسم صعب لأني أنا أكره الكروشيه والهبالات هذي يعني إسألي أختك كيف قسم النسيج سهل ولا لا؟ ردي بليز

هلا حبيبتي ..
والله آسفه على التأخير
سألت لك أختي وبعض صديقاتها وصديقاتي اللي في نفس الكلية
الكل ينصحك بالتغذية لانه ممتع ومفيد وأسهل من الباقي وإذا حرصتي على حضور دورات وجمع شهاداتها يسهل عليك في التوظيف وممكن إذا كملتي تصبحي أخصائية تغذية (( شبه دكتورة ))
أما التفصيل إذا انتي حابته أدخليه
بس والله أكثر من وحدة من اللي أعرفهم دخلوا تفصيل وماكملوا السنة ونقلوا تغذية لانه متعب في كثرت شغله وأعماله
وحطي في بالك أنك من اول سنة تخصص حتنسجي كل انواع الغرز وتستخدمي المنيكان ويكون بطولك والله صديقتي دخلت العام وسحبت الترم الثاني قالت مره صعب
يمكن عشان ما دخلته برغبتها
أنا والله ماأقصد أحطمك لكن أنا ما يعجبني أحتفظ بمعلومة الناس محتاجينها
وعشان ما تنصدمين لما تتخصصي
وإذا كان التفصيل هواية وشايفه نفسك أنك ممكن تكملي فيه بالرغم من كل العقبات التي ستواجهك
فالله يوفقك و أدخلي بدون تردد لانك راح تبدعي ما دام أنه ميولك و رغبتك ..
إن شاء الله أكون قد أفدتك .. وأنا بالخدمة متى أحتجتي لي لا تترددي راسليني على الخاص ..
وأتمنى أن تدعي لي بالزوج الصالح وأن الله يحقق لي طموحي ..

أهلين ياقمر
آسفة تأخرت عليك بس انشغلت
ويسلمو عالمعلومات وعلى تعبك واجتهادك جزاك الله ألف خير ويجعلوا ان شاءالله في موازين حسناتك بجد والله حبيتك ويارب يرزقك إن شاءالله بالزوج الصالح اللي يسعدك ويهنيك وعن جد يابخته فيك ..
وشكرا .

هلا بك ياغلاتي
من حسني حظي اني اول مره ادخل ع هالقسم واشوف موضوعك ......
بالنسبه للكليه فيها 3 اقسام مثل ماقالو الاخوات بس تخصص الملابس والتغذيه بكليه والفني بكليه ثاني تنفصل عن بعض بالمباني .....ياعزيزتي اللبس بالكليه كل الالوان مفتوحه يعني خذي اللي يخطر ببالك اما الاكمام طبعا ممنع الكت ولو انه احيانا ع الجو اللي عندنا تظطرين تلبسين ربع كم ولو فلتي من الشئون تلاقي بعض الدكتوارت يمنعوك من دخول القاعه ... والحياه حلوه كثير لو لقيتلك ناس يفهموك زي ماتعرفين كل ماكبر المجتمع ح تلاقي الناس الكويسه والناس الشينه لكن حاولي تستوعبي اللي حولك وتعرفيهم اكثر لانهم هم اللي ح يعيشو معك فتره اطول خاصة بالدوام لاني الواحد يحتاج اللي يخفف عنه خاصة من ظغوطات الدراسه لكن ربي يعين.....وبالنسبه للاقسام اول حسب تخصصك لان قسم التغذيه مايقبل الا خريجات العلمي واما الملابس والفني خريجات الادبي والعلمي وعزتي جميع التخصصات يبغالها شغل ومذاكره وانتي اعرفي اش ميولك وحلو انك عندك خلفيه عن التصاميم يعني كذا مشيتي بربع الطريق وبما انها موهبتك حاولي انك تنميها وممكن بها الشي تصير مصممه كبيره ،،،،والله اشوف بنات الملابس يطلعوو اشغال مرره روعه انا كنت بقسم الملابس بس ماطولت وحولت ع التغذيه لاني مااحب التفصيل والخياطه وهو من ناحية طلاباته كثير ع مااشوف وبعد حتى احنا بتخصصنا طلابات يعني بكل قسم حتلاقي الشغل اللي يبيله طلابات لان اقسامنا عمليه والله يوفقك واتمنى اني اكون افدتك واي شي انا حاضره