بنات لقيت الحل لعقدة وضع مكياج شارمل

1. قصتي قبل لاأعرف الحل ..


2. 6-بعدين أخر طبقه ضعي بودره اللاماعيه الحره من شارمل على الوجه لإضاءه


3. :aq444

السلام عليكم
شلونكم يالفراشات عساكم بخير .. صراحه والله مريت إبمعاناة مع مكياج شارمل وأكيد الكل مر فيها للي يستعمل مكياج شارمل ..

قصتي قبل لاأعرف الحل ..

كنت أسمع عن مكياج شارمل ولمن اروح لصالونات يحطون على وجهي منه ومره عجبني لدرجة أرد من العرس وأغسل وجهي وبالعافيه يطلع ..فجت عطلت الصيف الماضيه سافرنا للسعوديه معزومين على عروس كثيره من قرايبنا فقلت لازم أشتري مكياج شارمل وأخذه وياي قبل ماأسافر
" سبحان الله سبحان الله" بعد ماشريته إنعزمنا على عرس قبل مانسافر قلت خلني أجرب المكياج وأروح للعرس سويت شعري بالصالون وحطيت مكياجي إبنفسي بالبيت .. حطيت كريم أساس شارمل وبعدين بودرة شارمل الحره وبعدين البودره الحره الماعيه فوق بودرة الأساس،، والله بنص العرس بقع وجهي وتفشلت صرت بس أطالع للناس منو يطالع فيني وكل إشوي أرقع وجهي بالبودره الحره أقطي بقع وجهي والله إترنفزت وتضايقت وايد والله حتى قمت العب بالبيت واحط منه أبي اعرف ليش يبقع ماحاشني حر كله قاعده تحت التكيف هم بعد بقع .. قلت لالالالا أكيد في سر الصوالين مايحطونه إبروحه أكيد وياه شي..
بعد ماعرفت الحل .. والحمد لله عرفته زوجت اخوي قبل ماإنسافر ..
راحت لمحلات المكياج العاديه ألي يبيعون أكسسوارات ومكياج وساعات وشنط وادوات مكياج ألي يبيعون إهنود
سألته زوجت اخوي قالت أنا شريت مكياج شارمل ولمن أحطه يبقع مادري ليش وشاريينه 25 دينار قير البودره على مااظن 12 أو 13 دينار وغير الروج وغير البودره الماعيه والله قهر تدرون شنو قالها ماراح تتوقعونه ..
قالها حطي على البشره طبقه خفيفه من مكياج محمود سعيد وبعده على طول حطي كريم أساس شارمل وراح يثبت .. بس بغيت أوظح شي لكم أنا رحت للصلون وقلت لهم سالفتي ومعلناتي مع مكياج شارمل .. قالت لي لاتستعملين البودره الحره لكريم الأساس ،،أستخدمي بودرة بوتيك ألحلوه والله صج حلوه
:aq444
بالإختصار أقولكم الطري قه..
1-إغسلي وجهك عن أي دهون بالوجه .
2-نشفي وجهج من الماء بعد الغسل .
3- إبدئي بوظع طبقه خفيفه من مكياج محمود سعيد( ms) صراحه أنا سميته مثبت مو مكياج..
4-بعد الطبقه الأولى على طول ضعي كريم أساس شارمل .
5-ضعي بودرة بوتيك (BOUTIQUE0) رقم9 على كامل الوجه.

6-بعدين أخر طبقه ضعي بودره اللاماعيه الحره من شارمل على الوجه لإضاءه

:aq444

أتمنى إنكم تستيفيدون من التجربه ألي مريت فيها .. ملاحظه إصغيره .[لاتستعملون شارم بأي وقت أو إتكثرون من إستعماله خلوه حق المناسبات ..الزواجات.. علشان مايظر بشرتكم أنا ماسمعت إنه مظر ولا أثر فيني بس لازم أنحافظ على البشره ..
أتمنى إني ما أطلت عليكم لكن ب حبيت تفهمون قصتي.. لاتنسونى من الدعاء ..
أنتظر ردودكم .................