بنات مكه ممكن سؤال ولكم مني الدعاء

صيته والفجر الجديد

27-06-2022 - 11:34 am

السلام عليكم ورحمة الله وبركاته
انا ان شاء الله ابغى اسوي غرفة نوم لبناتي الله يحفظهم طبعا تفصيل وابغى منكم تدلوني على محلات لهذا الغرض وتكون ذات جوده مثل جودة الموبليا المصريه لكن باشكال حلوه والوان احلى وطبعا اسعارها معقوله.......مين تعرف وجربت .....تدلني ولها مني الدعاء.........اختكم السائله ساكنه من فتره بسيطه في مكه....

التعليقات (8)

صيته والفجر الجديد

27-06-2022 - 02:22 pm

الله اكبر 27 مشاهده ولا وحده تعرف على الاقل اكتبوا للرفع........طيب ما ابغى تفصيل ابغى محلات تبيع غرف نوم للاطفال ولكن ذات جوده من يدلني .....

هدوء ملكة

27-06-2022 - 03:23 pm

في محل أسمه غرف أطفال في الحجون وفي شارع الحج فتح محل جديد له بس أكبر منه أنصحك روحي للي في شارع الحج
أختي سوت عنده شغله حلو والخشب كمان
وتصمماتهم حلوه
وشكراً

**الحجازية**

27-06-2022 - 04:24 pm

تبغي سرر أطفال وبجودة عالية عندك ايكيا وفي بجدة سوق بن عمرين سرر روعة ومثل ايكيا

صيته والفجر الجديد

27-06-2022 - 05:25 pm

هدوء ملكه ...شاكرره افادتك وان شاء الله ارووح للمحل...اللهم ارزقها ما تتمناه واكتب لها الخيره في ذلك.. واسعدها في حياتها وجزاك الله خيرا...
الحجازيه ...شاكرره افادتك بالنسبه لايكيا جربت منها مكتب لي ولكن ماعاش كثير لان خشبها نشاره مجمعه...اما سوق بن عمرين اللي في جده حخليه اخر الحلول.. الا اذا فيه في مكه ياليت تدليني....اللهم ارزقها ماتتمناه واكتب لها الخيره في ذلك واسعدها في حياتها ..وجزاك الله خيرا.

● سـحـاب ●

27-06-2022 - 06:26 pm

زي ما قالت الاخت هدؤ مكه في شارع الحج
في محلات غرف نوم
ان شاء الله اخويا يتزوج قريب واشترينا من هناك

الأشعه الذهبيه

27-06-2022 - 07:27 pm

موفقه حبيبتي مااعرف في مكه بس ماحبيت امر مرور الكرام

ام غلا الحلوه

27-06-2022 - 09:30 pm

عزيزتي راح تلاقي محلات في دواس

موزه فوشيه

27-06-2022 - 10:31 pm

انا من مكه بس ماقد رحت محلات غرف النوم حقت الاطفال ..بس اشوف محل في الحجون حق غرف نوم اطفال
ونصيحتي روحي جده ارخص الصواريخ وطيبه نا سويت لبنتي هناك سرير ودولاب وكومدينه..ب1300
مع التوصيل وربي ييسر لكم

من جديد رجعت←
رسامه بالرياض→